Uusiku na Kamati taya ka pangulwa

A APOLISI aakuluntu yaali mboka taya tamanekelwa oshipotha shokuyaka mEtanga lyOpolisi ya Namibia sha ningilwe mu Mei omumvo gwa zi ko, oya holoka oshikando oshititano mOmpangu ya Mengestrata gwaVenduka mEtiyali lyoshiwike shika.

Omukanda gwOmutamaneki-Ndjayi ngoka gwa kala gwa tegelelwa ethimbo ele moshinima shika ogwa leshelwa Komanda gwoshikondo shIimaliwa Joseph Kamati nosho wo omukuluntu gwOshikondo showina mOpolisi Komufala Lotti Nelomba Uusiku. Omukanda nguka oya li yegu pulakene pethimbo tagu leshwa mEtiyali mOmpangu.Otaya ka tamanekelwa iipotha yine yuufuthi, Omutamaneki-Ndjeyi Olivia Imalwa-Ekandjo osho a gandja elombwelo li li ngaaka.Oshipotha shawo shoka sha li sha pulakenwa ku Mengestrata Helvi Kauna Shilemba, okwa ningwa elombwelo kutya oshipotha shawo otashi ka pulakenwa kOmpangu yOpashitopolwa mu Katutura oshikando tashi landula.Mboka yaali otaya ka holola mOmpangu ndjoka momasiku 23 gaFebuluali opo ya ka pulakene kutya epangulo lyawo otali ka tameka unake.Ayehe oya ningilwa oshipotha shuufuthi konima sho ya kanitha oshimaliwa shomwaalu inagu tumbulwa shoka sha li shi na okutulwa koakaunta yEpangelo.Otaku hokololwa ngeyi kutya oshimaliwa shika osha li metonatelo lyOpolisi, ano sha pungulilwe pakathimbo moshiketha shOpolisi.Nando nee inaku tseyika kutya oshimaliwa shika osha li naanaa shi thike peni, otaku hokololwa kutya osha kwatelamo iimaliwa yoobooloha, iimaliwa mbyoka hayi pewa aagandji yomauyelele mpoka tashi pumbiwa, iimaliwa yokuya momalweendo (S&T) nosho tuu.Uusiku okwa li a ningilwa oshipotha momasiku 23 Maalitsa omanga ina ndjoinwa ku Kamati konima yoshiwike.Mboka yaali oya li nee ya kuthwa miilonga pakathimbo mu Juni konima sho Opolisi ya ningi omanyenyeto kutya omolwashike itaya katukilwa oonkatu ngele nani okwa monika kutya otaya fekelelwa uufuthi woshimaliwa.Omukanda nguka oya li yegu pulakene pethimbo tagu leshwa mEtiyali mOmpangu.Otaya ka tamanekelwa iipotha yine yuufuthi, Omutamaneki-Ndjeyi Olivia Imalwa-Ekandjo osho a gandja elombwelo li li ngaaka.Oshipotha shawo shoka sha li sha pulakenwa ku Mengestrata Helvi Kauna Shilemba, okwa ningwa elombwelo kutya oshipotha shawo otashi ka pulakenwa kOmpangu yOpashitopolwa mu Katutura oshikando tashi landula.Mboka yaali otaya ka holola mOmpangu ndjoka momasiku 23 gaFebuluali opo ya ka pulakene kutya epangulo lyawo otali ka tameka unake.Ayehe oya ningilwa oshipotha shuufuthi konima sho ya kanitha oshimaliwa shomwaalu inagu tumbulwa shoka sha li shi na okutulwa koakaunta yEpangelo.Otaku hokololwa ngeyi kutya oshimaliwa shika osha li metonatelo lyOpolisi, ano sha pungulilwe pakathimbo moshiketha shOpolisi.Nando nee inaku tseyika kutya oshimaliwa shika osha li naanaa shi thike peni, otaku hokololwa kutya osha kwatelamo iimaliwa yoobooloha, iimaliwa mbyoka hayi pewa aagandji yomauyelele mpoka tashi pumbiwa, iimaliwa yokuya momalweendo (S&T) nosho tuu.Uusiku okwa li a ningilwa oshipotha momasiku 23 Maalitsa omanga ina ndjoinwa ku Kamati konima yoshiwike.Mboka yaali oya li nee ya kuthwa miilonga pakathimbo mu Juni konima sho Opolisi ya ningi omanyenyeto kutya omolwashike itaya katukilwa oonkatu ngele nani okwa monika kutya otaya fekelelwa uufuthi woshimaliwa.