Zim okwa fa osikepa tayi ningine: Levy

O MUPRESIDENDE gwa Zambia Levy Mwanawasa okwa ningi eindilo kiilongo yaAfrika lyUumbugantu yi konge po omukalo omupe gwokuungaunga na Zimbabwe, shoka a popi kutya osha fa osikepa ya Titanic tayi ningine mefuta omanga aantu taya tauka mo ya ka konge onkalo yi li hwepo palwe.

“Uunadiplomaate meimweneneno owa ndopa okukandulapo enayipalo lyonkalo yopaliko noyopapolitika mu Zimbabwe,” Mwanawasa osho a popi mOvenduka uusiku wEtiyali lyoshiwike shika. Mwanawasa ngoka e li metalelopo lyOpapangelo lyomasiku gane mu Namibia, okwa ti ethimbo olya thikana iilongo yaAfrika yi patulule epandja epe lyomakwatathano gayo na Zimbabwe.Shika okwe shi popi pethimbo lyiitendele mbyoka a li a longekidhilwa kOmupresinde Hifikepunye Pohamba.”Sho tandi popi ngeyi, opu na oshilongo shimwe sha SADC sha gwila muudhigu paliko, mboka tau vulu okuyelekwa nOsikepa ya Titanic ndjoka ya li ya ningine (mefuta), moka aafaalelwa ya li ya nuka mo ya ka hupithe oomwedhi dhawo,” Mwanawasa ta popi ngaaka.Ta ti, iilongo yaAfrika lyUumbugantu oyi na okuya moonkundathana naawiliki ya Zimbabwe.”Ngele iilongo ayihe yaAfrika lyUumbugantu oyi na omalalakano ga faathana, oyi na okuthika ma e tayi kwathelathana ngele shimwe shomuyo osha yi muupyakadhi uunene,” Mwanawasa ta tsikile ko.Omupresidende omukulu gwa Namibia Sam Nujoma, ngoka e li omugameni omunene gwOmupresidende gwa Zimbabwe Robert Mugabe, naye opo a li piitendele mbika sho Mwanawasa ta popi ngaaka.Mwanawasa mu Namibia okwe ya mo mEtiyali.Onkalo mu Zimbabwe oya talika kutya oyi li nayi noonkondo, sha zi mpoka sho Epangelo lya dhenge aawiliki yoongundu dhompilameno nokuhanagulapo omahololomadhiladhilo ngoka ya li ya ningi omasiku ga zi ko.Aantu oyendji, mwa kwatelwa Omuwiliki gwongundu yompilameno yo Movement for Democratic Change (MDC) Morgan Tsvangirai, oya li ya dhengwa nayi sho ya kwatwa po kOpolisi e taya ka patelwa mo.”Aakalimo omathele nomathele moshilongo shoka sha tumbulwa (Zimbabwe) otaye shi thigi po esiku kehe nokutaaguluka oongamba, ya ka konge uuhupilo miishiindalongo nokwaambyoka yokokule,” Mwanawasa ta popi ngaaka.Kuyele mEtiyali, Ominista yOmauyelele ya Namibia Netumbo Nandi-Ndaitwah okwa li a popi kutya Epangelo olya koneka ekemo lyAanamibia kombinga yonkalo mu Zimbabwe.”Namibia oshilongo shi hole ombili na oshi itaala kutya ehumithokomeho lyeliko lyoshilongo nonkalonawa yaakwashigwana yasho, otayi kala po ashike ngele omu na onkalo yopaliko noyopapolitika yi li nawa,” Ndaitwah osho a popi ngaaka.Okwa ti Namibia kapwa li nande na kapu na esiku limwe ta ka yambidhidha omakuyunguto, molwashoka kage li muuwanawa wonkalonawa waantu ye.Ta ti, Namibia okuwete kutya osha simana noonkondo mu Zimbabwe mu kale ombili nonkalonawa.Okwa ti Epangelo lya Namibia oli wete kutya Epangelo lya Mugabe naantu moshilongo shoka, oye na oonkondo nehalo okukandulapo omaudhigu gawo, pwaa na oonyala dhiilongo yopondje.Metitatu, Omupresidende omukulu gwa Zambia Kenneth Kaunda, ngoka naye a kala kuume ka Mugabe, okwa ningi eindilo kaaleli yaAfrika ya tote po Okakomitiye ka ye pokati onkalo yomakuyunguto ngoka tagi inyenge mu Zimbabwe pethimbo ndika.”Kandi wete e li koshipundi pahalo lyaantu.Koshipundi oku li ko sha pitile mokumbandameka,” omulongwantu miikwapolitika Moeletsi Mbeki gwa South Afrika, osho a lombwele oshitumikundaneki sha AFP ngaaka.Omulongwantu gumwe miikwapoliyika Bill Saidi okwa ti uusama mboka tau pewa Zimbabwe pethimbo ndika, ota u ka eta aayambidhidhi yamwe yongundu tayi pangelo yoZanu-PF, ya ka kala momaipulo kutya ongundu yawo oyu uka naanaa peni, Mary Kasirowore ta lombwele ngaaka Reuters.Mwanawasa ngoka e li metalelopo lyOpapangelo lyomasiku gane mu Namibia, okwa ti ethimbo olya thikana iilongo yaAfrika yi patulule epandja epe lyomakwatathano gayo na Zimbabwe.Shika okwe shi popi pethimbo lyiitendele mbyoka a li a longekidhilwa kOmupresinde Hifikepunye Pohamba.”Sho tandi popi ngeyi, opu na oshilongo shimwe sha SADC sha gwila muudhigu paliko, mboka tau vulu okuyelekwa nOsikepa ya Titanic ndjoka ya li ya ningine (mefuta), moka aafaalelwa ya li ya nuka mo ya ka hupithe oomwedhi dhawo,” Mwanawasa ta popi ngaaka.Ta ti, iilongo yaAfrika lyUumbugantu oyi na okuya moonkundathana naawiliki ya Zimbabwe.”Ngele iilongo ayihe yaAfrika lyUumbugantu oyi na omalalakano ga faathana, oyi na okuthika ma e tayi kwathelathana ngele shimwe shomuyo osha yi muupyakadhi uunene,” Mwanawasa ta tsikile ko.Omupresidende omukulu gwa Namibia Sam Nujoma, ngoka e li omugameni omunene gwOmupresidende gwa Zimbabwe Robert Mugabe, naye opo a li piitendele mbika sho Mwanawasa ta popi ngaaka.Mwanawasa mu Namibia okwe ya mo mEtiyali.Onkalo mu Zimbabwe oya talika kutya oyi li nayi noonkondo, sha zi mpoka sho Epangelo lya dhenge aawiliki yoongundu dhompilameno nokuhanagulapo omahololomadhiladhilo ngoka ya li ya ningi omasiku ga zi ko.Aantu oyendji, mwa kwatelwa Omuwiliki gwongundu yompilameno yo Movement for Democratic Change (MDC) Morgan Tsvangirai, oya li ya dhengwa nayi sho ya kwatwa po kOpolisi e taya ka patelwa mo.”Aakalimo omathele nomathele moshilongo shoka sha tumbulwa (Zimbabwe) otaye shi thigi po esiku kehe nokutaaguluka oongamba, ya ka konge uuhupilo miishiindalongo nokwaambyoka yokokule,” Mwanawasa ta popi ngaaka.Kuyele mEtiyali, Ominista yOmauyelele ya Namibia Netumbo Nandi-Ndaitwah okwa li a popi kutya Epangelo olya koneka ekemo lyAanamibia kombinga yonkalo mu Zimbabwe.”Namibia oshilongo shi hole ombili na oshi itaala kutya ehumithokomeho lyeliko lyoshilongo nonkalonawa yaakwashigwana yasho, otayi kala po ashike ngele omu na onkalo yopaliko noyopapolitika yi li nawa,” Ndaitwah osho a popi ngaaka.Okwa ti Namibia kapwa li nande na kapu na esiku limwe ta ka yambidhidha omakuyunguto, molwashoka kage li muuwanawa wonkalonawa waantu ye.Ta ti, Namibia okuwete kutya osha simana noonkondo mu Zimbabwe mu kale ombili nonkalonawa.Okwa ti Epangelo lya Namibia oli wete kutya Epangelo lya Mugabe naantu moshilongo shoka, oye na oonkondo nehalo okukandulapo omaudhigu gawo, pwaa na oonyala dhiilongo yopondje.Metitatu, Omupresidende omukulu gwa Zambia Kenneth Kaunda, ngoka naye a kala kuume ka Mugabe, okwa ningi eindilo kaaleli yaAfrika ya tote po Okakomitiye ka ye pokati onkalo yomakuyunguto ngoka tagi inyenge mu Zimbabwe pethimbo ndika.”Kandi wete e li koshipundi pahalo lyaantu.Koshipundi oku li ko sha pitile mokumbandameka,” omulongwantu miikwapolitika Moeletsi Mbeki gwa South Afrika, osho a lombwele oshitumikundaneki sha AFP ngaaka.Omulongwantu gumwe miikwapoliyika Bill Saidi okwa ti uusama mboka tau pewa Zimbabwe pethimbo ndika, ota u ka eta aayambidhidhi yamwe yongundu tayi pangelo yoZanu-PF, ya ka kala momaipulo kutya ongundu yawo oyu uka naanaa peni, Mary Kasirowore ta lombwele ngaaka Reuters.