Uukwashilyo wa Geingob moSwapo ta wiipulwa ngele owu li pethimbo

UUKWASHILYO wongundu yoSwapo owo oshipatululo okweegulula omweelo gwoku ya moshigongi oshinene shongundu ndjoka tashi tameke ongula moVenduka.Pethimbo lyiikonga yomahogololo oshiwike shayi omupopi gumwe okwa li a popi aniwa kutya omuulikwa gumwe ngoka ta kongo eyambidhidho okuhogololwa a ninge omupeviperesidende kali ena okakalata kuukwashilyo, kena ongushu no ka futwa omimvo adhihe dhiigwanapo.

Elundilo ndika olya fa lyuukithwa ku Hage Geingob ngoka taku hokololwa aniwa a li a ningululitha okakalata ke kuukwashilyo omasiku ga ziko. Geingob sho a pulwa tye sha kelundilo ndika okwa ti ye iha popi noThe Namibian, oshoka oshifo shika osha gama ombinga. Na okwa lombwele omutoolinkundana nguka kutya na ye komeho eta shanga ehokololo lye.Oshoka ye kena ehalo oku kundathana sha noThe Namibian.Omupevi minista nale noshowo okansela nale yoshikandjohogololo Okaku, Henock ya Kasita oye a endululwa kiikundaneki aniwa a lundile gumwe gwookandidate ndhoka a ti yimwe yadho ka ya li ya futila uukwashilyo wayo shuudhapo.Ya Kasita otaku tiwa okwa ti mboka aniwa oya ningulula uukwashilyo wawo ashike konyala omwedhi gumwe gwa pitipo ngele ethimbo ele. Nguka ina vula oku monika opo a gandje efatululo kutya okwa hala okutya naanaa shike.Ndele nee omipopyo inaa dhi kolekwa tadhi popiwa otadhi ti, Geingob aniwa okwa yi kewiliko lyongundu opo a ka fute uukwashilyo we, naasho a pulwa uulike oka kalata kuukwashilyo kali ekana na okwa indile opo uukwashilyo we wu shangwe okuza momumvo 1994 moka omo a ti omo a hulile okufuta iigandjwa ye. Ndele oonzo otadhi ti Geingob okwa kala aluhe nokufuta iigandjwa ye ko Swapo yi vule poperesenda yimwe yondjambi ye ngaashi sha tegelelwa.Geingob oku li oshilyo sho Swapo oku za omumvo 1960, naanawino mongundu oya ti ye okwa li a shike a futu oku soshimpwiyu kutya oku li nawa nuukwashilyo we opo aathigathanipo naye yaa mu popye kutya mongundu keli mo ta gandja oshiholelwa oshiwanawa.Geingob oye li methigathano molwa oshipundihala shuupeviperesidende moSwapo, na Jerry Ekandjo, Pendukeni Iivula Ithana. Iivula na Ekandjo sho ya pulwa kombinga yuukwashilyo wawo oya koleke kutya wawo owuli nawa na oya futa iigandjwa yawo ya gwanapo sigo oompaka.Amushangandjayi gwopevi gwoSwapo , Nangolo Mbumba okwa ti oshinima shika otashi ningilwa owina okuluudhika edhina lyookandidate.Okwa pula kutya ngele omalundilo ngoka ogoshili otashi piti ngiini opo Geingob a kale omimvo adhihe ndhoka ha kuthombinga noshowo a hogololwa oku ya momalutu nomahala guuwiliki mongundu ndjika.Okwa pula kutya osha ende ngiini kutya nguka opo a li hogololwa omathimbo ga piti a kale keena oka kalata kuu kwashilyo. Okwa ti ngoka ogo omahokololo giifundja nelalakano oku luudhika ondhilo ye. Mbumba okwa ti oshilyo shoka shi shi kutya otashi ka hogololwa itashi vulu oku kala nuukwashilyo waali pethimbo. Ngoka omahokololo ashike taga taandelithwa, oku mu fethitha afa keeshi omuwiliki omwaanawa nonando nguka omuwiliki kapyoko.Ekandjo sho a pulwa kombinga yuukwashilyo we okwa ti we owuli melandulathano. Ndele okwa landulithako epulo ngele opena ngoka a lombwele o The Namibian kutya ye ina futa uukwashilyo we. Opwa hokololelwe omumvo 2002 kutya Willem Konjore okwa li aniwa inaa futa uukwashilyo we ndele eta tindilwamo moshigongi okwa ka hupithwa ashike koohailwa aakuluntu.Andimba Toivo ya Toivo naye aniwa okwa li a keelelwa oku ya moshigongi shoka molwaashoka ali inaa futila uukwashilyo we ndele aniwa okwekeethelwamo moshigongi sho ongundu longekidhi yemu popile kutya ye oye gumwe gwoongudhi oontoti dhongundu ndjoka.Sho Ya Toivi a pulwa kombinga yaashika okwa ti omupuli na ka pule onzo ye .

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.