Triple One Security a gandja omagano gooN$10,000 kOnkambadhala

O
KAMPANI yOosecurity yomOshakati mOshana yedhina Triple One Security, yomusamane Laurence Iipinge omasiku ga zi ko oya gandja omagano gooN$10,000 kOsikola Onkambadhala Combined School ndjoka tayi adhika mOkathitukonkayi mUukwambi moshitopolwa sha Musati.

Osikola ndjika Onkambadhala, omasiku sho ga li 3 Oktoba 2010, oya li noshiithanene oshinene shobazara nelalakano lyokwiimonena oshimaliwa shokwiihumitha komeho. Oshigwana noshowo ookuume kOsikola ndjoka, aanangeshefa, ookampani nomahangano ngoka ga li ga hiywa oge yile nokuumbila mo sha mOshiketha shOsikola ndjoka. Triple One Security, ngoka Omukuluntu gwayo, tate Laurence Iipinge oye e li kahewa kosikola ndjika Onkambadhala Combined School, okwa li gumwe gwomwaamboka ye yile okuyambidhidha Osikola ndjika, ano kahewa ke, noku yi pa nee ngeyi omagano gOoN$10,000. Yamwe yomaanangeshefa nayo wo ya yambidhidha kahewa kOsikola ndjika noku yi pa wo omagano, taya pandulwa noonkondo ku kahewa kOsikola ndjika tate Iipinge ongashi ongeshefa ya Apollo Eleven pOshikuku yomusamane, Wellem Kashupi, Namibia Funeral Services yomusamane Balakias, Lukas Kandjaba, meme Lucia Nekundi, tate Gabes Shoongwa, tate Paulus (Shinduwe Shandongo), tate Mathias Katopa na tate John Boy ngoka, tate Iipinge ta ti, e ya kwathela ehala.Kakele kaamboka ya tumbulwa metetekelo, tate Iipinge ota pandula wo ayehe oyendjiyendji mboka ya yambidhidha nokugandja omagano kosikola ndjika yi kale ya huma nawa komeho. ‘ Tangi, otwe mu pandula noonkondo yaholike,’ tate Iipinge ta ti ngawo nokugwedha po ta ti inamu shi etha.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.