Veronika ta ti okwa tindilwa aniwa Openzela yAanuulema

O MUGUNDJUKA omunuulema gwokooko kokolumoho gwoomvula 27 lwaampoka gwomEenhana noha kala wo kOhakafiya mOukwanyama mOshitopolwa sha Hangwena nomOshakati, Veronika Shapange, okwe yile kOshifo shika Omaandaha ngaka ga zi ko (16 Apilili 2007), ta nyenyeta kutya okwa tindilwa openzela yaanuulema kEpangelo.

Veronika ngoka e na okanona koomwedhi ndatu, ota hokolola kutya okwa monene oshiponga momimvo dha zi ko shoka sha eta okwaako kwe kokolumoho ku ze ko. Ta ti konima sho a mono oshiponga, okwa ningi eindilo kOmbelewa yi na sha nOpenzela yAanuulema pEenhana mo 1997 Ashike okuza mpoka a li ngaa kutegelela openzela ye, oyo ngaa kayi ya ndjo.Okwe ke ya kOshakati nokwa tokola a ye kOshipangelo shEpangelo sha Shakati nokuningulula ishewe eindilo lilwe hoka.Nalyo ota ti sigo okonena ndjika ina mona ko eyamukulo kulyo.Veronika, ngoka ta ti kutya okwa shangitha ta ti kutya ngele okwa ziminwa ota kala ha kwatele openzela ye kOhakafiya mUukwanyama, ota ti kutya ethimbo alihe ndjoka okwa kala ta lombwelwa kutya na kale ashike ta yi kOhakafiya hoka a shangitha ta kala ha kwatele nokutala ngele ta ithanwa.”Nda li okuya kOhakafiya hoka pethimbo lyekwato, kandi ithanwa.Edhina lyandje kali ko na itandi lombwelwa kutya omolwashike ka li ko, na omolwashike itandi ziminwa.”Onda hala nee okupula kUuministeli wUuhaku kutya omolwashike ano itandi taambwa mopenzela yaanuulema? Veronika ta ti ngawo.Kepulo, Omukuluntu gwOmbelewa yOpenzela mEenhana, meme Hendrina Haufiku, okwa ti ye ita dhimbuluka naanaa meme Veronika e yile kuye.Ashike okwa ti kutya otashi vulika shili a ningile eindilo nenge omaindilo ge kOmbelewa yawo neindilo lye otashi vulika li li mokati komaindilo ngoka natango ge li taga konaakonwa, ngoka ga taambwa nenge ngoka ga tindwa.Haufiku ta ti kutya omaindilo ngoka ga konaakonenwe, ndele tapu ziminwa gamwe nagamwe taga tindwa, oongoka gokuza momumvo 2002 sigo omu Maalitsa 2005.Ngele nee eindilo lye oli li mokati kaangoka gethimbo ndjoka, otashi vulika lya ziminwa nenge inali ziminwa.Haufiku ta indile Veronika a ka gandje uuyelele kOmbelewa yawo kutya eindilo lye okwe li ningile uunake opo ye shi konaakone, ye a mone eyamukulo moshinima she shika shopenzela.Ta ti konima sho a mono oshiponga, okwa ningi eindilo kOmbelewa yi na sha nOpenzela yAanuulema pEenhana mo 1997 Ashike okuza mpoka a li ngaa kutegelela openzela ye, oyo ngaa kayi ya ndjo.Okwe ke ya kOshakati nokwa tokola a ye kOshipangelo shEpangelo sha Shakati nokuningulula ishewe eindilo lilwe hoka.Nalyo ota ti sigo okonena ndjika ina mona ko eyamukulo kulyo.Veronika, ngoka ta ti kutya okwa shangitha ta ti kutya ngele okwa ziminwa ota kala ha kwatele openzela ye kOhakafiya mUukwanyama, ota ti kutya ethimbo alihe ndjoka okwa kala ta lombwelwa kutya na kale ashike ta yi kOhakafiya hoka a shangitha ta kala ha kwatele nokutala ngele ta ithanwa.”Nda li okuya kOhakafiya hoka pethimbo lyekwato, kandi ithanwa.Edhina lyandje kali ko na itandi lombwelwa kutya omolwashike ka li ko, na omolwashike itandi ziminwa.”Onda hala nee okupula kUuministeli wUuhaku kutya omolwashike ano itandi taambwa mopenzela yaanuulema? Veronika ta ti ngawo.Kepulo, Omukuluntu gwOmbelewa yOpenzela mEenhana, meme Hendrina Haufiku, okwa ti ye ita dhimbuluka naanaa meme Veronika e yile kuye.Ashike okwa ti kutya otashi vulika shili a ningile eindilo nenge omaindilo ge kOmbelewa yawo neindilo lye otashi vulika li li mokati komaindilo ngoka natango ge li taga konaakonwa, ngoka ga taambwa nenge ngoka ga tindwa.Haufiku ta ti kutya omaindilo ngoka ga konaakonenwe, ndele tapu ziminwa gamwe nagamwe taga tindwa, oongoka gokuza momumvo 2002 sigo omu Maalitsa 2005.Ngele nee eindilo lye oli li mokati kaangoka gethimbo ndjoka, otashi vulika lya ziminwa nenge inali ziminwa.Haufiku ta indile Veronika a ka gandje uuyelele kOmbelewa yawo kutya eindilo lye okwe li ningile uunake opo ye shi konaakone, ye a mone eyamukulo moshinima she shika shopenzela.