A mangwa po eshi kwa li ta kendabala okuvakela oingangamwifi modolongo

Omulumenhu womido 24 okwa mangwa po Omaandaxa eshi kwa li vati ta kendabala okuvakela oingangamwifi modolongo koshitaashi shopolifi kOshakati pefimbo kwa li ta talele po omunadolongo.

Komufala wopolifi koshitopolwahoololo shaShana, komisina Naftal Lungameni Sakaria, okwa ti oshiningwanima eshi osha ningwa lwopotundi 11h00, eshi omutamanekwa e ya poshitaashi e na okabaki.

“Omutamanekwa okwe ya nokabaki ke na ombelela, nocannabis ya tonyenwa pokati kombelela. Eehalama di li 35 docannabis nomakaya oYes eli o-11 okwa li a hangika mokabaki omo.

Okwa kendabala a vakele oinima ei modolongo, ashike ovanambelewa vopolifi va tonata oinima ei ove i mona,” Sakaria ta ti.

Sakaria okwa londwela oshiwana shi likaleke kokule noinima ya tya ngaha, ta ti eameno lomeeshela dodolongo ola nghonopekwa paife.

“Onda hala okulondwela neenghono ovo ve na ohokwe yokuninga oshinima sha fa eshi opo ve likaleke kokule nomaliumbato a tya ngaha shaashi ohatu va mange po.

Kashi li vali ngaashi sha kala, otwa konga po omilandu dipe dokumona mo oinima ei,” komanda ta ti.
Omakonakono otaa twikile.
– NAMPA

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.