Yane ya yapulilwa Uusita mOngeleka ya Anglicana pOnamutai

A ANAMIBIA yane mboka ya kala tayi ilongele Uusita, ano Uupristeri wOngeleka ya Anglicana kOosikola dhUuteologi koTee College nosho wo kOseminali yUuteologi yedhina Virginia Theological Seminary ko America, oya yapulilwa mOngeleka ya Anglicana ya Namutai mOsoondaha ya zi ko kOmumbiishofi Nathanael Nakwatumba.

Aayapulwa mbaka oyo nee tate Lukas Katenda Kaluwapa (Onamutai), meme Selma Kwambi (Eenhana), meme Annette Allies (Oranjemund) na meme Elvine Shilongo Michael (Eenhana). Osoondaha oyo tuu ndjoka, Omumbishofi Nakwatumba okwa yapula wo Aadiakoni yaali, na oyo nee tate Gabriel Hawii (St Michael kOvenduka) na tate Tarah Taloshili Shalyefu (Onekwaya west).Engathithi enene lya thikama mAawiliki yOmagongalo yOngeleka ya Anglicana moNamibia, unene tuu moNooli, Aawiliki yOpapolotika yOpashigwana noyopaitopolwa, yOpamuthigululwakalo nosho wo yOongeleka dhimwe oomwayinathana, Aakwanegongalo yOngeleka ya Anglicana unene tuu mboka yEgongalo lyaNamutai, lya St Mary’s Odibo, lyaShakati, lya Christ the King Onekwaya west, Onamunama, Oshandi, Eenhana, St Michael Windhoek, Oranjemund nosho tuu, olya li lya gongala mpoka.Pethimbo te ya yapula noku ya kolekela moshilongatumo shOngeleka ya Christus, Omumbiishofi Nakwatumba, okwa lombwele Egongalo kutya Omupristeli omupe tate Lukas Katenda Kaluwapa ota langekwa mEgongalo lyawo lya Namutai.Ashike otaka tsikila natango eilongo lye ko Amerika.Omupristeri meme Selma Kwambi ota langekwa mEgongalo lyawo lya Eenhana.Omupristeri meme Annette Allies, otaka langekwa kEgongalo lya Oranjemund ko NAMDEB, omanga Omupristeri omupe meme Elvine Shilongo Michael taka kala Omupristeri omuyakuli shaampoka manga.Omudiakoni tate Gabriel Hawii, otaka langekwa kEgongalo lya Michael Omuyapuki kOvenduka nOmudiakoni tate Tarah Taloshili Shalyefu taka langekwa kEgongalo lya Christ The King kOnekwaya west.Ayehe okwe ya halele ompolo ombwanawa moshilonga shawo shokuuvithila oshigwana sha Kalunga ondaka yEvaengeli noku shi yakula wo pauntu wiihwapo nawa monkalathano yesiku kehe.Oshituthiyapulo shika, sha li sha kalwa wo nokOmumbiishofi gwa Anglicana e li moshipundi shevululuko tatekulu Shihala Hamupembe, osha li sha nyenyepekwa nawa lela koongundu dhOmalwiimbo dha za kOmagongalo gi ili nogi ili gOngeleka ya Anglicana noshowo kOomwayinangeleka dhilwe moshitopolwa.Konima yElongelokalunga, oshituthi osha tsikile wo mpoka nokutyapulwa kwaayehe ya li po, omanga Aayapulwa nayo ya li ya longekidha Iituthi yawo komagumbo, hoka ya katyapula pamwe naanamagumbo gawo nookuume kawo.Osoondaha oyo tuu ndjoka, Omumbishofi Nakwatumba okwa yapula wo Aadiakoni yaali, na oyo nee tate Gabriel Hawii (St Michael kOvenduka) na tate Tarah Taloshili Shalyefu (Onekwaya west).Engathithi enene lya thikama mAawiliki yOmagongalo yOngeleka ya Anglicana moNamibia, unene tuu moNooli, Aawiliki yOpapolotika yOpashigwana noyopaitopolwa, yOpamuthigululwakalo nosho wo yOongeleka dhimwe oomwayinathana, Aakwanegongalo yOngeleka ya Anglicana unene tuu mboka yEgongalo lyaNamutai, lya St Mary’s Odibo, lyaShakati, lya Christ the King Onekwaya west, Onamunama, Oshandi, Eenhana, St Michael Windhoek, Oranjemund nosho tuu, olya li lya gongala mpoka.Pethimbo te ya yapula noku ya kolekela moshilongatumo shOngeleka ya Christus, Omumbiishofi Nakwatumba, okwa lombwele Egongalo kutya Omupristeli omupe tate Lukas Katenda Kaluwapa ota langekwa mEgongalo lyawo lya Namutai.Ashike otaka tsikila natango eilongo lye ko Amerika.Omupristeri meme Selma Kwambi ota langekwa mEgongalo lyawo lya Eenhana.Omupristeri meme Annette Allies, otaka langekwa kEgongalo lya Oranjemund ko NAMDEB, omanga Omupristeri omupe meme Elvine Shilongo Michael taka kala Omupristeri omuyakuli shaampoka manga.Omudiakoni tate Gabriel Hawii, otaka langekwa kEgongalo lya Michael Omuyapuki kOvenduka nOmudiakoni tate Tarah Taloshili Shalyefu taka langekwa kEgongalo lya Christ The King kOnekwaya west.Ayehe okwe ya halele ompolo ombwanawa moshilonga shawo shokuuvithila oshigwana sha Kalunga ondaka yEvaengeli noku shi yakula wo pauntu wiihwapo nawa monkalathano yesiku kehe.Oshituthiyapulo shika, sha li sha kalwa wo nokOmumbiishofi gwa Anglicana e li moshipundi shevululuko tatekulu Shihala Hamupembe, osha li sha nyenyepekwa nawa lela koongundu dhOmalwiimbo dha za kOmagongalo gi ili nogi ili gOngeleka ya Anglicana noshowo kOomwayinangeleka dhilwe moshitopolwa.Konima yElongelokalunga, oshituthi osha tsikile wo mpoka nokutyapulwa kwaayehe ya li po, omanga Aayapulwa nayo ya li ya longekidha Iituthi yawo komagumbo, hoka ya katyapula pamwe naanamagumbo gawo nookuume kawo.