Omukalimo womoGobabis a monika ondjo moipofa ivali yedipayo, ivali yekwatongonga noipofa ikwao itano okwa pewa ehandukilo longhalamwenyo modolongo pexulilo loihokolola yaye.
Omupanguli ta vatele Makapa Simasiku okwa yandja ehandukilo komutamanekwa moipofa yomadipayo ivali, John Mutirua (24) momhangu yopombada yaVenduka onghela.
Mutirua okwa li a monika ondjo moipofa omuwoi muNovemba odula ya dja ko.
Simasiku okwa mona ondjo moshipofa shekwatongonga lokaana komido omuwoi kEpako moGobabis momafiku 23 Septemba 2018.
Okakadona aka okwa li ka kwatwa keenghono luvali.
Mutirua natango okwa li vali a monika ondjo yedipayo lomulumenhu omunamido 19, Meno Tjizera, eshi e mu twa nombele koGobabis onguloshi yomafiku 30 no31 Oktoba 2020.
Mutirua okwa twa vali omulumenhu umwe oufiku oo tuu oo, nokwa li a monika ondjo moshipofa shonghendabala yedipayo shi na sha noshiningwanima osho.
Edipayo etivali omo a monika ondjo okwa li la ningwa koGobabis momafiku 16 Juli 2023, eshi Mutirua a dipaya Albertus Maasdorp (37) eshi e mu twa nombele konima a lundila Maasdorp kutya okwa va ka po ekumbafa laye.
Mutirua natango okwa twa omulumenhu umwe momafiku 16 Juli 2023, nokwa li a monika ondjo moshipofa shonghendabala yedipayo ndee taku yandjwa elombwelo kutya omahandukilo aa avali naa longelwe oshita.
Mutirua natango okwa li a pewa ehandukilo lomido 15 modolongo moipofa aishe yekwatongonga nomido hetatu moshipofa shonghendabala yekwatongonga.
Simasiku okwa yandja elombwelo kutya ehandukilo loipofa ei ivali yonghendabala yekwatongonga nekwatongonga nali longelwe oshita.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
