Omupelesidente waGermany Frank-Walter Steinmeier okwa ti osha ninga ngaa nee efimbo opo oshiwana shaye shi yandje ombili kovaNamibia koululume ngaa nee oo kwa li va tulwa muwo okudja 1904-1908 eshi kwa li va teyaaula po ovaNamibia.
Steinmeier eshi okwe shi popya pefimbo opo a li ta yandje etumwalaka laye poshivilodimbuluko shaHage Geingob shopapangelo mOvenduka mOlomakaya.
“Ondi udite kutya ohandi ka dula okwaalukila koshilongo oku.
Ondi wete kutya e li efimbo la wapala okuyandja ombili koshilongo eshi. Ombedi yange oyei ashike kutya Geingob ita ka kala po opo a i dile osho a tamekele,” Steinmeier osho a ti ngaho.
OvaNamibia ova kala eedula nokupula Germany a yandje ombili ndele ta futu omunyonena oo kwa li va ningila ovaNamibia.
Steinmeier okwa popya omukumo waGeingob oo a kala ha longifa opo a popye kombinga yominyonena odo Grmany a ninga, omanga a tambula ko oshikumungu shediminafanepo.
“Eshi kwa li nda popya naGeingob lwaxuuninwa odula yadja ko, okwa popya kutya okwa hala eenghundafana dominyonena odo Namibia a ningwa kuGermany di uye pexulilo. Otwe litula mo mondjila yedininafanepo.
Kashi shi okudimbwa onakudiwa. Oshi nasha nokuwapaleka osho sha ningwa monakudiwa ndele hatu litula mo opo tu kale tu na onakwiiwa i wa,” Steinmeier osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
