Ambunda a sindana omanga Meroro a dhengwa ishewe

OKLABA yoongonyo yo Salute Boxing Academy oyii adha yili pokati kenyanyu nongeyo pethimbo lyefudho lyopehulilo lyomumvo sho Paulus Ambunda a sindanapo epapa lyo WBC international bantamweight, omanga Vikapita Meroro ali moshipyu kondje yoshilongo.

MEtitano, Ambunda okwa sinda niitsa (118-109,115-113,118-108), sho adhengemo omu Tanzania Nasibu Ramadhan po Desert Rumble boxing bonanza po Swakopmund mpono Harry Simon ngono ali wo a tegelelwa a kondje ali inaaholoka.

“ Onda longa nuudhiginini okwiilongekidhila olugodhi nduka.Ondiilongekidhila olugodhi ta lu landula, “ Ambunda ta popi konima yolugodhi lwe olu 26, ndoka asindana.

Olugodhi lwa Ambunda, ota lu ulike kutya enyakwa ndika lyo WBO bantamweight no IBO super bantamweight, natango okuna ehalo oku sindana omapapa omanene, Armas Shivute, omupopiliko gwo Salute Boxing Academy osho ati.

“ Epaya ndoka okwe li eleka. Ondishishi oyendji oya li ya tegelela yimwe nopevi, ashike Ramadhan keshi wo okatana. Okwa kondja nawa, na omuntu otoshiimonene kutya omuntu ena ontseyo. Ambunda okwa lwa nawa molugodhi aluhe,” Shivute ta ti.

Molugodhi lwa gwedhwapo, Albinus’Danny Boy’ Felesianu okwa longo nuudhiginini sho adhengemo Raston Kayira gwo ko Malawi moosekonde owala 47 dhedhingoloko etiyali. Natango ngoka wo alonga nuudhiginini oye Vakufilapo ‘Cowboy’ Nashiveal ngoka a sindanapo epapa lya li lyaana mwene lyo WBF Africa junior migdlleweight, sho a dhenge George Mduli gwa South Africa meni lyoosekonde 47, medhingoloko lyotango.

Onguloh ndjoka yomalugodhi ngaka, ndjoka ta ku popiwa kutya oyo yotango yatya ngeika mo Swakopmund, oya li ya longekidhwa ko Kalakoda Promotions oku za ko South Africa oshowo o Salute Boxing Academy. Kwese Sport okwa li uulike uudhano mbuka miilongo ya Afrika ya konda po 30.

Sho ali ategelelwa eye uulike kutya ota vulupo shike, Harry Simon mEtitano puudhano mbuka kalipo, onando ali a tegelelwa yeye yiipe dhopomeho na Said Mbelwa gwa Tanazania. Kapena ngoka eshi kutya omolwashike Simon inaaholoka nande.

Pokati mpoka Meroro ine shi enditha nawa sho a dhengwa yimwe nopevi medhingoloko lyotango ku Maxim Vlasov gwa Russia mo Moscow mo 21 Desemba.Edhengo ndika olya fa ta li ulike kutya Meroro ngoka kwa li a nika oshiponga na oha tilika, ngashingeyi okwa za mopula na okwa li owala a hala shomondjato.

“ Andola ongame ndali ta ndi ningi omatokolo, ando ita ndi unganekele we Meroro uudhano,” Shivute ta ti ngaaka no ku gwedhapo kutya shilipo ngashingeyi oku kuthamo Meroro momambo go klaba yawo.

Konima sho ali inuulika oonkondo dhasha muudhano, Meroro okwa li a yi pevi a fa eehama, ashike okwa li ta monika afa ali tiiningitha.Meroro okwa li tuulike ngaa uunkondo uushona ashike lwahugunina okwa ka nitha oonkondo thiluthilu.Shono a ningi osha fa owala shoka aningile mu Febuali sho a li eekelemo oshifanduke konima sho ali a dhengwa medhingonoko etitano ko mu South Africa Kevin Lerena, inuumbakosha nando.

Pethimbo ndoka, Meroro, ngoka ali ko MTC Sunshine Boxing Academy okwa li inaapewa sha nando shomondjato okuziilila molugodhi ndoka nokwa li a tseyitha kutya uudhano woongonyo ote wu thigipo mu Aguste.

“ Oshe tu uvitha nayi. Okwa sitha oshilongo ohoni. Ita ndi mu gamene nando. Ngele ota tu dhengwa, na tu dhengwe pamukalo ngoka taguulike kutya otwa li ta tu kondjo shi li,” Shivute ta popi.

Sho a li azi ko ko Sunshine, otwa li twa kundathana nawa, na okwa li etu lombwele kutya shoka sha li sha ningwa ko South Africa epuko, na okwiilongekidha oku kondja ishewe. Otwa li twemupe ompito ontiyali. Kehe gumwe okwa pumbwa oku pewa ompito ontiyali.”

“ Okwa li alonga nuudhiginini. Okwa li iilongekidha nawa. Ashike sho ayi mondambo, okwa ningipo Meroro gulwe iili. Ka li ta ningisha. Osha li shi sitha ohoni. Otwa tegelela omunashipundi (Kiriata Kamanya) etu lombwele kutya okuza mpaka oshike ta shi ningwapo.

Molugodhi lulwe ishewe po Swakopmund Joseph ‘Smokey ‘ Hilongwa okwa dhenge Tinkhani Kamanga gwa Malawi niitsa (58-56,58-55,59-55). Jonas Matheus omu Namibia okwa dhengewo Islaer Kamwamba gwa Malawi no (58-56;5855,57-57). Imannuel Imms Joseph okwa dhenge wo George Kandulo okuza ko Malawi niitsa (60-54,60-54,60-540, omanga Lazarus Shaningwa adhenga Andreas Nghinaunye niitsa (40-35,40-35,40-35).

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.