Tatekulu Pinehas Aindongo e tu thiga po

O MUKALIMO gwomomukunda Eloela mOmbalantu, tatekulu Pinehas Aindongo a tseyika wo nedhina ‘Kalu’, ngoka a mana oondjenda dhe mEti 10 Januali 2006 okwa fumvikwa kengathithi enene mOlyomakaya geti 14 Januali pOmawendo gawo okuzilila mOngeleka ya Nankolo.

Momimvo dhomilongo ne nasha (1940s) lwopetameko lwaampoka tatekulu Kalu okwa ka ungula tango kOndjoini kOputu mu Angola, hoka a kala nokwa lukwa nokuli edhina ndika ‘Kalu’ komuhona gwe hoka. Edhina Kalu otali ti, okamatyona.Okuza kOndjoini, okwa ka longa ishewe kOofaalama dha Shomeya omanga ina lundulukila kiilonga yilwe mbyoka yali pehala hali ithanwa Onyowanyowa po Berg Aukas momudhingoloko gwaShaanda.Nakusa tatekulu Kalu okwa shuna kegumbo hoka a ka ninga okathimbo nokushashwa momasiku 30 gaDesemba omumvo 1942.Tatekulu Kalu okwa ka kutwa miilonga kOmbonge, ano koCDM (Namdeb ngashiingeyi) hoka a kala sigo ota penzelwa pehulilo lyomumvo 1979.Okwa kala wo omuuvithi mEgongalo lya Nakayale okuza momumvo 1972 nokutembukila niilonga ye yeuvitho kEgongalo lya Nankolo hoka a kala nokuuvitha ohapu yOmwene sigo okeso lye.Molwashoka tatekulu Kalu okwa kala ehole omiti nuuntshitwe, okwa ningwa oshilyo shokomitiye yetonatelo lyuuntshitwe nokwa yi nokuli ko Zimbabwe noshimpungu shika momumvo 1994.Momumvo 1996 okwa yi nosheendo sha faathana kuuzilo wa Namibia koCaprivi kOsenda yUunamapya nUuniimuna yedhina Bukalo.Nakusa Kalu ngoka a hulitha mepipi lyomimvo 87, okwa thigako omukulukadhi gwe meekulu Petrina Ainima-Aindongo, aanona omugoyi molwashoka gumwe okwe ya tetekela nale muukwaaluhe.Okwa thigako wo aatekulu ye li 26 nokatekulululwa kamwe.Tatekulu ota hokololwa koyendji a li omunandjungu nokuhole iilonga.Pethimbo lyoshituthihupulitho she pegumbo mEtitano (13 Januali 2006), gumwe gomaalilasa okwa popi ta ti, “a grate man has died”, (omulumentu omunankondo a hulitha) pethimbo a li ta tanga nokuhokolola iilonga ya nakusa.Oshifo shetu otashi gandja omahekeleko koonakuthigwapo atuheni.Edhina Kalu otali ti, okamatyona.Okuza kOndjoini, okwa ka longa ishewe kOofaalama dha Shomeya omanga ina lundulukila kiilonga yilwe mbyoka yali pehala hali ithanwa Onyowanyowa po Berg Aukas momudhingoloko gwaShaanda.Nakusa tatekulu Kalu okwa shuna kegumbo hoka a ka ninga okathimbo nokushashwa momasiku 30 gaDesemba omumvo 1942.Tatekulu Kalu okwa ka kutwa miilonga kOmbonge, ano koCDM (Namdeb ngashiingeyi) hoka a kala sigo ota penzelwa pehulilo lyomumvo 1979.Okwa kala wo omuuvithi mEgongalo lya Nakayale okuza momumvo 1972 nokutembukila niilonga ye yeuvitho kEgongalo lya Nankolo hoka a kala nokuuvitha ohapu yOmwene sigo okeso lye.Molwashoka tatekulu Kalu okwa kala ehole omiti nuuntshitwe, okwa ningwa oshilyo shokomitiye yetonatelo lyuuntshitwe nokwa yi nokuli ko Zimbabwe noshimpungu shika momumvo 1994.Momumvo 1996 okwa yi nosheendo sha faathana kuuzilo wa Namibia koCaprivi kOsenda yUunamapya nUuniimuna yedhina Bukalo.Nakusa Kalu ngoka a hulitha mepipi lyomimvo 87, okwa thigako omukulukadhi gwe meekulu Petrina Ainima-Aindongo, aanona omugoyi molwashoka gumwe okwe ya tetekela nale muukwaaluhe.Okwa thigako wo aatekulu ye li 26 nokatekulululwa kamwe.Tatekulu ota hokololwa koyendji a li omunandjungu nokuhole iilonga.Pethimbo lyoshituthihupulitho she pegumbo mEtitano (13 Januali 2006), gumwe gomaalilasa okwa popi ta ti, “a grate man has died”, (omulumentu omunankondo a hulitha) pethimbo a li ta tanga nokuhokolola iilonga ya nakusa.Oshifo shetu otashi gandja omahekeleko koonakuthigwapo atuheni.