Eemwiya dashinana inadi mana noshikumungu shokoNamcor

Okupatulula vati eembanga poumbudi domutamanekwa moshipofa shekengelelo noulingilingi kehangano lomahooli opashiwana laNamibia ledina National Petroleum Coroporation of Namibia (Namcor) okwa etifa omunailonga mukulu wombaanga e lihange e li mokakefa momhangu yamangestrata mOvenduka Omaandaxa.

Omunailonga mukulu woBank Windhoek Heidi Boois (49) okwa li a holoka komesho yamangestrata Ilge Rheent shi na sha noipofa itano, sha landula eshi kwa li a mangwa po Etitano.

Boois oku li omutamanekwa omutimulongo navavali ta tamanekwa shi na sha vati nekengelelo noulingilingi wokoNamcor, a mangwa po konima yeemwedi di li lwopuheyali konima yekwatepo lotete moshikumungu omu olo la ningwa muJuli odula ya dja ko.

Boois ota tamanekelwa oshipofa shekengelelo, okuninga omikanda paumbudi nokulongifa omikanda da puka owina, nosho yo okuteya okatendo kokulwifa oulingilingi, okatendo kokukelela oimbuluma ya longekidwa nosho yo okatendo kokuwilika elinyengo loshimaliwa.

Oipofa ei oya kwatakanifwa vati nepatululo lombaanga pakengelelo i li kedina lehangano ledina Quality Meat Supplies yomufeekelwa oo ina monika natango Victor Malima, oo ta kongwa shi na sha noshipofa shokoNamcor notaku lopotwa kutya okwa fiya po Namibia muJuli odula ya dja ko.

Epangelo otali ti kutya Boois okwa vatela Malima a patulule ombaanga yoQuality Meat Supplies a longifa okamutwe komunhu e lili, oo a hali po eshi ombaanga tai patululwa muOktoba 2022.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.