Tsvangirai a dhengwa nayi

H ARARE – Onkundana okuzilila ku Harare sha Zimbabwe otayi ti kutya omuwiliki gwongundu yo Movement for Democratic Change (MDC) Morgan Tsvangirai okwa li a dhengwa nayi kAapolisi mokakuma na okwa li a falwa kOshipangelo, konima sho a kwatwa po molukanda lwa Highfield mu Harare mOsoondaha ya zi ko.

Tsvangirai niilyo yilwe yo MDC oya li ya kwatwa po sho aniwa ya kutha ombinga moshigongi shomagalikano, sha indikwa okuningwa kEpangelo. “Okwa li ta monika nayi na okwa li a zinda nayi.Okwa li a manga noofelembanda momutse.Kwa li to vulu okuyoolola pokati komutse noshipala na kali e wete ko nawa nokuli,” Omunaveta Innocent Chagonda, osho a lombwele oshitumikundaneki sha Reuters ngaaka, konima sho a talelepo Tsvangirai mOkakuma kOpolisi mu Harare, moka e edhililwa.Chigonda okwa ti ye ina popya na Tsavangirai molwashoka, Aapolisi inaya hala aawiliki niilyo yoongundu dhompilameno noyomahangano gaakwashigwana, mboka ya li ya kwatwa po molwashoka oye li ompinge nEpangelo.”Onde shi pondola oku mu mona oshinano shoometa 100, e li molugumbo lwokakuma kOpolisi pOshitaashi shOpolisi pu Borrowdale.Oya li taya dhelelithwa,” Chigonda osho a popi ngaaka.Okwa tsikile ko kutya Opolisi oye shi koleke kutya Tsvangirai okwa li a falwa kOshipangelo, shoka tashi ulike kutya okwa li shili a mangwa noofelembande.Omugandjimulombo gwembwinda lyoongundu dhompilameno nomahangano gaakwashigwana mu Zimbabwe (dhi li ompinge nomilandu dhEpangelo lya Mugabe) lyedhina National Constitutional Assembely (NCA), Lovemore Madhuku, okwa teka aniwa okwaako noku na oshilalo oshinene momutse.Aalongekidhi yoshigongi shomagalikano, shoka sha sitopwa kOpolisi molwashoka aniwa iigongi mbika oyi indikwa kEpangelo uule woomwedhi ndatu, oya popi kutya Tsavangirai okwa li a gwile pevi lutatu sho a dhengwa omanga Madhuku a li ke shi mpoka e li e ta falwa kOshipangelo meendelelo.Ekwatopo lyaawiliki yoongundu dhompilameno, ndyoka lya kondemwa ku Amerika, olya ningwa pethimbo eliko lyoshilongo shika tali tsikile noonkondo okunana nondatu.Ehangano lyOmahangano gAaniilonga mu South Afrika/Congress of South African Trade Union (Cosatu) olya ningi eindilo kutya aawiliki yoongundu dhompilameno naya mangululwe.Cosatu okwa kondema wo eumbo lyaayambidhidhi yongundu yo MDC mu Highfield mOsoondaha.Nampa-Sapa-Reuters”Okwa li ta monika nayi na okwa li a zinda nayi.Okwa li a manga noofelembanda momutse.Kwa li to vulu okuyoolola pokati komutse noshipala na kali e wete ko nawa nokuli,” Omunaveta Innocent Chagonda, osho a lombwele oshitumikundaneki sha Reuters ngaaka, konima sho a talelepo Tsvangirai mOkakuma kOpolisi mu Harare, moka e edhililwa.Chigonda okwa ti ye ina popya na Tsavangirai molwashoka, Aapolisi inaya hala aawiliki niilyo yoongundu dhompilameno noyomahangano gaakwashigwana, mboka ya li ya kwatwa po molwashoka oye li ompinge nEpangelo.”Onde shi pondola oku mu mona oshinano shoometa 100, e li molugumbo lwokakuma kOpolisi pOshitaashi shOpolisi pu Borrowdale.Oya li taya dhelelithwa,” Chigonda osho a popi ngaaka.Okwa tsikile ko kutya Opolisi oye shi koleke kutya Tsvangirai okwa li a falwa kOshipangelo, shoka tashi ulike kutya okwa li shili a mangwa noofelembande.Omugandjimulombo gwembwinda lyoongundu dhompilameno nomahangano gaakwashigwana mu Zimbabwe (dhi li ompinge nomilandu dhEpangelo lya Mugabe) lyedhina National Constitutional Assembely (NCA), Lovemore Madhuku, okwa teka aniwa okwaako noku na oshilalo oshinene momutse.Aalongekidhi yoshigongi shomagalikano, shoka sha sitopwa kOpolisi molwashoka aniwa iigongi mbika oyi indikwa kEpangelo uule woomwedhi ndatu, oya popi kutya Tsavangirai okwa li a gwile pevi lutatu sho a dhengwa omanga Madhuku a li ke shi mpoka e li e ta falwa kOshipangelo meendelelo.Ekwatopo lyaawiliki yoongundu dhompilameno, ndyoka lya kondemwa ku Amerika, olya ningwa pethimbo eliko lyoshilongo shika tali tsikile noonkondo okunana nondatu.Ehangano lyOmahangano gAaniilonga mu South Afrika/Congress of South African Trade Union (Cosatu) olya ningi eindilo kutya aawiliki yoongundu dhompilameno naya mangululwe.Cosatu okwa kondema wo eumbo lyaayambidhidhi yongundu yo MDC mu Highfield mOsoondaha.Nampa-Sapa-Reuters