Aapolisi 9 po Keetmanshoop ya kuthwa miilonga keso lyomunandholongo

A APOLISI omugoyi moshikondo shekonakono lyIimbulula mOpolisi pOkaiti (Keetmanshoop) mboka taya tamanekelwa oshipotha shedhipago lyomunandholongo hoka oya kuthwa miilonga pakadhimbo oshiwike sha zi ko.

Komanda gwOpolisi gwopashitopolwa shoka Josephat Abel okwa koleke kutya aanambelewa mboka oya kuthwa miilonga na itaya mono nando ofuto ya sha konima sho ya holoka komeho gOkomitiye yomazulo oshiwike sha zileko. Aapolisi mboka omugoyi oyo nee ngaashi; Cyroll Serogwe, Daniel Nicodemus, Marthinus !Hoeseb, Fabian Rikambura nOokomanda dhoyuniti ndjoka Johannes Otto na Lazarus !Nowaseb.Otaku popiwa kutya aalumentu mboka oya dhenge okusa omunandholongo gwedhina Makarius Iikali pethimbo ya li taye mu pulapula pehulilo lya Febuluali nuumvo.Iikali okwa li gumwe gwomaalumentu yatano mboka ya dhitikilwe hoka shi na sha nuufuthi, eteyo lyegumbo nokuyaka ooshapi dhOmbaanga ya Stadard hoka.Konima owala yeso lya Iikali, omatamaneko ga yakwawo miipotha ayihe mbika oga ekelwahi.Aafekelwa mboka (onakutamanekwa pamwe na Iikali) otaya hokolola ngeyi kutya oya li ya dhengwa iikando oyindji nokufikwa nomalusheno kOpolisi pethimbo ya li taya pulapulwa.Omufekelwa gulwe moshinima shika gwedhina Benjamin Basson okwa nuka pofulula yotango pOsasiona yOpolisi pethimbo lyomapulapulo, ihe okwa hupa.Aanambelewa mboka yOpolisi oya li ya holoka komeho gOmpangu ya Mengestrata gwa Keetmanshoop.Oya li ya mangululwa ayehe konima sho ya futu obooloha yoondola/N$1 500 mu kehe.Inaya pulwa yatye sha manga kwali noshipotha shawo osha undulilwa komasiku 12 gaMei nuumvo hoka oko ishewe taya ka holoka komeho gOmpangu ya faathana.Aapolisi mboka omugoyi oyo nee ngaashi; Cyroll Serogwe, Daniel Nicodemus, Marthinus !Hoeseb, Fabian Rikambura nOokomanda dhoyuniti ndjoka Johannes Otto na Lazarus !Nowaseb.Otaku popiwa kutya aalumentu mboka oya dhenge okusa omunandholongo gwedhina Makarius Iikali pethimbo ya li taye mu pulapula pehulilo lya Febuluali nuumvo.Iikali okwa li gumwe gwomaalumentu yatano mboka ya dhitikilwe hoka shi na sha nuufuthi, eteyo lyegumbo nokuyaka ooshapi dhOmbaanga ya Stadard hoka.Konima owala yeso lya Iikali, omatamaneko ga yakwawo miipotha ayihe mbika oga ekelwahi.Aafekelwa mboka (onakutamanekwa pamwe na Iikali) otaya hokolola ngeyi kutya oya li ya dhengwa iikando oyindji nokufikwa nomalusheno kOpolisi pethimbo ya li taya pulapulwa.Omufekelwa gulwe moshinima shika gwedhina Benjamin Basson okwa nuka pofulula yotango pOsasiona yOpolisi pethimbo lyomapulapulo, ihe okwa hupa.Aanambelewa mboka yOpolisi oya li ya holoka komeho gOmpangu ya Mengestrata gwa Keetmanshoop.Oya li ya mangululwa ayehe konima sho ya futu obooloha yoondola/N$1 500 mu kehe.Inaya pulwa yatye sha manga kwali noshipotha shawo osha undulilwa komasiku 12 gaMei nuumvo hoka oko ishewe taya ka holoka komeho gOmpangu ya faathana.