Uganda okwiilon-gekitha okukwata po al-Bashir

KAMPALA – Epangelo lya Uganda olya ti kutya otali ka kwata po Omupresidende gwa Sudan, Omar Hassan al-Bashir, ngele okwe ya mu Uganda.

Omasiku ga zi ko, oshigongi shehangano lyUukumwe wAafrik sha li mu Libya, osha li sha tindi eindi osheetwapo shOmpangu yOpaigwana/Internationa Criminal Court (ICC), kutya Omupresidende al-Bashir naye kOmpangu ndjika a ka pangulilwe shoka ta popilwe.Iilongo yAaftrika mbika yi li 30 oya li ya tindi oshinima shika poshigongi shehangano lyEhangano lyUukumwe wAafrikla sha li mu Sirte sha omasiku ngaka. Nande ongaaka, Ominista yIikwapondje ya Uganda, Henry Oryem Okello okwa li a popi kutya yo otaya ka kwata po Bashir ngele okwe ya moshilongo shawo.Okello shika okwe shi popi konima sho a ningi oonkundathana nOmutamaneki omukuluntu gwOmpangu ndjika, Luis Moreno Ocampo. ‘Oshi li oshinakugwanithwa shopaveta sha Uganda okukwata po Bashir ngele okwe ya mu Uganda,’ Ocampo osho a popi ngaaka.Otaku popiwa kutya al-Bashir oku na mo sha nomadhipago gaakwashigwana kaakwwita ya Sudan moshitopolwa sha Darfur na Ompangu ndjika ya hala nee a ke shi pangulilwe.