Unam mOnooli a dhana Oshiwike shUudhindoli

OSHIWIKE sha za ko, ano okuza meti 6 sigo eti 10 Juli 2009, osha li oshiwike shUudhindoli/ shUunongononi mOshiputudhilo shOpombanda sha Namibia (Unam) nomoNooli.

Aanasikola oyendji mboka tayi ilongo Uudhindoli kumwe naalongi yawo oya li ya gongala mOshitayi sha Unam shomoNooli mOshakati nokukutha ombinga mIigongiilonga oyindji ya ningilwe mpoka yi na sha nehwahwameko lyeilongo lyUudhindoli.Eegululo lyOshiwike shUudhindoli, olya ningilwe meti 9 Juli 2009 ku Kaansela gwOshikandjohogololo shUuvudhiya omusamane Amutenya Ndaafa, pehala lya Gavena Klemens Kashuupulwa, ngoka a li ina vula okuthika omolu omaipyakidhilo mpeyaka naampeyaka.Oshituthiegululo shika sha li sha wilikwa ku meme Regina Shikongo ngoka e li gumwe gwOmaaendithi Aakuluntu yOshitayi sha Unam moNooli mOshakati, osha li sha kalwa kOmukuluntu gwa Unam moNooli mOshakati meme Paulina Uugwanga, kOmunongononi mUudhindoli mUuministeli wElongo omusamane Elmo Thomas, Omuwiliki gwOpevi gwa S&T tate Ben Kuutumbeni Kathindi.Pethimbo ta taamba ayehe kOshituthiegululo shika, meme Uugwanga okwa ti kutya Uudhindoli oshinima sha simana koshigwana noshigwana sha Namibia otashi indilwa shi kale shi na ohokwe meilonhgo lyuudhindoli. Meme Uugwanga ta ti shampa ashike ndele kehe omuntu moNamibia okuna po ngaa uunongo washa muudhindoli, nena Namibia otaka huma komeho meendelelo ngashi tashi vulika. Omukuluntu bgwa Unam moNooli, ta pandula nokutaamba aalongwa, aalongi noshowo aayehe ya kuthile ombinga mIigongiilonga mbika yUudhindoli noshowo ayehe mboka nye yile koshituthiegululo shika.Omusamane Elmo Thomas, okwa ti kutya edhilaadhilo ndika lyokweeta po Oshiwike shUudhindoli, olya etwa po kOkomitiye onene yOpashigwana yi na sha nehwahwameko lyokwiilonga Uudhindoli koshigwana ndjoka ya thikama mUuministeliwElongo noshowo UNAM na Politec ya Namibia. Ta ti shika oshikando oshititano, taku longekidhwa oshiwike shokuhwahwameka eilongo lyUudhindoli. Thomas ta ti, Otema yonuumvo yOshiwike shika shUudhindoli oyo ‘Uuyuni woye ou na uunene wu thike peni ano?’ Otema yi li kumwe nokuhokolola omumvo 2009 ongomumvo gUukwawangandjo. Ta ti, Namibia naye okwa ya moshigunda sha yakwawo muuyuni shokushiwa uuyuni moka e li, onkee okwiilonga uunongononi noku wu shiwa oshinima sha simana kiigwana yomuuyuni mbuka pethimbo ndika. naye okwa indila koshigwana sha Namibia shi ilonge uudhindoli naanaa ngashi tashi vulika.Ong’Omupopi omunene poshituthiegululo mpoka, omusamane Ben Kathindi, ngoka e li Omuthaneki omunene gwOmatungo, okwa indila koshigwana sha Namibia shi ikuthe konima yesiga uuna tashi ya kUudhindoli opo shi kale shi shi okulonga mo n okushita iinima yasho shene. kashi kale ashike tashi uhala tashi mbesitele iilongithomwa niikuliwa kiilongo yilwe. Kathindi ta ti ngashi uutiyelesa tau adhima otau vulu okulongwa moonzimbogo moka koomeme yetu nosho tuu, iiyenyekitho, oppainda, omiti dhoongaku, ombepo yokufudhila mo, omiti dhomakokolote noomwe, omiti dhoopensiklina naandhoka dhokupanga omalaria, etungo lyoontopa, oothewa dhokukoha, oohinga, Uupalwa, Ootee dhomihama, oombapila nosho tuu, ayihe mbyoka otayi vulu okulongwa moNamibia, kAanamibia, ashike Aanamibia onkee ashike yeb wete itaye shi vulu. ‘Tu zeni ko konima yesiga yakwetu. Tu ilongeni. Tu longeni ndele tatu shiteni iinima yetu tseyene,’ Kathindi ta ti ngawo nokwiindila koshigwana sha Namibia shi kale tashi talele po omahala omanene ngoka ge na sha nOmaunongononi, ngashi Osikola yUunongononi ya Ngwediva, Okollegi ya Gongo, Ofaabulika yOsamende ya Ohorongo pondje yOtavi, Omin a ya Rossing, Osasiona yUudhindoli Gobabeb Desert, Osenda yEtengeneko lyOnkalo yOmbepo popepi no Windhoek High School, Scorpion Zinc Mine na Fish Canyon noshowo omahala galwe gopaunongononi nogopaudhindoli moshilongo. Kaansela Ndaafa ta lombwele oshigongi kutya Epangelo lya Namibia onke lyiitula mo noonkondo mehumithokomeho nomehwahwameko lyoshigwana shi ilonge, unene tuu shi ilonge uunongononi nUudhindoli opo shi vule okuhumiytha komeho emona lyoshilongo, opo sho taku ka adhika komumvo gwa shonekwa gwo 2030 Namibia a ka kale a putuka kngiilongo iikwawo ya putuka muuyuni. Ndaaha ta ti Epangelo polya tokola toko okuyambidhidha Oprograma ya Unam yi na sha nElongo lyUunongononi, Uudhindoli nosho tuu. Onkee oshigwana, unene tuu shoka oshigundjuka nashi ilonge Uuongononi nUudhindoli sha mana. Ta ti kutya Epangelo olya hala notali indile kAanuunongo nokAadhindoli aayehe yomeni lyoshilongo noyopondje kutya nee oyo mboka yomOmapangelo nenge yomOmahangano gOpaumwene, yi itule kumwe nokulongela kumwe mehwahwameko neuvithoko lyoshigwana sha Namibia moshinima shiokwiilonga Uunongononi nUudhindoli.