Ehangano lovanailonga vomeemina laNamibia ledina Mineworkers Union of Namibia (MUN) ola popila ohokwe yepangelo yokumona eepelesenda di li 51 moilonga aishe yoikwamina ipe.
Hamushangandjai wehangano eli George Ampweya oshinima eshi okwe shi popya momukanda wa nyolwa etitano.
“Ohatu anye neenghono eponokelo olo la ningilwa omufimanekwa minista woikwamina Natangue Ithete, sha landula eshiivifo laye lomumbwe yoshilongo shi mone omauwa ahapu moshikondo shoikwamina.”
Omapopyo aAmpweya okwe ya konima ongudu yoIndependent Patriots for Change ya holola omalimbililo kombinga yomafaneko epangelo, tai ti oshinima eshi otashi dulika shi tilife ovanangeshefa vokondje yoshilongo.
Ampweya okwa ti omahango akula opaiwana okwa kala nokumona oiyemo ihapu okudja meendjo dopaushitwe daNamibia oule wefimbo lile, omangha ovanailonga vomeemina noiwana yokomikunda , i li koshi yoluhepo lamatutu.
Okwa itavela kutya omapopyo aIthete inaa puka nandenande.
“Okwa kala a pumbiwa nale nokwa dja medilaadilo lokuyandja oufemba kOvanamibia va dule okuwilika emona lavo,” osho a ti ngaho.
Pakuweda po, Ampweya okwa ti oshikondo shoikwamina osha yandja shihapu keliko, ashike omauwa aa okwa yandja ashike omauwa ahapu kovakufimbinga vokondje yoshilongo.
Ovanailonga otava twikile nokulonga meenghalo inadi amenwa, okukala ve na eekondalaka doilonga dopakafimbo neemhito dopombada da ngabekwa, osho a ti ngaho.
Ampweya okwa ti oiwana ohai mono ashike okapambu kashona keebiliyona odo da dja moiyemo, moishoshela nomokutumina oinima kondje yoshilongo.
Okupula oshilongo shi mone eepelesenda doipambuliko di li 51 kashi fi nande oupyakadi kwaavo va hala okukufa ombinga meengeshefa doludi eli moshilongo, ashike okupula ashike ouyuki nefikopamwe, osho a ti ngaho.
“Otwa pandula minista eshi a kufa onghatu iwa tai popile eyokomesho lekwatelemo.
Ovo tava longifa etomeno lokutya ovanhu itava ka kufa ombinga otava longifa ashike omukalo wokutwikila okumonifa ovanhu oixuna.
Namibia ina fininikwa e liufe komahalo omahangano taa fimaneke oiyemo ponhele yovanhu.
“Ongehangano lovanailonga vokeemina, elitulemo letu oli li kovanailonga nOvanamibia.
Ohatu yambidida keshe onghendabala, mwa kwatelwa elundululo noveta oyo tai kwashilipaleke kutya eliko letu ola yandja omauwa tete koshiwana shetu,” osho a ti ngaho.
Ampweya okwa ti efanodilaadilo laminista olimwe lokulipangela mwene, louyuki neyokomesho tali kalelele.
“Ohatu popile edilaadlo laye neenghono.”
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
