Ombelewa yangoleya kErongo oya pula ehangano loikwamina koKaribib li xulife po oilonga meendelelo konima la ekelashi omikanda dokukonga oilonga donduba yovakongi voilonga.
Omikanda dokukonga oilonga okwa li vati da ongelwa kehangano ledina M15 Mining Contractor, la pewa oshapa kOsino Resources Corp, pefimbo kwa li tali kutu.
Oshiningwanima eshi oshe ya koluheela konima omukwashiwana e litwa monduba yomikanda edi da kupulwashi, ndee ta lombwele ewiliko loshitopolwahoololo.
Momukanda wa shangwa Etivali, ombelewa yangoloneya wErongo Natalia |Goagoses oya ti oshiningwanima eshi “osha nyika odino noinashi pitikwa shi ningilwe Ovanamibia ovo tava kongo oilonga”.
“Ngoloneya okwa lombwela ehangano eli li xulife po oilonga meendelelo ndee tali ke lilopota kombelewa yaye li ka fatulule oshikumungu eshi,” omukanda osho wa ti ngaho.
Ngoloneya okwa ti eenghundafana edi okwa li tadi lalakanene okukwatela po “ombili, efimaneko nekwatafano liwa” pokati koshiwana nomahangano oo taa longele moshitopolwahoololo.
Sha landula eenghundafana, ewiliko lodoolopa yaKaribib ola ti oshiningwanima okwa li shi na sha neudeko la puka pefimbo letembu nokuwapaleka kwehangano.
Omukulunhuwiliki wodoolopa yaKaribib Tangeni Enkono, okwa ti muni ke shii kutya okukuta oku okwa ningwa naini.
“Oshiningwanima otu shi shii, ndee nashe oshe tu kumwifa shaashi ehangano eli la kwata oshapa, ashike kashi shii M15,” osho a ti ngaho.
Enkono okwa ti kutya omakonakono aa mona kutya omikanda edi kakwa li da ekelwashi owina.
“Mbela ehangano okwa li tali tembuka ndee mokuwapaleka okwa li ngaa mu na ouyelele inau yela nawa nokukupulashi omikanda dovanhu ovo tava kongo oilonga,” osho a ti ngaho.
Enkono okwa ti nakukwata oshapa ina kundafana namuni manga ina tamake okukuta.
“Ewiliko lodoolopa luhapu ohali yandje omayele komahangano oo hee ya modoolopa kombinga yokukuta nonghee haku ningwa.
Ashike nee, ehangano eli inali kundafana nande newiliko lodoolopa,” osho a ti ngaho.
Okwa ti ewiliko lodoolopa okudja opo ola kundafana nehangano nokuyandja omapukululo kombinga yomilandu dokukuta modoolopa.
“Okudja opo otwa pondola oku shi potokonona ndee hatu va lombwele omilandu dokukuta,” Enkono ta ti.
