Yamwe ya ningilwa oshipotha shuufuthi

AANIILONGA ayehe pobisinisa yokuyoga iihauto po Swakopmund, oya li ya kwatwa po oshiwike sha zi ko shi na sha nekano lyoshimaliwa shOondola/N$57 000 mOmbesa yaatalelipo.

Komanda gwOpolisi moshitopolwa sha Erongo, Festus Shilongo, Ombesa ndjika oya li ya thiga pobisinisa ndjika yi yogwe mEtine lya zi ko.
Oseifa ndjoka ya li mOmbesa ndjika oya li nee aniwa ya teywa e ta mu yakwa oshimaliwa (okeshe) nootjeke kumwe ashihe shi li Oondola/N$57 000.
Metitano, aantu ye li 11 oya li ya kwatwa po – ya kwatelwa pomagumbo gawo mo Swakopmund. Oshimaliwa shokeshe ashihe osha li sha monika. Mwene gwObisinisa ndjika okwa tindi okugandja okomenda, ihe okwe shi koleke kutya aaniilonga ye ayehe oya kwatelwa mo moshinima shika.