Yamwe pu Gruenau otaya nana nondatu kombinga yomeya

O MAGUMBO taku tengenekwa ga thika pomilongo heyali (70) mokandoolopa ka Gruenau moshitopolwa sha Karas, oge na uupyakadhi wompumbwe yomeya.

Shika osha popiwa molopota yOkomitiye yOlaata yOpashigwana yi na sha nomalukalwa, ndjoka ya li ya ningi omatelelopo koshitopolwa sha Karas, Kunene, Omusati nOshana omathimbo ga zi ko. Palopota ndjika, omagumbo gomwaalu gwa tumbulwa mokandoolopa haka, – ohaya mono ashike omeya uule wowili yimwe mesiku.Okuza ashike potundi ontimugoyi sigo omulongo gwongula.Olopota ndjika oya li ya tulwa poshitaafula pethimbo lyoonkundatha dhOlaata yOpashigwan omasiku ga zi ko.Okomitiye ndjika oye shi mono wo kutya aakalimo yokomahala gokuushayi moshitopolwa sha Karas, otaya nana nondatu okwiimonena omagumbo ge li nawa na oyendji oya thiminikwa okukala momagumbo giinyakwi, moka ye li mo taya longithwa iihwa ong’uundjugo.Onkalo ndjika oyi uvitilwe nayi ku Kansela gwoshikandjohogolo sha Rehoboth West-Urban Theo Diergaardt.Pethimbo ta gandja okomenda ye kombinga yolopota ndjika mEtiyali lya zi ko, Diergaardt okwa ti omeya ogo omwenyo na ompumbwe yago otayi piyaganeke oonkambadhala ndhoka tadhi ningwa okuhumithakomeho okandoolopa ka Gruenau.Okomitiye ndjika oya popi kutya miitopolwa yilwe mbyoka ya talelepo, omu na omashongo ga taalela oproyeka yokutunga omagumbo gaantu mboka ihaya mono iiyemo yi li nawa yedhina Build Together.Yamwe yomwaamboka ya pewa omikuli opo yi itungile omagumbo paproyeka ndjika, oye li aniwa taya longitha iimaliwa mbika miinima yilwe yi ili.Diergaardt okwa ningi nee eindilo kOmalelo gIitopolwa nogoondoolopa, ga hulithe po okugandja oshimaliwa shika koonakuninga omaindilo gomikuli yoyene.”Oye na okukonga omukalo gulwe,” Diergaardt ta popi ngaaka.Okwa pandula Okomitiye ndjika, ta ti kutya, oya mona po omaupyakadhi nomashongo ogendji ngoka ga taalela iitopolwa mbyoka ya talelwapo na omaupyakadhi ngaka oge na okukundathanwa miigongi yopaitopolwa noyopaikandjohololo, ku talike nkene ge na okukandulwapo.”Olopota ndjika oyi na okutuminwa Omalelo giitopolwa, goondoolopa noguundoolopamukunda miitopolwa ayihe mbika ine,” Diergaardt ta tsikile ko ngaaka.Okomitiye ndjika oya li ya talelepo oshitopolwa sha Kunene, Omusati nOshana okuza momasiku 5 sigo 10 gaFebuluali nuumvo omanga sha Karas sha li sha talelwapo okuza momasiku 13 sigo 30 gaJuli omumvo gwa zi ko.Palopota ndjika, omagumbo gomwaalu gwa tumbulwa mokandoolopa haka, – ohaya mono ashike omeya uule wowili yimwe mesiku.Okuza ashike potundi ontimugoyi sigo omulongo gwongula.Olopota ndjika oya li ya tulwa poshitaafula pethimbo lyoonkundatha dhOlaata yOpashigwan omasiku ga zi ko.Okomitiye ndjika oye shi mono wo kutya aakalimo yokomahala gokuushayi moshitopolwa sha Karas, otaya nana nondatu okwiimonena omagumbo ge li nawa na oyendji oya thiminikwa okukala momagumbo giinyakwi, moka ye li mo taya longithwa iihwa ong’uundjugo.Onkalo ndjika oyi uvitilwe nayi ku Kansela gwoshikandjohogolo sha Rehoboth West-Urban Theo Diergaardt.Pethimbo ta gandja okomenda ye kombinga yolopota ndjika mEtiyali lya zi ko, Diergaardt okwa ti omeya ogo omwenyo na ompumbwe yago otayi piyaganeke oonkambadhala ndhoka tadhi ningwa okuhumithakomeho okandoolopa ka Gruenau.Okomitiye ndjika oya popi kutya miitopolwa yilwe mbyoka ya talelepo, omu na omashongo ga taalela oproyeka yokutunga omagumbo gaantu mboka ihaya mono iiyemo yi li nawa yedhina Build Together.Yamwe yomwaamboka ya pewa omikuli opo yi itungile omagumbo paproyeka ndjika, oye li aniwa taya longitha iimaliwa mbika miinima yilwe yi ili.Diergaardt okwa ningi nee eindilo kOmalelo gIitopolwa nogoondoolopa, ga hulithe po okugandja oshimaliwa shika koonakuninga omaindilo gomikuli yoyene.”Oye na okukonga omukalo gulwe,” Diergaardt ta popi ngaaka.Okwa pandula Okomitiye ndjika, ta ti kutya, oya mona po omaupyakadhi nomashongo ogendji ngoka ga taalela iitopolwa mbyoka ya talelwapo na omaupyakadhi ngaka oge na okukundathanwa miigongi yopaitopolwa noyopaikandjohololo, ku talike nkene ge na okukandulwapo. “Olopota ndjika oyi na okutuminwa Omalelo giitopolwa, goondoolopa noguundoolopamukunda miitopolwa ayihe mbika ine,” Diergaardt ta tsikile ko ngaaka.Okomitiye ndjika oya li ya talelepo oshitopolwa sha Kunene, Omusati nOshana okuza momasiku 5 sigo 10 gaFebuluali nuumvo omanga sha Karas sha li sha talelwapo okuza momasiku 13 sigo 30 gaJuli omumvo gwa zi ko.