Minista womayambulepo eedoolopa noitopolwa yokomikunda James Sankwasa oku na eengunga dehangano lomeva ledina Namibia Water Corporation (NamWater), osho tashi kumwifa ovanhu shaashi okwa pula eekamusela mafiku aa kutya nadi fute eengunga dado.
Momafiku 30 Novemba 2025, Sankwasa okwa li e na eengunga di li poshimaliwa shi fike poN$174 000.
The Namibian oo ouyelele a mona oo.
Ouyelele kombinga yeengunga owe ya oshivike shinya sha dile ko konima minista a yandja elombwelo keekamusela odo di na eengunga doomuni inadi fufwa, ta ti ngee oda dopa okuninga oshinima osho otadi yandje oshiholelwa shii koshiwana.
Paife minista ota pewa eembedi, shaashi naye mboli oku na eengunga edi ta lombwele vakwao va fute.
Odula yandja ko, ehangano lokwoongela eengunga ledina RedForce Debt Mangement okwa li la popya kutya Sankwasa okwa li e na ondjokonona yeengunga domayakulo inadi futwa konima ehangano la kendabala li ongele oshimaliwa shi li meengunga kuye, shi fike poN$140 000 shomaumbo aye avali e li moKatima Mulilo.
Momapulaapulo noThe Namibian oshivike sha dja ko, Sakwasa okwa ti eengunga daye dokoNamWater odi li kepandja lomavalulo olo a fyuulula kumeme waye, oo kwa li ve na ofani imwe naye. Okwa ti ota ungaunga neengunga odo paife.
“Okukendabala oku mona nge omapuko oshinima tashi pukifa. Epandja olo okwa li lanakufya meme navamwainamati koMasokotwani,” osho a ti ngaho.
“Ohandi futu eengunga odo paife. Shaashi inadi futa itashi ti itandi di futu,” osho a ti ngaho.
Eshi a pulwa ngee ota dulu okukoleka kutya eengunga edi kadi fi daye, Sankwasa okwa ti naye okwa fa ashike ovanhu aveshe.
“Melombwelo lange olo la yuka keemusela, ngee owa pwilikina nawa, onda popya kutya naame onda fa ashike ovanhu aveshe shaashi naame ondi na omayakulo a pumbwa okufutwa.
Eshi sha pumbiwa osheshi kutya onda otwa pumbwa okufuta omayakulo etu fiyo twa mana,” osho a ti ngaho.
Okwa ti kutya ke na ashike omayakulo aNamWater.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
