Omukulunhuwiliki wehangano Erongo Marine Enterprises, Martha Uumati, okwa lombwela ovahona vaye kutya ota ka popya oshili kehangano Namibian Competition Commission (NaCC), le lipyakidila nokuwapaleka eendado meefabulika dokukwata eeshi.
Okuwapaleka eendado okwa kwatela mo omahangano oo a tula eendado doinima pombada shihe li paveta, ponhele yokuhepaunina vakwao opo va tule eendado pedu.
Eshi osha talika ko tashi ehameke unene ovalandi ovo hava lande eeshi kondilo unene.
Etulopedu laUumati ole mu kelela opo a yandje ouyelele wa fimana koNaCC.
Okwa kala omukulunhuwiliki wErongo Marine Enterprises okudja ngaa 2017.
Ehangano eli olo Blue Continent Product, olo li li oshitai shOceana Group.
Oceana Group ehangano lokoSouth Africa, olo li li hali longo oshi yomondooxa yoLucky Star.
Uumati okwa li a tulwa pedu mo13 Febuluali konima eshi a dopa okuya koshoongi osho sha li keembelewa dOceana koCape Town, osho eshi likala filufilu.
Okwa tulwa pedu eshi kwa li ku na ashike oshivike shimwe opo Oceana a ningilwe omapulaapulo koNaCC.
Omhikanda edi da yandjwa komhangu yoilonga, eshi da talululwa koThe Namibian, Uumati okwa kala nokukunghilila elelo lOceana okudja ngaa 2023 kutya ota ka holola oukwashili koNaCC.
The Namibian okushi shi kutya ovawiliki vOceana ove ya mOvenduka Etitatu opo va ningilwe omapulaapulo koNaCC, oyo tai ningi omakonaakono e na sha neendado deeshi.
OMAKUNGHILILO
Mo-iimaila Uumati okwa pula kutya oshike eembapila dimwe di nasha neudafano leequota pokati kErongo Marine Enterprises naavo ve na mo oipambuliko daha li mo momishangwa odo da yandjwa komukalelipo wopaveta wehangano koNaCC.
Mo-iimaila Uumati okwa tanguna kombinga yomukandaano waye oo wa ningwa omalunduluko.
“Otwa hala okuyelifilwa kutya oshike kwa li twa pulwa opo tuha tule mo ouyelele ou,” Uumati osho a ti ngaho mo-iimaila oyo a tuma mo04 Febuluali.
Natango okwa ti oku na omalipulo kutya oshike e na okukala ina kwatelwa mo meenghundafana di nasha neendado deequota, shaashi ehangano lavo ola kwatelwa mo momakoonakono.
Uumati okwa pula vali kutya oshike inaku talwa koshilonga shongudu yoshimaliwa yaNamibia, eshi ongudu yoshimaliwa yoBlue Continent oyo ya tulwa komesho opo i yandje ouyelele.
“Natango ohandi popi kutya eshi osha fimana neenghono. Ondi na okushi lombwela oNaCC pefimbo loihokolola shaashi itandi holeke ouyelele u li ngaha omanga kwa li ndaana opo ndi yandje ouyelele u li mondjila,” Osho a ti ngaho.
Okwa popya vali kutya kapu na omapulaapulo a wana opo ku lilongekidilwe omakonaakono.
Uumati okwa ti okwa tila omakonaakono noilanduli yao.
Omukulunhuwiliki wOceana, Neville Brink, eshi a nyamukula Uumati okwa ti ova hoolola ovashiivi veta va dja kondje va ka kalele po ehangano komapulaapulo oNaCC.
Ongudu ei natango oyo kwa li i lile po ehangano Etitatu eshi kwa li ku na omapulaapulo.
“Ondi na elineekelo la wana mongudu yetu yopaveta opo i kalele po nawa Oceana, oshi wa unene opo tu shikule omawedele po nomalombwelo avo,” Brink osho a ti.
EFIKU LOHOLE
Brink nomukulunhuwiliki woBlue Continent Product, Ian Botha, ovatula pedu Uumati mo13 Febuluali.
Uumati okwa li e ya kombelewa mo14 Febuluali opo a kondjife etokolo lavo.
Botha naBrink ova lundila Uumati kutya ita landula omalombwelo yee ota ningile oinima owina, yee ota teya eemhango doilonga nokuna omikalo inadi fa domukulunhuwiliki.
Ota lundilwa vali kutya ina ya koshoongi osho sha li ko keembelewa davo koSouth Africa mo13 Febuluali.
Uumati okwa li a tulwa pedu divadiva omanga kwa li ina ningilwa omapulaapulo.
Paife ota kongo evatelo kwaasho ta ti okuwete shihe li paveta eshi a tulwa pedu.
Uumati okwa ti kutya Brink naBotha kave na eenghono dokumutula pedu.
Momishangwa daye odo a yandja ota pula opo a shunwe moilonga moule wefimbo lixupi nomauwa aeshe oilonga oo kwa li e na nale omanga ina tulwa pedu.
Uumati okupitila momukalelipo vopaveta waye okwa ti, eudafano laye loilonga otali ti oku na okulopota konguduwiliki yOceana ndele kashi shi kuBotha naBrink.
Okwa ti kapu na ewilikongudu kwa li la ongala opo li popye kombinga yetulopedu laye ile ve mu pe omhito opo va ude kutya yee ota ti ngahelipi.
ONGUDU YAMBIDIDI
Ovanailonga ova shangela omukanda kuBrink oshivike eshi opo Uumati a shune moilonga.
“Ohatu pula kutya omukulunhuwiliki wetu na shunwe moilonga diva ngaashi tashi dulika. Otwa dopa okuuda ko kutya omolwashike Oceana e na okweeta omunhu a dja kondje opo a longe, omanga tu na ovaleli vongushu ovo va kala tava lele nawa shi dulife osho ehangano le lineekela.
“Eshi otashi eta eeveta dokondje nado di kwatelwe mo, ngaashi ouministili, owa pumbwa okukufa etokolo opo ombapila yeefelo yokukwata eeshi i tulwe pedu molwomatokolo ehe li mondjila a Oceana,” Ovanailonga osho va ti ngaho.
Ova pula opo ovanhu va shakene ndee tava ningi etokolo limwe.
Uumati oye omuleli wotete wOceana ta tulwa pedu.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
