Veranus Shiimi a yapulilwa Uupristeri pOkatana kOmumbiishofi Ndumbukuti

OMUMATI omugundjuka gwoomvula 31 gwomomukunda Omusimboti mUukwambi mOshitopolwa sha Shana Veranus Tshithigona ya Shiimi okwa yapulilwa Uupata, ano Uupristeri kOmumbiishofi Omukuluntu gwOngeleka ya Katoolika ka Roma Liborius Ndumbukuti Nashenda sha ningilwa pOngeleka ya Katoolika ka Roma pOkatana mUukwambi mOshitopolwa sha Shana mOlyomakaya ga ziko geti 17 Februari 2007.

Omumati nguka Veranus a valwa meti 23 Septemba 1975, okwa valwa ku tate Veranus Shiimi na meme Theodensia Shiimi. Veranus Tshithigona, oya valwa ye li omulongo, aamati yatano naakadhona yatano.Tate gwawo, Veranus Shiimi, okwe ya tetekela nale muukwaaluhe.Veranus Tshithigona okwa sikola osikola yanona pOmusimboti mpoka nopo a manene Ograde 10 ye.Okwa yi kOseko yOpombanda ya Gabriel Taapopi mOngwediva hoka a shanga Ograde 11 no 12.Okuza mpoka okwa tokola a ye kUupata, ano kUupritseri nokwa ndjoina Osikola yUupristeri, ano yUufilosofi nUuteologi mOseminari yUupristeri ya Charles Lwanga Omuyapuki mOvenduka momumvo 2000.Okwa kala nee wo ti idheulile eithano lye ndika lyUupristeri pOmissioni ya Shikuku muDesemba gwomumvo 2001 nomomumvo 2002 noshowo pOmissioni ya Maria Assumpta mOtjiwarongo mu Desemba gwomumvo 2003 noshowo kOmissioni ya Anamulenge okuza Juli sigo oDesemba gwomumvo 2005.Meti 23 lya Septemba 2006 okwa yapulilwa onkatu yUudiakoni, sha ningilwa pEgongalo lya Corpus Christi mo Wanahenda mOvenduka.Omugundjuka a tya ngeyi okuhole okudhana etanga lyokoompadhi nokuhole okupwaakena koomusika dhopambepo nokwa hala nee okukalela Kalunga ke noshigwana she ke na uumbanda neongaongo lyasha.Omumamti omugundjuka a tya ngeyi oye nee a yapulilwa Uupristeri kOmumbiishofi Omukuluntu Nashenda mOlyomakaya ga zi ko pOkatana mpoka.A gwedha kOopata ,aapopi yOshiwambo, ye vulithe puyahamano ngashiingeyi.Omumbiishofi Omukuluntu Nashenda okwa ti kutya Pata omupe Veranus, ngoka e li Pata gwomOshikandjongeleki shUumbishofi we, ota ka kala manga pOkatana sigo omu Juni nuumvo nokonima ota ka tseyitha kutya Pata Veranus otaka tumwa a ka longele peni.Oshituthiyapulo shika osha li sha kalwa ku meme gwe Theodensia Shiimi, hegona Silas Shiimi, aamwayina, aakwanezimo, ookuume Aakwanegongalo ya za koombinga noombinga dha Namibia mwa kwatelwa Oministeli yOohi nOonzo dhomEfuta Omundohotola Abraham Iiyambo.Oministeli yEpopilo lyOshilongo, Gabes Shihepo, Aawiliki yOpamuthigululwakalo nosho wo yOongeleka, Oogavena, aanangeshefa, Ookaansela, Oopata, Aandiakoni nosho tuu yalwe inaya dhigwa po wo koshituthi shika.Pethimbo lyeuvitho lye Pata Frans van Wyk okwa lombwela Pata omupe Veranus kutya Kalunga okwe mu ithana a kalithe oonzi dhuusita we nokwa ninga nawa sho a itaala, ina tinda eithano lya Klaunga ndika ngashi yamwe haye li tindi.Te mu lombwele noku mu kumika kutya oku na nee okukala a pama meitaalo nokutokola lela a ka longele oshigwana sha Kalunga ke na uumbanda washa nokukala aluhe ta galikana opo Kalunga e mu kwathe noku mu yambidhidha mpoka ta nyengwa.Te mu lombwele ta ti opo nee taka tsakaneka omaupyakadhi mOmagongalo ga Kalunga moka noku na nee okukala a kola mokukaninga omatokolo.”Ashike okugalikana oko ngaa ka mana, oshoka Omupristeri ka galikana okwa nika oshiponga, “Pata Frans ta lombwele Pata omupe Veranus ngaaka.Pata Omukuluntu gwOshikandjongeleki shOngeleka ya Katoolika sha Wambo, Jose Thomas gwokoAnamulenge, okwa ti kutya ye okuuvite nawa oshoka Oshitopolwa sha Wambo shoka sha kala ethimbo ele tashi kondjo okumona Oopata aavalelwamo, ano yAawambo, ngashiingeyi oshi li tashi ikutha konima yesiga, sho aamati aagundjuka yAawambo taya kutha omatokolo goshimati okuninga Oopata.Pata Thomas ta ti kutya konyala omvula kehe otamu yapulwa Pata Omuwambo.Ta tseyitha kutya nometi 14 Apilili nuumvo, kEgongalo enene lya Katoolika lya Anamulenge kOmbalantu mOshitopolwa sha Musati otaku ka kala eyapulo lyomumati omugundjuka gwomOkakekete mOmbalantu ngoka wo naye a tokola okuninga Pata, ano Omupristeli, a gwedhe kOopata yAawambo, mboka ethimbo lya zi ko ya kala kaye wetike.Minister Shihepo, okwa pandula wo naye noonkondo aamati aagundjuka Aanamibia sho ya tokola okuninga Oppata nokukutha po ngeyi ompumbwe yOopata aavalelwa mo moshilongo.Pata Veranus okwa pandula ayehe mboka ye mu kwathela mondjila ye yokuninga Pata nokuhalela ayehe omayambeko ga Tate Kalunga.Aanashituthi oya umbilie ongalo yOondola/N$2,047,65 na Mbiishofi Omukuluntu okwa ti kutya ongalo ndjoka oya Pata Veranus ye mwene a ka patulule Okambo ke kOmbanga nayo.Veranus Tshithigona, oya valwa ye li omulongo, aamati yatano naakadhona yatano.Tate gwawo, Veranus Shiimi, okwe ya tetekela nale muukwaaluhe.Veranus Tshithigona okwa sikola osikola yanona pOmusimboti mpoka nopo a manene Ograde 10 ye.Okwa yi kOseko yOpombanda ya Gabriel Taapopi mOngwediva hoka a shanga Ograde 11 no 12.Okuza mpoka okwa tokola a ye kUupata, ano kUupritseri nokwa ndjoina Osikola yUupristeri, ano yUufilosofi nUuteologi mOseminari yUupristeri ya Charles Lwanga Omuyapuki mOvenduka momumvo 2000.Okwa kala nee wo ti idheulile eithano lye ndika lyUupristeri pOmissioni ya Shikuku muDesemba gwomumvo 2001 nomomumvo 2002 noshowo pOmissioni ya Maria Assumpta mOtjiwarongo mu Desemba gwomumvo 2003 noshowo kOmissioni ya Anamulenge okuza Juli sigo oDesemba gwomumvo 2005.Meti 23 lya Septemba 2006 okwa yapulilwa onkatu yUudiakoni, sha ningilwa pEgongalo lya Corpus Christi mo Wanahenda mOvenduka.Omugundjuka a tya ngeyi okuhole okudhana etanga lyokoompadhi nokuhole okupwaakena koomusika dhopambepo nokwa hala nee okukalela Kalunga ke noshigwana she ke na uumbanda neongaongo lyasha.Omumamti omugundjuka a tya ngeyi oye nee a yapulilwa Uupristeri kOmumbiishofi Omukuluntu Nashenda mOlyomakaya ga zi ko pOkatana mpoka.A gwedha kOopata ,aapopi yOshiwambo, ye vulithe puyahamano ngashiingeyi.Omumbiishofi Omukuluntu Nashenda okwa ti kutya Pata omupe Veranus, ngoka e li Pata gwomOshikandjongeleki shUumbishofi we, ota ka kala manga pOkatana sigo omu Juni nuumvo nokonima ota ka tseyitha kutya Pata Veranus otaka tumwa a ka longele peni.Oshituthiyapulo shika osha li sha kalwa ku meme gwe Theodensia Shiimi, hegona Silas Shiimi, aamwayina, aakwanezimo, ookuume Aakwanegongalo ya za koombinga noombinga dha Namibia mwa kwatelwa Oministeli yOohi nOonzo dhomEfuta Omundohotola Abraham Iiyambo.Oministeli yEpopilo lyOshilongo, Gabes Shihepo, Aawiliki yOpamuthigululwakalo nosho wo yOongeleka, Oogavena, aanangeshefa, Ookaansela, Oopata, Aandiakoni nosho tuu yalwe inaya dhigwa po wo koshituthi shika.Pethimbo lyeuvitho lye Pata Frans van Wyk okwa lombwela Pata omupe Veranus kutya Kalunga okwe mu ithana a kalithe oonzi dhuusita we nokwa ninga nawa sho a itaala, ina tinda eithano lya Klaunga ndika ngashi yamwe haye li tindi.Te mu lombwele noku mu kumika kutya oku na nee okukala a pama meitaalo nokutokola lela a ka longele oshigwana sha Kalunga ke na uumbanda washa nokukala aluhe ta galikana opo Kalunga e mu kwathe noku mu yambidhidha mpoka ta nyengwa.Te mu lombwele ta ti opo nee taka tsakaneka omaupyakadhi mOmagongalo ga Kalunga moka noku na nee okukala a kola mokukaninga omatokolo.”Ashike okugalikana oko ngaa ka mana, oshoka Omupristeri ka galikana okwa nika oshiponga, “Pata Frans ta lombwele Pata omupe Veranus ngaaka.Pata Omukuluntu gwOshikandjongeleki shOngeleka ya Katoolika sha Wambo, Jose Thomas gwokoAnamulenge, okwa ti kutya ye okuuvite nawa oshoka Oshitopolwa sha Wambo shoka sha kala ethimbo ele tashi kondjo okumona Oopata aavalelwamo, ano yAawambo, ngashiingeyi oshi li tashi ikutha konima yesiga, sho aamati aagundjuka yAawambo taya kutha omatokolo goshimati okuninga Oopata.Pata Thomas ta ti kutya konyala omvula kehe otamu yapulwa Pata Omuwambo.Ta tseyitha kutya nometi 14 Apilili nuumvo, kEgongalo enene lya Katoolika lya Anamulenge kOmbalantu mOshitopolwa sha Musati otaku ka kala eyapulo lyomumati omugundjuka gwomOkakekete mOmbalantu ngoka wo naye a tokola okuninga Pata, ano Omupristeli, a gwedhe kOopata yAawambo, mboka ethimbo lya zi ko ya kala kaye wetike.Minister Shihepo, okwa pandula wo naye noonkondo aamati aagundjuka Aanamibia sho ya tokola okuninga Oppata nokukutha po ngeyi ompumbwe yOopata aavalelwa mo moshilongo.Pata Veranus okwa pandula ayehe mboka ye mu kwathela m
ondjila ye yokuninga Pata nokuhalela ayehe omayambeko ga Tate Kalunga.Aanashituthi oya umbilie ongalo yOondola/N$2,047,65 na Mbiishofi Omukuluntu okwa ti kutya ongalo ndjoka oya Pata Veranus ye mwene a ka patulule Okambo ke kOmbanga nayo.