Ya pewa iikulya kepangelo opo yaaka hadhe iiyagaya

AANTU omilongo 54 mboka ya li yiikwatelela mokwiihupitha noondya dha kusha ndhoka hadhi ekelwahi petoto lyopo Kupferberg pondje ya Venduka oya tameke oku pewa iikulya koholomende Omaandaha oshiwike shika.

Ehawaleko lyoondya ndika olyo onkatu yotango Epangelo lya katuka oku palamena eshongo lyondjala noshowo ndyoka lyokwaana iilonga, ngoka ga undula aantu mbaka opo ya ka hadha hadhe iikulya mbyoka yeekelwahi molwaashoka inaa yi gwana oku liwa kaantum ndele kuyo oyo awike ompito kwali okwiihupitha omimvo odhindji dha pitipo.Epangelo olya katuka onkatu ndjika konima yomahokololo ngoka ga holokele miikundaneki kombinga yonkalo yaakwashigwana mbaka. Epangelo olya li lya gongala moshigongi shomeendelelo oku tokola kutya oshigwana shopetoto lya Kupferberg na shi pewe iikulya okuza moompungulilo dholutu lwokugandja omakwatho gopaulumompumbwe kohi yOmbelewa Yominista yOtango.Epangelo olya li lya tokola kutya iikulya mbyoka nayi pewe aantu mboka okupitila moku yi longela kaantu mboka ya kala noku hupithwa kiiyekelwahi petoto lya Kupferberg. Okuza tuu sho aantu mbaka kwa tiwa na ya shangwe opo ya monenwe ekwatho , aanambelewa yepangelo naamboka yelelo lyoshilando sha Venduka oya shangitha aantu 93 mboka yena okupewa iikulya mokuyi longela. Opwa ndhindhilikiwa kutya egameno pomudhingoloko gwetoto lya Kupferberg olya yaga kegonga ngashingeyi konima sho iilonga mbyoka hayi longwa po kaantu mbaka ya li ya tulwa puuyelele kiikundaneki. Onkene kapena omuntu ta pitikwa okuya meni lyetoto keena epitikilo. Omolwa egameno ndyoka lya kwata miiti oyendji mboka ya li ha ya hupu metoto oya li ya tila kutya pamwe ita ya ka mona we iikulya

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.