Ballotti a shakena novanafikola ovo tavapopilwa oshiningwanima shoukwamuhoko

Omupedu minista wehongo, omaduto oinima ipe, ovanyasha, omaudano, omaunghulungu nomifyuululwakalo Dino Ballotti okwa ti okwa shakena nounona vavali vofikola ovo va kwatelwa moshiningwanima shomafiku aa sha nyika oukwamuhoko, ndee ta ti oshoongalele osha li “eenghundafana didjuu ashike oda fimana”.

Ballotti Etitatu okwa ti oshoongalele shavo okwa li tashi lalakanene okulihonga ponhele yokuyanda.

Oshiningwanima shounona va painda oipala ilaula, osho sha eta ehandu moshiwana, oshe ya pouyele oshivike eshi konima okamati kamwe ka kwatelwa moshinima mu ka tula komalungula efano lako nakakwao ve lipainda valaula koshivilo shavo noikutu yavo okwa li ya shangwa kaafala 1 nakaafala 2.

Efano eli ola eta oinima ihapu neenghono. Nokaana oko kwa li ke li tula komalungula oke li kufa ko divadiva.

Ounona vofikola, ovo va dja keefikola da yooloka mOvenduka, okwa li ve li koshivilo shopaumwene Etitano la dja ko eshi efano kwa li la fanekwa.

Komalungula Etitatu, Ballotti okwa ti yee naminista wehongo Sanet Steenkamp okwa li vamwe vomwaavo va udifwa nai koshinima eshi neenghono, okwa ti “pakutala osha udifa Ovanamibia vahapu nai neenghono”.

Okwa popya kombinga yaashi a shakena nounona ava: “Okwa li eenghundafana didjuu ashike oda fimana, puhe na okutokola nomomhepo yokulihonga, onda pwilikina kuvo, olukeno lavo neudeko lavo loshili kombinga yondjudo yomaliumbato avo.”

Okwa weda po kutya ounona ova holola lela oshinakuwanifa nemanguluko lokulihongela ko koshinima eshi, tava ifana “sha nyika oulai”.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.