Yaali mEtilahi mOkaku ya dhipagwa kOshinima

O OMBEPO dha nyata, dhi li pamukalo gwoshiluli, ano kadhi wetike, osho dhi iteyele wo momukunda Etilahi popepi nOkaku mOndonga mOshitopolwa sha Shana ndele tadhi dhipaga mo aakalimo ye li yaali, omugundjuka Hilja Hosea na meme gwe Omukulupe Hileni Josef, mwene gwegumbo, moka hamu ya oshiluli shoka.

Ehokololo lyaantu mbaka ya dhipagwa koshiluli, sho lya lopotelwa Oshifo shika kuyamwe yomAawiliki yomOkaku, Oshifo osha yi ko mEtitano ndika lya zi ko nokuulikilwa egumbo lili momukunda Etilahi popepi nOkaku, ndjoka, Oshifo shika sha lombwelwa kutya, olya dhimwa po thilu koshiluli shoka sha kala okuza tuu momumvo 2003, tashi piyaganeke aakalimo nokudhipaga mo mboka yaali pamukalo gwoku ya ponda aniwa. Esiku ndjoka, Oshifo osha monene wo na Kaansola gwOshikandjohogololo sha Kaku, tate Henock ya Kasita, ngoka wo e li Ominsiteli yOpevi yOomina nIikwamalusheno, ngoka a ti kutya naye okwa uva mEtilahi mOkaku mu na egumbo lya dhima po.Aantu aniwa ya si taya pondwa kuwalye, kiiluli.Egumbo ndjoka, The Namibian oya lombwelwa kutya olya li lya kuku Hileni ya Josef, ngoka a li mo noyana, ngashi Hilja Hosea, Johanna Lukas noshowo aatekulu yOoKristofina (Soondaha) Abisai, Emma Abisai nuutekulululwa we.Oshifo osha falwa po pegumbo mpoka kAawiliki yamwe yomOkaku, ngashi ku meme Taimi Iitope nosho tuu nokuya moonkundathana na meme Johanna Lukas na Emma Abisai, oyana ya nakusa kuku Hileni Josef, mwene gwegumbo ndjoka kwali noshowo omumwayina gwa nakusa kuku Hiileni, ano meme Aune Immanuel.Meme Emma noshowo meme Johanna na meme Aune, otaya hokolola kutya oombepo ndhoka dha adha egumbo lya kuku Hileni, oombepo dha nyata, molwashoka ohadhi pondo omuntu to si.Taya ti kutya okuya momumvo 2003, odha kala hadhi pondo mo okakadhona Kristofina, okatekulu ka kuku Hileni, ka valwa komonakadhona Hilja, hoka mokupondwa kudho, ka tokola okuthiga po egumbo lya kuku gwako nokuya kUushimba.mOmumvo 2003, odha ponokele mu Hilja, yina ya Kristofina, nodha kala tadhi mu pondo sigo tadhi mu dhipaga mu Desemba 2003.Okuza mpoka odha kala ngaa nee sho Kristofina te ya okutalela po yinakulu okuza kuushimba, dho otadhi galukile ishewe muye.Yinakulu Hileni nguka, ta tameke aniwa te mu tidha mo, ta ti kutya naze mo megumbo lye noombepo dha yina, molwashoka odha dhipaga yina Hilja.Kristofina, okwa yi ngaa nee aniwa a ka kalelele kuushimba.Oombepo ndhika dha nyata, taya ti kutya oshiluli, odha tameke tadhi ponokele kuku Hileni, mwene gwegumbo.Aniwa ha kala ashike ta ulike omatemba taga ende mombanda taga hilwa koombwa nosho tuu, ye ta pondwa.Omuntu homono ashike aniwa sho tiiyaga komaako nokothingo a fa tiikutha omuntu te mu kwata, nota popi nee muule kutya, “Oye ngoka ta pondo ndje yakwetu, mu kuthiindje!! Olundji mokukala nee a fa te mu ikutha ngawo, ohiitogola nokuninga iilalo kiikaha nokothingo.”Ngele ou li po nee ta ningi ngawo, ngoye kuwete sha, oye ashike e shi wete note shi kondjitha nee noonkondo, a mana mo lela.”Oomeme mbaka taya hokolola ngawo.Meti 14 Mei omvula ndjika 2005, meme Aune, meme Emma na meme Johanna, otaya hokolola kutya oshiluli shika oshe ya sha mana mo na kuku Hileni okwa kala esiku alihe e li muudhigu wokupondwa kusho.Ta kugu nokulila, ta ti ota pondwa komuntu gweyulu ele.Manga ngeno ya matuke ya ka konge ekwatho, kuku Hileni okwa si, a sile mu yimwe yomoondunda dhe dhomegumbo konima sho a zi mondjugo ye moka a li a ka holama sho aniwa ta pondwa ngawo.Konima sho kuku Hileni, mwene gwegumbo naye a pondwa nokusa ngawo, mboka ya kala mo ngashi meme Emma na Johanna nuunona wawo, kaya lala mo we.Ohaya uhala mo ashike nokuya kumwe ku ili ya kalale.Ashike nee, meme Johanna ota ti kutya naye okwa ya moshiponga shokupondwa koshiluli shoka.”Ngaye ondi li nda tila lela molwashoka ohandi pondwa komuntu kandi mu wete.”Meme Johanna ta hokololele Oshifo shika ngaaka mEtitano ndika lya zi ko megumbo lya nakusa yina Hileni moka.kEpulo, Emma okwa ti, ye sigo oompaka ka pondwa, ashike naye oku li ngaa momalimbililo kutya pamwe naye tashi ke mu ponokela noku mu ponda.Kuyele nuumvo Oshifo shika osha yile wo kegumbo lya meme Martha Erastus li li momukunda Oshimhwaku mOukwanyama mOshitopolwa sha Hangwena moka wo namo mwa kala oompepo dha nyata dha kala tadhi piyaganeke nayi megumbo lya meekulu Martha Erastus moka.Ya kala taya dhengwa nayi koshiluli nokutsuwa kusho noombele dhawo dhomokombitha.The Namibia nmokuuva oshinima shoka, oya yi ko yi katale shoka shi li ko, oya adha meme Martha nguka naanegumbo lye yamwe ya lulilwa noonkondo.Ta ti megumbo lyawo ohamu ya oshiluli tashi ya dhenge komalutu nomakuma, nomapumba goongombe nenge niilya, ngashi unene pethimbo lyoondima noku ya tsa noombele dhokokombitha.Oya ka kongele ekwatho kaakuluntu kOkaprivi nokoZimbabwe.Ngashiingeyi osha mwena po aniwa.Iiningwanima yoombepo dha nyata tayi holoka mokati koshigwana, unene tuu mOnooli.YomEtilahi, otaya ti kutya iinima mbika inayi holekwa we, nayi popiwe mo yi ye puuyelele opo mboka ya pumbwa ekwatho ye li pewe manga inaku toka.Esiku ndjoka, Oshifo osha monene wo na Kaansola gwOshikandjohogololo sha Kaku, tate Henock ya Kasita, ngoka wo e li Ominsiteli yOpevi yOomina nIikwamalusheno, ngoka a ti kutya naye okwa uva mEtilahi mOkaku mu na egumbo lya dhima po.Aantu aniwa ya si taya pondwa kuwalye, kiiluli.Egumbo ndjoka, The Namibian oya lombwelwa kutya olya li lya kuku Hileni ya Josef, ngoka a li mo noyana, ngashi Hilja Hosea, Johanna Lukas noshowo aatekulu yOoKristofina (Soondaha) Abisai, Emma Abisai nuutekulululwa we.Oshifo osha falwa po pegumbo mpoka kAawiliki yamwe yomOkaku, ngashi ku meme Taimi Iitope nosho tuu nokuya moonkundathana na meme Johanna Lukas na Emma Abisai, oyana ya nakusa kuku Hileni Josef, mwene gwegumbo ndjoka kwali noshowo omumwayina gwa nakusa kuku Hiileni, ano meme Aune Immanuel.Meme Emma noshowo meme Johanna na meme Aune, otaya hokolola kutya oombepo ndhoka dha adha egumbo lya kuku Hileni, oombepo dha nyata, molwashoka ohadhi pondo omuntu to si.Taya ti kutya okuya momumvo 2003, odha kala hadhi pondo mo okakadhona Kristofina, okatekulu ka kuku Hileni, ka valwa komonakadhona Hilja, hoka mokupondwa kudho, ka tokola okuthiga po egumbo lya kuku gwako nokuya kUushimba.mOmumvo 2003, odha ponokele mu Hilja, yina ya Kristofina, nodha kala tadhi mu pondo sigo tadhi mu dhipaga mu Desemba 2003.Okuza mpoka odha kala ngaa nee sho Kristofina te ya okutalela po yinakulu okuza kuushimba, dho otadhi galukile ishewe muye.Yinakulu Hileni nguka, ta tameke aniwa te mu tidha mo, ta ti kutya naze mo megumbo lye noombepo dha yina, molwashoka odha dhipaga yina Hilja.Kristofina, okwa yi ngaa nee aniwa a ka kalelele kuushimba.Oombepo ndhika dha nyata, taya ti kutya oshiluli, odha tameke tadhi ponokele kuku Hileni, mwene gwegumbo.Aniwa ha kala ashike ta ulike omatemba taga ende mombanda taga hilwa koombwa nosho tuu, ye ta pondwa.Omuntu homono ashike aniwa sho tiiyaga komaako nokothingo a fa tiikutha omuntu te mu kwata, nota popi nee muule kutya, “Oye ngoka ta pondo ndje yakwetu, mu kuthiindje!! Olundji mokukala nee a fa te mu ikutha ngawo, ohiitogola nokuninga iilalo kiikaha nokothingo.”Ngele ou li po nee ta ningi ngawo, ngoye kuwete sha, oye ashike e shi wete note shi kondjitha nee noonkondo, a mana mo lela.”Oomeme mbaka taya hokolola ngawo.Meti 14 Mei omvula ndjika 2005, meme Aune, meme Emma na meme Johanna, otaya hokolola kutya oshiluli shika oshe ya sha mana mo na kuku Hileni okwa kala esiku alihe e li muudhigu wokupondwa kusho.Ta kugu nokulila, ta ti ota pondwa komuntu gweyulu ele.Manga ngeno ya matuke ya ka konge ekwatho, kuku Hileni okwa si, a sile mu yimwe yomoondunda dhe dhomegumbo konima sho a zi mondjugo ye moka a li a ka holama sho aniwa ta pondwa ngawo.Konima sho kuku Hileni, mwene gwegumbo naye a pondwa nokusa ngawo, mboka ya kala mo ngashi meme Emma na Johanna nuunona wawo, kaya lala mo we.Ohaya uhala mo ashike nokuya kumwe ku ili ya kalale.Ashike nee, meme Johanna ota ti kutya naye okwa ya moshiponga shokupondwa koshiluli shoka.”Ngaye ondi li nda tila lela molwashoka ohandi pondwa komuntu kandi mu wete.”Meme Johanna ta hokololele Oshifo shika ngaaka mEtitano ndika lya zi ko megumbo lya nakusa yina Hileni moka.kEpulo, Emma okwa ti, ye sigo oompaka ka pondwa, ashike naye oku li ngaa momalimbililo kutya pamwe naye tashi ke mu ponokela noku mu ponda.Kuyele nuumvo Oshifo shika osha yile wo kegumbo lya meme Martha Erastus li li momukunda Oshimhwaku mOukwanyama mOshitopolwa sha Hangwena moka wo namo mwa kala oompepo dha nyata dha kala tadhi piyaganeke nayi megumbo lya meekulu Martha Erastus moka.Ya kala taya dhengwa nayi koshiluli nokutsuwa kusho noombele dhawo dhomokombitha.The Namibia nmokuuva oshinima shoka, oya yi ko yi katale shoka shi li ko, oya adha meme Martha nguka naanegumbo lye yamwe ya lulilwa noonkondo.Ta ti megumbo lyawo ohamu ya oshiluli tashi ya dhenge komalutu nomakuma, nomapumba goongombe nenge niilya, ngashi unene pethimbo lyoondima noku ya tsa noombele dhokokombitha.Oya ka kongele ekwatho kaakuluntu kOkaprivi nokoZimbabwe.Ngashiingeyi osha mwena po aniwa.Iiningwanima yoombepo dha nyata tayi holoka mokati koshigwana, unene tuu mOnooli.YomEtilahi, otaya ti kutya iinima mbika inayi holekwa we, nayi popiwe mo yi ye puuyelele opo mboka ya pumbwa ekwatho ye li pewe manga inaku toka.