Omupedu minista wehongo, omaduto oinima ipe, ovanyasha, omaudano, omaunghulungu nomifyuululwakalo Dino Ballotti Etine loshivike sha dja ko okwa ti omulandu wepangelo wehongo loshali otau ka tala ashike koimaliwa yomalinyolifi nofuto yofikola ndee opuwo.
Oshinima eshi okwe shi popya poshoongalele shepatululo letulomoilonga lehongo lopombada loshali mOvenduka.
Eshi osha landula eshiivifo lapresidente Netumbo Nandi-Ndaitwah tali koleke elitulemo lepangelo lokutula moilonga ehongo lopombada loshali.
“Okuninga ehongo oshali okwa kala efimbo noule taku pulwa kOvanamibia. Omido da dja ko, otwa kufa eenghatu da fimana, twa tameka nokukufa po eefuto dehongo lopedu.
“Paife, momudo 2025, otwe lilongekida okuwedela omulandu welunduluko koiputudilo yetu yopombada,” Ballotti osho a ti ngaho.
Ashike nande ongaho, okwa denga omufindo kutya oinima oyo ihe shi ofuto yofikola, mwa kwatelwa omalukalwa, oikulya, olefa nosho yo oikwafifohongo otai kala oinakuwanifa yovalihongi manga.
Omupedu minista natango okwa popya kutya efimano lokukwashilipaleka ouyuki kombinga yovalihongi ovo hava i koiputudilo yopaumwene.
“Manga omulandu wa nuninwa oiputudilo yepangelo, osha fimana opo ovalihongi ovo ve li koiputudilo yopaumwene vaha fiwe ko kouwa ou. Oimaliwa nai landule ovalihongi, ndee hai putudilo,” Ballotti osho a ti ngaho. – NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
