Ngoloneya woshitopolwahoololo shaShana Hofni Iipinge Omaandaxa okwa shiivifa pambelewa opolohalama yefiku lemanguluko neudo moshitopolwahoololo olo tali ka ningilwa pokapale koIndependence Standium kOshakati momafiku 21 Maalisa.
Iipinge okwa ti ombelewa yaye oya pewa oshinakuwanifwa kepangelo i longekide oshivilo eshi moshitopolwahoololo, oko ovakalimo voikandjohoololo i li 11 va shifwa va holoke.
Okwa weda po kutya oyeendifo otai ka longekidwa moikandjohoololo ya yooloka keekamusela nosho yo omalelo eedoolopa atatu, Ondangwa, Ongwediva nOshakati opo i twale ovanhu koshivilo.
Oikulya nayo otai ka yandjwa.
“Otwa hala okutwala ondjokonona yetu komesho. Otwa hala okuhonga ovanyasha vetu kombinga yefimano lokutyapula emanguluko.
Osha fimana opo ovanyasha vetu va tungile kondjokonona yetu ndee tave i yambula po, inava dimbwa yoo kutya opu na ohonde ya tika manga oshilongo eshi inashi mona emanguluko,” osho a ti ngaho.
Ngoloneya okwa ti Etanga lEameno otali kakufa ombinga moshivilo omu noinyangadalwa otai ka kwatela mo oinima ya yooloka mwa kwatelwa noinyangadalwa younona vokEluwa Special School.
Omuprima minista Elijah Ngurare okwa teelelika a ka yandje etumwalaka la fimana.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
