Yatau ya si kuutala muumbugantu

OMASO gatatu ga etwa kombepo ontalala oga kundanwa muumbugantu woshilongo metitatu.

Aakalimo yomo Kaiti oya tseyithwa ya adhika ya sa moshilando shoka konima yombepo ontalala unene moshitopolwa shokuumbugantu omasiku ga piti. Aihokani yoomvula tadhi tengenekwa dhili pomilongo hamano oya, adhika ya sa moshihauto oshikulu shokambesa shoka, ya kala ha ya longitha ongo egumbo lyawo molugumbo lwegumbo limwe momukunda gwa Tseiblaagte moKaiti. Okwiitalwa oya si omolwa uutalala. Oonakusa mbaka oya dhimbulukiwa oyo, Adam na Sara Fredericks. Oya li ashike aniwa yiisiikila ekumbatha eshona, na oya adhika yalala popepyathane moshihauto oshikulu shoka mokati komutenya komushiinda gumwe ngoka a tseyithile opolisi.Aantu mbaka oya li ha ya hehela oku kala molugumbo ndoka ha ya futu oodola omilongo ntano komwedhi, osho oThe Namibian ya kundana. Moshiningwanima sha yooloka omulumentu gumwe okwaadhika a sa polupanda momukunda gwa Tseiblaagte moka ongula yoMaandaha, naanguka okwa itaalwa a si kuutalala.Komufala gwopolisi okwa koleke omaso ngaka. Josephat Abel okwa ti ita pa fekelwa ando pwa ningwa omuyonena gwasha momaso ngaka. Okwa ti omaso ngoka oga etwa kuutala ndele ekonakono ota li ka ningwa opo pu talike kutya osheeti sheso oshike naanaa. Omutengeneki gwombepo, Olga Tjiueza okwa tile etitatu kutya onkalo yombepo ota yi ka pupyala kashona metine muumbugantu woshilongo. Tjiueza okwa ti olumi olwa gu muumbugantu mwakwatelwa pomahala ngaashi Aranos na Aroab mpoka pwa lokwa omvula yomata omashona.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.