Uis a landwa po komukwiilongo

O NGUNDU yaakwashigwana mondoolopa-mukunda ya Uis oye li komalwilo konima sho ya kundana kutya konyala ondoolopa yawo ayihe oya landithwa po komuntu gumwe.

Paendokumende ndhoka dha ulikilwa wo The Namibian, oshitopolwa oshinene sha Uis osha landwa po ku Albert Weitz gwehangano lya Namib Base Mineral, ngoka e li landapo koshimaliwa shoondola/N$630 000. Ehokololo otali ti ngeyi kutya omulumentu nguka okwa landa ehala ndyoka kOlaata ndjoka ya li mewiliko momumvo 1996 – oshinima shoka wo sha ziminwa kUuministeli wOmapangelo gOpaitopolwa nOmagumbo pethimbo ndyoka.Oshinima shika otashi ti nee ngeyi kutya omunangeshefa kehe nenge omuntu kehe ngoka a hala okulanda evi lye okuna okuninga oonkundathana na Weitz, ihe Olaata yondoolopa ndjoka kayi na mo sha moonkundathana ndhoka.Uis ehala nenge tutye ondoolopa-mukunda yi li konyala ookilometa ethele nomilongo mbali (120) muuninginino wa Maruru.Oshinima shoka tashi vuvitha nayi noonkondo osho shoka kutya Olaata yondoolopa-mukunda ndjoka oya li wo ya landa evi ku Weitz opo yi tunge po oombelewa dhElelo.Oshinima shika itashi ulike nando omayele ge li mondjila nenge tutye oondunge.Otashi vulika ngiini evi ndyoka li na uuyamba oundji paliko li landithwe po owala kondando ndjoka? Ndishi oshinima shika otashi ti kutya mboka ye li mu Uis oye li mehala lyomuntu mwene, na ngele okwa hala ota vulu okuya lombwela ya thige po ehala lye,” Joseph Kauandenge gwongundu yopapolitika yedhina Namibia Democratic Movement for Change (NDMC) ta popi ngaaka.Ongundu yaakwashigwana mboka ya geela oshinima shika oya pula opo ongundu ya NDMC yi ninge omapulaapulo nokugandja oshinima shika moshigwana.John Gariseb ngoka e li omupopiliko gwongundu yaakwashigwana mboka ya geela elanditho po lyondoolopamukunda ndjika okwa popi kutya oya indile ya kwathwe moshinima shika kongundu yoNDMC konima sho ya kala nokukondjitha oshinima okupitila maaleli yopamuthigululwakalo nosho wo mboka yopapolitika hoka.Ta ti omaindilo gawo oga hulile momakutsi ga thita.Onkambadhala yawo ya hugunina oya li ye yi ningi mOlyomakaya ga zile ko pethimbo Ominista yOmapangelo gOpaitopolwa nOmagumbo, John Pandeni a li a yi ku Uis a ka tale nkene tashi ende kombinga yoproyeka yimwe ndjoka ya pewa oshimaliwa kEpangelo.Gariseb ta popi ngeyi kutya Pandeni okwa ningi owala oshigongi nOlaata, ashike inakuningwa nando oonkundathana dha sha kombinga yevi lyondoolopamukunda ndyoka li li momake gomuntu paumwene.Nando nee twa li twa pewa etimaumbwile kutya otashi vulika tu ka tsakanene nOminista, oshinima shoka inashi ningwa.Sho twa ningi etokolo kutya otwa hala okuninga ehololomadhiladhilo komeho goombelewa dhOlaata opo Minista a tseye shoka tashi inyenge naashoka twa hala, Opolisi oye tu lombwele kutya otwa li tu na kuyi tseyithila omasiku gatatu komeho,” Gariseb ta popi ngaaka.Eliah Ngurare ngoka e li omukwathi gwa Minista Pandeni, okwa koleke etalelopo lyawo ku Uis, ta ti oshinima shoka osha tulwa momakutsi ga Minista.Oshinima shoka otashi talwa kOminista.Oshinima shika osha talika ko kutya oshinene, nOminista otayi ka tsakanena mbala nOlaata yondoolopamukunda ndjoka opo ku ningwe oonkundathana,” Ngurare ta popi ngaaka.Omunambelewa gulwe omukuluntu mUuministeli wOmapangelo gOpaitopolwa nOmagumbo okwa popi kutya otaya longo uusiku nomutenya kombinga yoshinima shika molwashoka kashi li mondjila.Kauandenge okwa popi ngeyi kutya Olaata yondoolopamukunda nosho wo Ominista yOmapangelo gOpaitopolwa pethimbo Nickey Iyambo, inaya ninga oonkundathana noshigwana shaahoka omanga inaya landitha po ehala ndyoka ku Weitz.Amushanga Omukuluntu gwOpevi muuministeli mboka Erica Ndiyepa oye a li a shaina omukanda gwelanditho lyehala ndyoka pehala lyUuministeli wOmapangelo gOpaitopolwa.Kauandenge ta ti omaiyuvo gaantu nenge tutye gaakwashigwana yomu Uis ye li 3 000 lwaampoka oga landithwa po pwaa na okutala kutya oshinima shoka oshi na oshilanduli shatya ngiini.Ta ti mokushaina omukanda gwelanditho lyevi ndyoka, Epangelo olya landitha po aantu yalyo lyene komukwiilongo, “ngoka ke na ko na sha nonkalonawa yayo”.Kauandenge okwa ti otaya ka gandja omikanda dhomauyelele moshinima shika kOkomisi yokukonakona uulingilingi nenge tutye ku Anti-Corruption Commission (ACC) mEtitano lya zi ko opo ACC a tameke nomakonakono ga nkene elanditho lyevi lya ende.”Otwa hala okutseya kutya olye naanaa a landitha evi ndyoka nokondando yi thike naanaa pevi? Opu na omuntu a pewa ombumbo opo ehala li landithwe po kombiliha?” ta pula ngaaka.Ehokololo otali ti ngeyi kutya omulumentu nguka okwa landa ehala ndyoka kOlaata ndjoka ya li mewiliko momumvo 1996 – oshinima shoka wo sha ziminwa kUuministeli wOmapangelo gOpaitopolwa nOmagumbo pethimbo ndyoka.Oshinima shika otashi ti nee ngeyi kutya omunangeshefa kehe nenge omuntu kehe ngoka a hala okulanda evi lye okuna okuninga oonkundathana na Weitz, ihe Olaata yondoolopa ndjoka kayi na mo sha moonkundathana ndhoka.Uis ehala nenge tutye ondoolopa-mukunda yi li konyala ookilometa ethele nomilongo mbali (120) muuninginino wa Maruru.Oshinima shoka tashi vuvitha nayi noonkondo osho shoka kutya Olaata yondoolopa-mukunda ndjoka oya li wo ya landa evi ku Weitz opo yi tunge po oombelewa dhElelo.Oshinima shika itashi ulike nando omayele ge li mondjila nenge tutye oondunge.Otashi vulika ngiini evi ndyoka li na uuyamba oundji paliko li landithwe po owala kondando ndjoka? Ndishi oshinima shika otashi ti kutya mboka ye li mu Uis oye li mehala lyomuntu mwene, na ngele okwa hala ota vulu okuya lombwela ya thige po ehala lye,” Joseph Kauandenge gwongundu yopapolitika yedhina Namibia Democratic Movement for Change (NDMC) ta popi ngaaka.Ongundu yaakwashigwana mboka ya geela oshinima shika oya pula opo ongundu ya NDMC yi ninge omapulaapulo nokugandja oshinima shika moshigwana.John Gariseb ngoka e li omupopiliko gwongundu yaakwashigwana mboka ya geela elanditho po lyondoolopamukunda ndjika okwa popi kutya oya indile ya kwathwe moshinima shika kongundu yoNDMC konima sho ya kala nokukondjitha oshinima okupitila maaleli yopamuthigululwakalo nosho wo mboka yopapolitika hoka.Ta ti omaindilo gawo oga hulile momakutsi ga thita.Onkambadhala yawo ya hugunina oya li ye yi ningi mOlyomakaya ga zile ko pethimbo Ominista yOmapangelo gOpaitopolwa nOmagumbo, John Pandeni a li a yi ku Uis a ka tale nkene tashi ende kombinga yoproyeka yimwe ndjoka ya pewa oshimaliwa kEpangelo.Gariseb ta popi ngeyi kutya Pandeni okwa ningi owala oshigongi nOlaata, ashike inakuningwa nando oonkundathana dha sha kombinga yevi lyondoolopamukunda ndyoka li li momake gomuntu paumwene.Nando nee twa li twa pewa etimaumbwile kutya otashi vulika tu ka tsakanene nOminista, oshinima shoka inashi ningwa.Sho twa ningi etokolo kutya otwa hala okuninga ehololomadhiladhilo komeho goombelewa dhOlaata opo Minista a tseye shoka tashi inyenge naashoka twa hala, Opolisi oye tu lombwele kutya otwa li tu na kuyi tseyithila omasiku gatatu komeho,” Gariseb ta popi ngaaka.Eliah Ngurare ngoka e li omukwathi gwa Minista Pandeni, okwa koleke etalelopo lyawo ku Uis, ta ti oshinima shoka osha tulwa momakutsi ga Minista.Oshinima shoka otashi talwa kOminista.Oshinima shika osha talika ko kutya oshinene, nOminista otayi ka tsakanena mbala nOlaata yondoolopamukunda ndjoka opo ku ningwe oonkundathana,” Ngurare ta popi ngaaka.Omunambelewa gulwe omukuluntu mUuministeli wOmapangelo gOpaitopolwa nOmagumbo okwa popi kutya otaya longo uusiku nomutenya kombinga yoshinima shika molwashoka kashi li mondjila.Kauandenge okwa popi ngeyi kutya Olaata yondoolopamukunda nosho wo Ominista yOmapangelo gOpaitopolwa pethimbo Nickey Iyambo, inaya ninga oonkundathana noshigwana shaahoka omanga inaya landitha po ehala ndyoka ku Weitz.Amushanga Omukuluntu gwOpevi muuministeli mboka Erica Ndiyepa oye a li a shaina omukanda gwelanditho lyehala ndyoka pehala lyUuministeli wOmapangelo gOpaitopolwa.Kauandenge ta ti omaiyuvo gaantu nenge tutye gaakwashigwana yomu Uis ye li 3 000 lwaampoka oga landithwa po pwaa na okutala kutya oshinima shoka oshi na oshilanduli shatya ngiini.Ta ti mokushaina omukanda gwelanditho lyevi ndyoka, Epangelo olya landitha po aantu yalyo lyene komukwiilongo, “ngoka ke na ko na sha nonkalonawa yayo”.Kauandenge okwa ti otaya ka gandja omikanda dhomauyelele moshinima shika kOkomisi yokukonakona uulingilingi nenge tutye ku Anti-Corruption Commission (ACC) mEtitano lya zi ko opo ACC a tameke nomakonakono ga nkene elanditho lyevi lya ende.”Otwa hala okutseya kutya olye naanaa a landitha evi ndyoka nokondando yi thike naanaa pevi? Opu na omuntu a pewa ombumbo opo ehala li landithwe po kombiliha?” ta pula ngaaka.