Oshilyo shopaliamente noshi li yoo oshilyo shongudu mutima yoSwapo, Austine Samupwa, okwa pula omhepo yoCassinga i wilike oshiwana, ta ti edimbuluko lefiku eli inali kala ashike edimbuluko longaho, ashike nali fininike ovaleli novakwashiwana va kalele po oinima.
Eshi kwa li ta popi pedimbuluko lefiku loCassinga komukunda wedina Kamupupu moshikandjohoololo shaTondoro moKavango Uninginino Omaandaxa, koshi yoshipalanyole “Ohonde yavo oya kungulukila emanguluko letu,” Samupwa okwa indila oshiwana shi lundululile edimbuluko lefi eli moilonga yoshili.
Okwa londwela kutya ovanhu inava kala ashike tava ningi oivilo yopandjokonona nande otai dopa okuungaunga noluhepo, okuhafikapamwe nomayakulo a nghundipala.
“Edimbuluko inali kala ashike oshinima shongaho. Nali ete ekalelepo loinima,” Samupwa ta ti, tai indile ovaleli ve lipule nawa nghee ve na okufimaneka omayambo aavo va xulifa okupitila momaliumbato avo nomayakulo.
Okwa ti ovo va xulifila moCassinga inava xulifila oshiwana sha topauka.
“Ovo va xulifila moCassinga ova xulifa opo tu tambule ko vakwetu ongOvanamibia,” osho a weda po ngaho.
Samupwa okwa popya oinakuwanifa ya fimana okudja medimbuluko lefiku eli, mwa kwatelwa exwaxwameko loukumwe moitopolwahoololo nomomihoko, okukatukila oluhepo onghatu nokuhena oilonga, okwaamena nokukwatela po omaliko epangelo nokuputuda yoo ovanyasha.
Okwa popya kutya emanguluko inali uya noupu ndee ola pumbwa okwaamenwa okupitila neenghendabala dokukufa po ondjala, okuhena ko na sha, omikifi nokuhafikapamwe.
Ta popi novanyasha, Samupwa okwe va londwela va kale kokule noinima ya nyika oshiponga ngaashi okulongifa omalodu doingangamwifi, oimbuluma nokuteyaula omaliko, te va indile va amene eefikola, eepomba domeva neepate.
Okwe va indila yoo vali va longife eenghono davo moinima i na oshilonga.
“Longifeni emanguluko mu tunge, ndee kashi shii okuteyaula,” osho a ti ngaho.
Samupwa natango okwa yandja oushima komatopauko e li meni longudu, ta ti kutya omatopauko pefimbo lomahoololo inaa fimaneka omayambo a ningwa kovakondjeli manguluko.
Okwa indila oilyo yoSwapo i fimaneke oukumwe nomayakulo ponhele yoinima yopaumwene ile yopamihoko.
Okwa twa yoo vali oshiwana omukumo opo shi kale nokuyandja omanyenyeto asho okupitila momilandu dopambelewa, ta popi kutya okwa didilika omukanda wa shangelwa omuprima minista, ndee ta pula enyamukulo lomeendelelo kombinga yomikundu dokuyandja omayakulo moKamupupu.
– NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
