Ya tokola ekankana poAir Namibia

AANIILONGA omathele ya Air Namibia oya ti ota ya ka ninga ekanka metine ngele ina ya pewa egwedhelo lyoondjambi ndhoka ta ya pula.

Ehangano lyiilonga yomatuko goondhila moshilongo olya yamukula mbaka kutya lyo ota li ka indila ohofa yopOmbanda opo yi indike oshinima shoka shaa ningwe. Amushanga gwehangano lyaaniilonga ndyoka lya kalelapo aaniilonga, Namibia Transport and Allied Workers Union[Natau] John Kwedhi okwa ti ,Air Namibia sho a tseyithilwa elalakano lyaaniilonga okwa tameke nomatilitho. Kwedhi okwa ti ekanka nenge oshipotha osha thanekwa okutameka mokati kuusiku wokusha etine, naashika osho ompito ya hugunina ndjoka ehangano lina oku kutha opo aaniilonga ya vule oku pewa egwedhelo lyoondjambi. kwa ti oshipotha ngele osha yi komeho aaniilonga kunwe yeli 275 iilyo ya Natau ota ya ka ninga oshipotha, ndele mboka yaashi iilyo ya Natau na yo oya manguluka oku kuthombinga mekanka ndika ngele oye na ehalo okushininga. Natau okwa kalelapo aaniilonga ayehe ya Air Namibia mboka ha popileko opo ya pewe omauwanawa guuniilonga.Kwedhi okwa ti oshipotha otashi vulu okuyandwa ngele Air Namibia okwa galukile poshitaafula shoonkundathana.Poonkundathana poombelewa dhaKomufala gwaaniilonga, Air Namibia okwa li a ulike kutya ye ina ilongekidhila oonkundathana. Okwaa uvathana okwa li kwa igidhwa ku Komufala gwaaniilonga Oomaandaha oshiwike shika, konima yoonkundathana ndhoka dha kutha oomwedhi hetatu pokati ka Natau newiliko lya Air Namibia. Naasho oonkundathana ndhoka dha adha ekwena lya hula, opwa shangithwa okwaa uvathana pokati koongundu ndhika mbali . Ishewe sho oonkundathana dhoku uvathana ando dha tameke omaandaha ngoka ewiliko lya Air Namibia olye ya pudho lyaana uuthemba woku ninga etokolo kombinga yoondjambi. Omolwa shika omutokolihapu okwa gandja onzapo ndjoka ta yi ulike kutya oongundu ndhika ina dhi potokonona omukundu gwadho, naashika osha gandja ompito opo iilyo ya Natau ya tameke oku longekidha oshipotha. Konima sho Natau a gandja etseyitho kutya ota pa ka ningwa ekanka , aaniilonga yomehangano ndika aniwa oya ningilwa omatilitho okuza kewiliko lya Air Namibia. Aaniilonga ota ya indile ya gwedhelwe ooperesenda 12, omu- 9 noshowo 8 koongundu dhaaniilonga moondondo dha yooloka, yo otaya indile ishewe ya pewe oodola 300 golweendo, noodola 550 dhokufuta egumbo. Air Namibia kena iitya yasha osho omupopiliko gwehangano ndyoka Romeo Sinkala a ti momushangwa.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.