Uuluya nau kale kondje yOmalelo gOpamuthigululwakalo:Ekandjo

UULAUYA nokukondjela iipundi, yimwe yomiinima mbyoka tayi eta omahilathano momalelo gopamithigululwakalo.

Ndhika odha popiwa kOminista yOmalelo nOmapangelo gOpaitopolwa, Jerry Ekandjo, omathimbo ga zi ko.Ekandjo okwa ti oshinima shilwe shoka nasho tashi eta wo omaipumomumwe mOmalelo gOpamithigulukwakalo, omatendo goongamba dhomahala gopamuthigulukwakalo.’Ihe shimwe oshi li wo tashi uvitha unene noonkondo okumona aantu taya lwile aaleli yawo, uuna kwa holoka iipundi yuuleleli,’ Ekandjo ta popi ngaaka, ndhika okwe dhi popi moshipopiwa she shoka sha li sha leswha kOminsita yOpevi yOmalelo gOpaitopolwa, Priscilla Beukes, poshigongiilonga shi na sha nokuvitha ko aaleli yopamuthigululwakalo Oveta yi na sha nomalelo gopamuthigulukwakalo naandjoka yOlaata yOmalelo gOpamuthigululwakalo sha li sha ningwa mOshakati omathimbo ga zi ko.Oshigongi shika osha li sha kalwa kaaleli yOmalelo gopamuthigululwakalo ge li gahetatu mOnooli. Ekandjo okwa ti nonande Uuministeli we owu shi shi kutya egandjo lyiipundi pamithigululwakalo ohali landula ezimo lyAakwaniilwa shoka sha za nale nale, aantu yamwe oye li taya eta omatopoko moshigwana, sho ye li taya ikuthile omatokolo okuya kOmbelewa ye, taya pula aantu yomihoko dhawo ya pewa omalelo gOpamuthigululwkalo.Omunambelewakondololi Omukuluntu mUuministeli mbuka, Maghambayi Damian, okwa lombwele The Namibiankutya Uuministeli wawo ou li tau ningi iigongiilonga mbika miitopolwa yi ili noyi li moshilongo, nelalakano okuuvitha ko aaleli yopamuthigululwakalo Oveta yawo, opo kaye yi taaguluke miilonga yawo.’Uuministeli owe shi mona kutya omathimbo gamwe, aaleli yopamuthigululwkalo ohaya dhimbwa ooveta ndhoka tadhi utha iilonga yawo,’ Damian ta popi ngaaka. Omathimbo nomathimbo omalelo gopamuthigululwakalo gamwe muumbangalantu oga kala nomashongo sho aawilikwa yamwe ya tindi okutaamba aaleli yamwe.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.