Udjombala ta ti edhengo lyaanasikola olya indikwa

OMUWILIKI gwElongo mOshitopolwa shElongo sha Hangwena Josia Udjombala okwa kolekulula kutya edhengo lyaanasikola mOosikola olya kelelwa nOmulongisikola ngoka te ki imonitha ondjo moshinima shoka otaka ka katukilwa onkatu ya kwata miiti.

Udjombala ndhika okwe dhi popi, sha zi poshiningwanima shoka sha holoka kOseko yOpombanda yaNgha mOhangwena, hoka aalongisikola yaali Walberech Iipinge (30) na Abraham Ndjiku (30) ya kwatwa po kOpolisi mEtitano lya zi ko shi na sha neso lyomunasikola gwawo Festus Ndeevelo gwoomvula 17. Ndeevelo okwa li mOndondo onti 8, taku tiwa kutya eso lye olya etwa kedhengo nenge kethango ndyoka a thangelwe aniwa kaalongisikola mboka meti 23 Juni 2005 sho ya li taye mu putudha omolu etaagulukoveta pOsikola mpoka.Okamatyona haka Festus sho ka ehamekwa ngawo meti 23 Juni 2005, oka li aniwa ka taambelwa moshipangelo sha Ngela, nokulundululilwa kOshakati noku sa nee meti 8 Juli 2005.Edhengo, otaku tiwa kutya inali lopotwa kOpolisi kwali, sigo ta ka hulitha mEtitano lya zi ko moshipangelo mOshakati.Omutalelisikola gwOshikandjosikola sha Hangwena moka omo mu na wo nOngha, tate Thomas Johannes, kepulo okwa tile kutya oshiningwanima shika inashi lopotwa ko kombelewa ye kwali.Omuwiliki gwElongo hoka Josia Udjombala, naye kepulo, okwa tile kutya naye kOmblewa ye oshiningwanima shika inashi lopotwa ko kwali.Okwe shi lopotelwa ashike kokana kOmutalelisikola Johannes mEtitano konima sho okamatyona hoka ka si.Komanda gwOpolisi mOshitopolwa sha Hangwena Komufala gwOpevi gwOpolisi Armas Shivute, ngoka a kondema noonkondo oshinima shika, okwa ti okwa uvithwa nayi kElelosikola pOseko yaNgha sho inali lopota oshinima shika kOpolisi pethimbo.Sho ya holoka mOmpangu ya Mangestrata pOhangwena ongula yOmaandaha ngaka ga zi ko, taya patanekelwa oshipotha shedhipago, Iipinge na Ndjiku, oya ti yo kaye na ondjo moshipotha shoka.Ompangu yawo oyuundulilwa komeho sigo oketi 5 Septemba 2005 omolu omakonaakono.Oya pewa uuthemba wokwiifutila mo, kehe gumwe noN$1000.Udjombala ota ti kutya Omutalelisikola gwOshikandjosikola sha Hangwena, tate Thomas Johannes okwe mu tumina nee olopota mEtiyali ndika lya zi ko, yi li pamushangwa.Momushangwa moka, otamu ulikwa pokanima kamwe kutya okamatyona hoka okafa ka ehamekwa shili kwali kaalongi mboka.Pwa fa pu na omaumbangi ngoka tage shi koleke nokuli.”Ngele osho nena omupya.Oshoka Aalongi yandje onde ya lombwela, pamushangwa nokuli gweti 22 Apilili nuumvo, kutya inaku dhengwa we aanasikola.Omushangwa nguka nde gu shangele kOosikola dhomOshitopolwa shandje sho nda kala tandi mono omanyenyeto noolopta kutya mOshitopolwa omu na aalongisikola taya dhenge aanasikola.”Udjombala ta ti ngaaka.Ta gwedha ko kutya Ekotampango lyolyene lya Namibia olya indika edhengo lyaantu, naanasikola yakwatelwa mo.Ta ti wo kutya momumvo 1991, Ompangu yOpombanda ya Namibia metokolo lyawo oya ti wo kutya hamunasikola ta dhengwa mosikola.Oveta wo yElongo yonomola 16 yomomumvo 2001 nayo oya kelela Aanasikola ya dhengwe.Ompango yi na sha nOmaiyuthonawa mIilonga yElongo nayo wo otayi utha kutya aanasikola inaya dhengwa we.Ooveta nomautho agehe ngaka, tate Udjombala ota ti kutya oge shiwike kaalongisikola, naamboka nee taya tsikile nokudhenga aanasikola, ngele oya monika ondjo mwaashoka oyi ilongela okugeelwa noonkondo.Mwaashika nee shokOngha, Udjombala ota ti Ombelewa ye otayi shi konakona shi ikwatelela kolopota yOmutaleli notaya ka katuka oonkatu shi ikwatelela komalandulathano gopamautho ngoka ge li po, omanga Opolisi nOmpangu nayo tayi shi konaakona kombinga yayo.Hekulu ya nakusa Festus, Johannes Nepando noshowo omumwayina gwa nakusa Festus, Daniel Ndeevelo, oya lombwela The Namibian kutya yo pamwe naakwawo ayehe ya nakusa, oya uvithwa nayi koshinima shika noya uvithwa ishewe nayi konkalo ndjoka yi li po yokuholeka osheetithi sheso lyokamatyona kawo.Otaya indile kOpolisi yi konakone mo nawa osheetithi sheso lyokamatyona haka.Ndeevelo okwa li mOndondo onti 8, taku tiwa kutya eso lye olya etwa kedhengo nenge kethango ndyoka a thangelwe aniwa kaalongisikola mboka meti 23 Juni 2005 sho ya li taye mu putudha omolu etaagulukoveta pOsikola mpoka.Okamatyona haka Festus sho ka ehamekwa ngawo meti 23 Juni 2005, oka li aniwa ka taambelwa moshipangelo sha Ngela, nokulundululilwa kOshakati noku sa nee meti 8 Juli 2005.Edhengo, otaku tiwa kutya inali lopotwa kOpolisi kwali, sigo ta ka hulitha mEtitano lya zi ko moshipangelo mOshakati.Omutalelisikola gwOshikandjosikola sha Hangwena moka omo mu na wo nOngha, tate Thomas Johannes, kepulo okwa tile kutya oshiningwanima shika inashi lopotwa ko kombelewa ye kwali.Omuwiliki gwElongo hoka Josia Udjombala, naye kepulo, okwa tile kutya naye kOmblewa ye oshiningwanima shika inashi lopotwa ko kwali.Okwe shi lopotelwa ashike kokana kOmutalelisikola Johannes mEtitano konima sho okamatyona hoka ka si.Komanda gwOpolisi mOshitopolwa sha Hangwena Komufala gwOpevi gwOpolisi Armas Shivute, ngoka a kondema noonkondo oshinima shika, okwa ti okwa uvithwa nayi kElelosikola pOseko yaNgha sho inali lopota oshinima shika kOpolisi pethimbo.Sho ya holoka mOmpangu ya Mangestrata pOhangwena ongula yOmaandaha ngaka ga zi ko, taya patanekelwa oshipotha shedhipago, Iipinge na Ndjiku, oya ti yo kaye na ondjo moshipotha shoka.Ompangu yawo oyuundulilwa komeho sigo oketi 5 Septemba 2005 omolu omakonaakono.Oya pewa uuthemba wokwiifutila mo, kehe gumwe noN$1000.Udjombala ota ti kutya Omutalelisikola gwOshikandjosikola sha Hangwena, tate Thomas Johannes okwe mu tumina nee olopota mEtiyali ndika lya zi ko, yi li pamushangwa.Momushangwa moka, otamu ulikwa pokanima kamwe kutya okamatyona hoka okafa ka ehamekwa shili kwali kaalongi mboka.Pwa fa pu na omaumbangi ngoka tage shi koleke nokuli.”Ngele osho nena omupya.Oshoka Aalongi yandje onde ya lombwela, pamushangwa nokuli gweti 22 Apilili nuumvo, kutya inaku dhengwa we aanasikola.Omushangwa nguka nde gu shangele kOosikola dhomOshitopolwa shandje sho nda kala tandi mono omanyenyeto noolopta kutya mOshitopolwa omu na aalongisikola taya dhenge aanasikola.”Udjombala ta ti ngaaka.Ta gwedha ko kutya Ekotampango lyolyene lya Namibia olya indika edhengo lyaantu, naanasikola yakwatelwa mo.Ta ti wo kutya momumvo 1991, Ompangu yOpombanda ya Namibia metokolo lyawo oya ti wo kutya hamunasikola ta dhengwa mosikola.Oveta wo yElongo yonomola 16 yomomumvo 2001 nayo oya kelela Aanasikola ya dhengwe.Ompango yi na sha nOmaiyuthonawa mIilonga yElongo nayo wo otayi utha kutya aanasikola inaya dhengwa we.Ooveta nomautho agehe ngaka, tate Udjombala ota ti kutya oge shiwike kaalongisikola, naamboka nee taya tsikile nokudhenga aanasikola, ngele oya monika ondjo mwaashoka oyi ilongela okugeelwa noonkondo.Mwaashika nee shokOngha, Udjombala ota ti Ombelewa ye otayi shi konakona shi ikwatelela kolopota yOmutaleli notaya ka katuka oonkatu shi ikwatelela komalandulathano gopamautho ngoka ge li po, omanga Opolisi nOmpangu nayo tayi shi konaakona kombinga yayo.Hekulu ya nakusa Festus, Johannes Nepando noshowo omumwayina gwa nakusa Festus, Daniel Ndeevelo, oya lombwela The Namibian kutya yo pamwe naakwawo ayehe ya nakusa, oya uvithwa nayi koshinima shika noya uvithwa ishewe nayi konkalo ndjoka yi li po yokuholeka osheetithi sheso lyokamatyona kawo.Otaya indile kOpolisi yi konakone mo nawa osheetithi sheso lyokamatyona haka.