Uulingilingi mElelo lya Ngandjera tau tu hepeke

O TWA mona po omukanda gwenyenyeto gwe tu zilila kOngandjera tagu nyenyeta kombinga yuulingilingi aniwa mElelo lya Ngandjera notatu gu nyanyangidha naanaa ngaashi gu li.

“Melelo lya Ngandjera omu na uulingilingi wu li mOmalenga, ge li po taga li iimaliwa yoshigwana mbyoka yoshiketha nomomikunda. Tse otu uvite uudhigu wiimaliwa mbyoka hatu futu omagumbo nuundingosho, katu shi mpoka hayi yi, oomvula adhihe okuza momumo 1997 sigo omo 2005.Inatu uva kutya oyi li ingapi noya longa shike, yo wo nOmukwaniilwa ihayi mu kwatha sha, ye iha uvu kutya oyi li mo ingapi nohayi longo shike mOngandjera.Oomvula adhihe ndhoka tse otu uvite uudhigu, unene tuu uuna tapu holoka oshituthi shoshilongo, tatu pulwa ishewe tu umbe oshimaliwa.Tu iyambe, tu kwathe Omukwaniilwa nonando Elelo nOmalenga ya kala haya mono oshimaliwa tashi zi moonzo dha za nokutumbulwa metetekelo.Otwa hala okuuva kutya iimaliwa mbyoka hayi monika kElelo lyetu lya Ngandjera nokomalenga ohayi yi naana peni.Iitopolwa iikwawo yopamithigululwakalo kOnooli, kehulilo lyomumvo kehe, ohayi yalula iimaliwa yawo mbyoka ya gongela po okuza moonzo dhi ili nodhi ili, omanga mbyoka ya Ngandjera nOmukwaniilwa ye mwene ihe yi mono.Otwa uva kutya ooyene yomikunda yamwe oye yi gandja komalenga, ihe omalenga oge yi lya po, ga tula moondjato dhawo, sigo okonena ndjika othilu.Okuthiminika omuntu a fute ngoye wu lye po iimaliwa mbyoka kashi li mondjila.Tse itatu ka hala we okufendela omagumbo nando omanga iimaliwa itayi pungulilwa oshilongo nOmukwaniilwa gwasho.Nande ongawo tse itatu kala twa mwena twa fa tu li moshilongo shuukwanakatati, ihe tse otu li moshilongo mu na Omukwaniilwa.Oshikwawo, otwa hala Omukwaniilwa a kale ha popitha oshigwana she ye mwene ngashi twe mu pewa ketango.Inatu hala we ewi lyOmalenga manga.Atu indile Oshamba yetu, mwene gwoshilongo shetu sha Mbumbu ya Mulilo, ndjoka ya pa iikwawo omulilo, ngu gwa kwata oshilongo sha Ngandjera, tatekulu wu tu kwathe, neindilo tali lili, tali pititha omahodhi.Tatekulu, pUunanshipundi wElelo lyoshilongo opwa nyata.Kape li nawa.Apu ku teyele po oshilongo shoye we shi pewa kOohokulu, wu shi lele.Otatu ku indile wu konge mo Omunashipundi gumwe omupe, ngoka e li po na kale nashoka she mu gwanena, haye ike.Omuntu ita vulu a kale Omunashipundi, a kale e na iinakugwanithwa yi ili itano.Haye ayeke e li mo moshilongo.Otu shi shi kutya ayihe mbyoka oye mwene e yi ipa.E li Omunashipundi gwOkakomitiye koshilongo, gwElelo lyoshilongo, gwEwiliko lyEvi, gwoConservacy, gwOmusiuma moshilongo nogwOshiketha shOshilongo.Otwi inekela kutya tatekulu iinima ayihe mbyoka ku yi shi, opo to yi uvu paife, ashike tse otu uvite nayi eliko lyetu tali liwa po komalenga.Taga li tagi itapula, omanga mwene gwoshilongo ita mono sha.Otatu pula kutya Omukwaniilwa ano oku na tuu Omukalelipo, nange oku na ohe mu pe tuu omauyelele nomayele kombinga yiinima mbyoka yi li moshilongo? Ngoka tse hatu uvu e na, ohatu mu mono ashike i ipyakidhila niinima ye, ngashi okuya koohambo dhe nosho tuu.Omukwaniilwa ke na ngoka te mu kalele po piigongi oyindji nopomahala mpoka a hiwa.Oshinima oshikwawo, Kansola gwa Kahao oha gandja wo tuu omayele nomauyelele kOmukwaniilwa nenge oha gandja ashike koshigwana? Kombinga ya Amushanga gwoshilongo, oshi li ngeyi kutya kOmbala yoshilongo iha yi ko nande, nomahiyo gOpambelewa ngoka hage ya mombelewa, ihe ga faalele Omukwaniilwa, ohaga yi tango komalenga, opo ihe gaye nawa kOmukwaniilwa.Ndyoka epuko enene.Ombelewa oyOmukwnaiilwa kayi shi yomalenga.Otwa hala wo elunduluko piilonga ya Amushanga.Otwa hala okukwatha mwene gwetu.Omalenga ohaga ningi wala shaa pwe ya Omupresidende nenge Oministeli, go otaga ka kala ga kundukidha Omukwaniilwa, ga fa haga kala naye shito.Omukwnaiilwa oku li ashike kuye mwene, hi iyuhalele ye mwene, pegumbo lye.Tse iinima ayihe mbyoka otu yi wete.Paife inatu hala we okulila okathima koluko.Otwa hala Okomisi ya tate Presidende Hifikepunye Pohamba yi tale mo mElelo lya Ngandjera.Uulingilingi yakwetu wa vuka.”Tse otu uvite uudhigu wiimaliwa mbyoka hatu futu omagumbo nuundingosho, katu shi mpoka hayi yi, oomvula adhihe okuza momumo 1997 sigo omo 2005.Inatu uva kutya oyi li ingapi noya longa shike, yo wo nOmukwaniilwa ihayi mu kwatha sha, ye iha uvu kutya oyi li mo ingapi nohayi longo shike mOngandjera.Oomvula adhihe ndhoka tse otu uvite uudhigu, unene tuu uuna tapu holoka oshituthi shoshilongo, tatu pulwa ishewe tu umbe oshimaliwa.Tu iyambe, tu kwathe Omukwaniilwa nonando Elelo nOmalenga ya kala haya mono oshimaliwa tashi zi moonzo dha za nokutumbulwa metetekelo.Otwa hala okuuva kutya iimaliwa mbyoka hayi monika kElelo lyetu lya Ngandjera nokomalenga ohayi yi naana peni.Iitopolwa iikwawo yopamithigululwakalo kOnooli, kehulilo lyomumvo kehe, ohayi yalula iimaliwa yawo mbyoka ya gongela po okuza moonzo dhi ili nodhi ili, omanga mbyoka ya Ngandjera nOmukwaniilwa ye mwene ihe yi mono.Otwa uva kutya ooyene yomikunda yamwe oye yi gandja komalenga, ihe omalenga oge yi lya po, ga tula moondjato dhawo, sigo okonena ndjika othilu.Okuthiminika omuntu a fute ngoye wu lye po iimaliwa mbyoka kashi li mondjila.Tse itatu ka hala we okufendela omagumbo nando omanga iimaliwa itayi pungulilwa oshilongo nOmukwaniilwa gwasho.Nande ongawo tse itatu kala twa mwena twa fa tu li moshilongo shuukwanakatati, ihe tse otu li moshilongo mu na Omukwaniilwa.Oshikwawo, otwa hala Omukwaniilwa a kale ha popitha oshigwana she ye mwene ngashi twe mu pewa ketango.Inatu hala we ewi lyOmalenga manga.Atu indile Oshamba yetu, mwene gwoshilongo shetu sha Mbumbu ya Mulilo, ndjoka ya pa iikwawo omulilo, ngu gwa kwata oshilongo sha Ngandjera, tatekulu wu tu kwathe, neindilo tali lili, tali pititha omahodhi.Tatekulu, pUunanshipundi wElelo lyoshilongo opwa nyata.Kape li nawa.Apu ku teyele po oshilongo shoye we shi pewa kOohokulu, wu shi lele.Otatu ku indile wu konge mo Omunashipundi gumwe omupe, ngoka e li po na kale nashoka she mu gwanena, haye ike.Omuntu ita vulu a kale Omunashipundi, a kale e na iinakugwanithwa yi ili itano.Haye ayeke e li mo moshilongo.Otu shi shi kutya ayihe mbyoka oye mwene e yi ipa.E li Omunashipundi gwOkakomitiye koshilongo, gwElelo lyoshilongo, gwEwiliko lyEvi, gwoConservacy, gwOmusiuma moshilongo nogwOshiketha shOshilongo.Otwi inekela kutya tatekulu iinima ayihe mbyoka ku yi shi, opo to yi uvu paife, ashike tse otu uvite nayi eliko lyetu tali liwa po komalenga.Taga li tagi itapula, omanga mwene gwoshilongo ita mono sha.Otatu pula kutya Omukwaniilwa ano oku na tuu Omukalelipo, nange oku na ohe mu pe tuu omauyelele nomayele kombinga yiinima mbyoka yi li moshilongo? Ngoka tse hatu uvu e na, ohatu mu mono ashike i ipyakidhila niinima ye, ngashi okuya koohambo dhe nosho tuu.Omukwaniilwa ke na ngoka te mu kalele po piigongi oyindji nopomahala mpoka a hiwa.Oshinima oshikwawo, Kansola gwa Kahao oha gandja wo tuu omayele nomauyelele kOmukwaniilwa nenge oha gandja ashike koshigwana? Kombinga ya Amushanga gwoshilongo, oshi li ngeyi kutya kOmbala yoshilongo iha yi ko nande, nomahiyo gOpambelewa ngoka hage ya mombelewa, ihe ga faalele Omukwaniilwa, ohaga yi tango komalenga, opo ihe gaye nawa kOmukwaniilwa.Ndyoka epuko enene.Ombelewa oyOmukwnaiilwa kayi shi yomalenga.Otwa hala wo elunduluko piilonga ya Amushanga.Otwa hala okukwatha mwene gwetu.Omalenga ohaga ningi wala shaa pwe ya Omupresidende nenge Oministeli, go otaga ka kala ga kundukidha Omukwaniilwa, ga fa haga kala naye shito.Omukwnaiilwa oku li ashike kuye mwene, hi iyuhalele ye mwene, pegumbo lye.Tse iinima ayihe mbyoka otu yi wete.Paife inatu hala we okulila okathima koluko.Otwa hala Okomisi ya tate Presidende Hifikepunye Pohamba yi tale mo mElelo lya Ngandjera.Uulingilingi yakwetu wa vuka.”