YomOhotela ya Oshakati Country Lodge ya holola euvonayi

A ANIILOONGA mohotela ya Oshakati Country Lodge mEtiyali oya tulile iilongitho pevi uule wotundi nokuninga ehololomadhilaadhilo moka taya nyenyeta kutya otaya kolonyekwa kAakuluntu yohotela ndjoka mOshakati taya holola wo puuyelele nkene aahona yawo mbaka taya li ohotela ndjoka nokati.

Momusholondondo omuleeleka gwomanyenyeto gawo, aaniilonga otaya ti kutya otaya mono iihuna unene na inaya manguluka nande, ye vulike nokaanandholongo moondholongo dhOpolisi. Inaya pitikwa aniwa ya popye naaniilonga yakwawo uuna ye li miilonga, omanga okupopya nokuume taya zi pondje iihuna nee.Aaniilonga ohaya kuthwa pomahala giilonga ngaka nokutulwa pugalwe gopombanda, ashike oto gwedhelwa ashike kolunguto.Iimaliwa mbyoka ho futwa hayo mbyoka ya shangwa mokambapila komafutilo.Oho futwa shi li pevi.Ohotela otayi wilikwa paufamili nopamalwaala.Omulandu gwokutula aaluudhe pomahala omanene, kagu mo mOhotela ndjoka.Openzela otayi nanwa pwaa na euvathano.Mboka haya longo komathikilo gaayenda, kaya pitikwa nande ya kaatumbe po, otaya uhala nokutokelwa ya thikama ashike.Aaniilonga aaluudhe inaya pitikwa okweeta uunona wawo mohotela, omanga mboka yaatiligane haye shi ningi.Taya ti wo kutya pomathimbo giituthi iinene moka haya ningilwa Oopaati, ohaya kala wo taya longo niikulya mbyoka haya li poopaati mpoka oyo mbyoka ya gu kiitaafula yaahona yawo.Ngele omuntu owa nyenyeta oho ithanwa ashike kombelewa ndele to lombwelwa wu ye kaandjeni.Aakuluntu yiilonga mbaka ngele taya yi kOoRuacana hoka ohaya yi niikulya, oonyama tayi zi mOhotela pwaa na omashangelo gasha.Ngashi meme Lobbo oha kutha aniwa ashike iikwahotela oshali pwaa na omandhindhiliko gasha gopamambo.Shefa gwohotela oha landa iinima ye medhina lyOhotela, omanga omukulukadhi gwe ha li mohotela oshali.Omagadhi gokulya omakulu ohaga landithwa po kaaniilonga pwaa na omandhindhiliko gopamambo.Omukuluntu gwOhotela ndjoka Bernd Bohmcher, aniwa oha kanga iikuki niilongitho yOhotela.Omuteleki na Misisi Lobbo ohaya kutha uusikareta wohotela inaya futa.Omudhiginini gwIilonga mOhotela ka longa iilonga ye, ohayi ashike mObaa sigo otali ningine nokukutha omalovu owala ngawo ta pe oofelende dhe.Aawiliki yOhotela ohaya futu shi li pevi, uuna taya futu nande iikulya nenge omalovu nosho tuu.Omukuluntu gwohotela oha nu omalovu goshimaliwa oshindji oshali pamwe nokanonamati ke.Tashi vulika okuli a nwe N$1187.50 muule womasiku gontumba.Taya ti wo kutya opu na ookastoma dha li dhe ya okutyapulila epito lyawo kohotela, taya futu N$700 dhOngala nOoN$3 000 dhiikulya.Iimaliwa mbyoka kayi shiwike mpoka ya yi.Meme Lobbo okwa kala e na oondjo dhohotela dhi thike po N$21,000, dha li dha shangwa membo etiligane, kadhi shiwike mpoka dha ningine, embo olya kana wo.Taya ti wo nkutya Aakuluntu yohotela ndjika oye hole unene okufika po oombapila dhomauyelele gontumba.Taye shi ningi opo ya holeke po omauyelele.Aaniilonga taya pula wo kutya oshimaliwa shoN$1600 shoka sha futilwe kOmuniilongakuluntu gwomOmbaanga ya AgriBank moshakati meti 3 Januari 2004, oshi li peni? Aaniilonga oya gandja nee omasiku omuloongonagane kokampani, yi yamukule omapulo gawo ngaka.Omushangwa gwomanyenyeto oye gu gandja ku Barnd Bohmcher nOmukalelipo gwOhotela ndjika pailonga Gotty Ndjendjela, mboka ya ti kutya otaye ke gu gandja kEwiliko lyohotela.Pokati mpoka, Oshifo shika osha li sha pula Bohmcher kombinga yomanyenyeto ngoka, nokwa ti kutya iinima ayihe mbyoka tayi popiwa mo kaaniilonga onoonsesa yongaho.Kamu na oshili yasha mugo nande.Okomenda ye mwaashika otatu ke yi nyanyangidha mOshifo shomOmaandaha ngaka tage ya.Ethano tala kepandja eti 22.Inaya pitikwa aniwa ya popye naaniilonga yakwawo uuna ye li miilonga, omanga okupopya nokuume taya zi pondje iihuna nee.Aaniilonga ohaya kuthwa pomahala giilonga ngaka nokutulwa pugalwe gopombanda, ashike oto gwedhelwa ashike kolunguto.Iimaliwa mbyoka ho futwa hayo mbyoka ya shangwa mokambapila komafutilo.Oho futwa shi li pevi.Ohotela otayi wilikwa paufamili nopamalwaala.Omulandu gwokutula aaluudhe pomahala omanene, kagu mo mOhotela ndjoka.Openzela otayi nanwa pwaa na euvathano.Mboka haya longo komathikilo gaayenda, kaya pitikwa nande ya kaatumbe po, otaya uhala nokutokelwa ya thikama ashike.Aaniilonga aaluudhe inaya pitikwa okweeta uunona wawo mohotela, omanga mboka yaatiligane haye shi ningi.Taya ti wo kutya pomathimbo giituthi iinene moka haya ningilwa Oopaati, ohaya kala wo taya longo niikulya mbyoka haya li poopaati mpoka oyo mbyoka ya gu kiitaafula yaahona yawo.Ngele omuntu owa nyenyeta oho ithanwa ashike kombelewa ndele to lombwelwa wu ye kaandjeni. Aakuluntu yiilonga mbaka ngele taya yi kOoRuacana hoka ohaya yi niikulya, oonyama tayi zi mOhotela pwaa na omashangelo gasha.Ngashi meme Lobbo oha kutha aniwa ashike iikwahotela oshali pwaa na omandhindhiliko gasha gopamambo.Shefa gwohotela oha landa iinima ye medhina lyOhotela, omanga omukulukadhi gwe ha li mohotela oshali.Omagadhi gokulya omakulu ohaga landithwa po kaaniilonga pwaa na omandhindhiliko gopamambo.Omukuluntu gwOhotela ndjoka Bernd Bohmcher, aniwa oha kanga iikuki niilongitho yOhotela.Omuteleki na Misisi Lobbo ohaya kutha uusikareta wohotela inaya futa.Omudhiginini gwIilonga mOhotela ka longa iilonga ye, ohayi ashike mObaa sigo otali ningine nokukutha omalovu owala ngawo ta pe oofelende dhe.Aawiliki yOhotela ohaya futu shi li pevi, uuna taya futu nande iikulya nenge omalovu nosho tuu.Omukuluntu gwohotela oha nu omalovu goshimaliwa oshindji oshali pamwe nokanonamati ke.Tashi vulika okuli a nwe N$1187.50 muule womasiku gontumba.Taya ti wo kutya opu na ookastoma dha li dhe ya okutyapulila epito lyawo kohotela, taya futu N$700 dhOngala nOoN$3 000 dhiikulya.Iimaliwa mbyoka kayi shiwike mpoka ya yi.Meme Lobbo okwa kala e na oondjo dhohotela dhi thike po N$21,000, dha li dha shangwa membo etiligane, kadhi shiwike mpoka dha ningine, embo olya kana wo.Taya ti wo nkutya Aakuluntu yohotela ndjika oye hole unene okufika po oombapila dhomauyelele gontumba.Taye shi ningi opo ya holeke po omauyelele.Aaniilonga taya pula wo kutya oshimaliwa shoN$1600 shoka sha futilwe kOmuniilongakuluntu gwomOmbaanga ya AgriBank moshakati meti 3 Januari 2004, oshi li peni? Aaniilonga oya gandja nee omasiku omuloongonagane kokampani, yi yamukule omapulo gawo ngaka.Omushangwa gwomanyenyeto oye gu gandja ku Barnd Bohmcher nOmukalelipo gwOhotela ndjika pailonga Gotty Ndjendjela, mboka ya ti kutya otaye ke gu gandja kEwiliko lyohotela.Pokati mpoka, Oshifo shika osha li sha pula Bohmcher kombinga yomanyenyeto ngoka, nokwa ti kutya iinima ayihe mbyoka tayi popiwa mo kaaniilonga onoonsesa yongaho.Kamu na oshili yasha mugo nande.Okomenda ye mwaashika otatu ke yi nyanyangidha mOshifo shomOmaandaha ngaka tage ya.Ethano tala kepandja eti 22.