Tate Shigwedha a gandja omagano giilya ku CACOC

O MUNAFAALAMA ye wo omulimimapya gwomomukunda Otshinyadhila mUukwambi mOshitopolwa sha Shana, ena epya enene kOponona mUukwambi, tate Pius Shigwedha, a tseyika wo nawa nedhina Shiningeni, mEtiyali ndika lya zi ko okwa gandja omagano giilya yomahangu, Ookilograma omathele gane nasha, nosho wo ondoloma yomakunde kOkomitiye yoomeme ndjoka hayi ungaunga noshigwana, unene tuu shoka tashi hepekwa komukithi gwo HIV-AIDS nOothigwa momikunda moka nomondoolopa ya Shakatiuzilo mOshikandjohogololo sha Shakatiuzilo sha Kansola Loth Kuushomwa.

Okomitiye ndjoka yoomeme oya tseyika nedhina CACOC, ano Constituency AIDS Coordinating Committee, noya thikama mOosenda omulongo nahamano (16) dhomOshikandjohogololo sha Shakatiuzilo. Mokugandja omagano ngaka tate Shigwedha okwa ti kutya ota gandja iilya nomakunde ngaka omagano koomeme mbaka ya ka pe oothigwa momikunda moka, molwashoka okwa ndhindhilika kutya oomeme mbaka otaya longo nuudhiginini.Ta ti oya pumbwa wo ekwatho ngashi ndika lyiikulya opo ya ka pe mboka taya si ondjala momikunda, unene tuu mboka taya hepekwa komukithi omudhipagi noshowo oothigwa ndhoka dhi li odhindji lela moshilongo pethimbo ndika, unene tuu omolu omukithi omudhipagi gwo HIV-AIDS.Tate Shigwedha ta ti kutya, itashi ti kutya ye ando omuyamba gwiilya, ashike okwa kutha ngaa pu ye negumbo lye ye yi topolelathane naamboka ye li muupyakadhi wonkalo yopethimbo ndika.Ano mboka taya ehama, nenge oothigwa, ya pumbwa iikulya ndele kaye yi wete.”Unene onda simaneke shoka tashi longwa koomeme mbaka mokati koshigwana, paiyambo nopaukwawowananakli, na opo nda zi ndi ninge nangaye etokolo ndi kuthe ombinga mokweendela pamwe nayo pamukalo gwoku ya kwathela ngeyi niilya nomakunde.”Tate Shigwedha ta ti ngawo.Kaansola gwOshikandjohogololo sha Shakatiuninginino tate Loth Kuushomwa, ngoka e li ta kondjo lela noshigwana she shomOshikandjo she shika sha Shakatiuninginino, moku shi monena omawanawa gi ili nogi ili ge na sha noku shi yambula po pankalonawa yesiku kehe, okwa pandula noonkondo tate Shigwedha, ngoka he mu ithana unene kedhina lye limwe, Shiningeni.Kuushomwa ta ti kutya tate Shigwedha okwa ninga nawa sho a kutha sha meliko lye noku li pa oomeme mbaka ye ke li pe oothigwa mOshikandjohogololo shawo sha Shakatiuninginino.Kansola Kuushomwa ta indile wo koshigwana, kaanafaalama, kOmahangano, kaanangeshefa nosho tuu, ya landule oshiholelwa oshiwanawa sha tate Shigwedha shika, oshoka moshigwana muka, momikunda moka, omu na aantu oyendji taya mono iihuna, unene tuu oothigwa.Omuunganekikuluntu gwOkomitiye ndjika meme Fredrika Amupolo naye okwa pandula pehala lyokomitiye yawo ayihe kutya tate Shigwedha okwa ninga nawa sho a kutha sha shomeliko lye ndele te shi pe oothigwa dha Kalunga.Meme Amupolo ta ti kutya Kalunga na yambeke tate Shigwedha noku mu kaleka po oomvula odhindji a yakule oshigwana.Ta indile wo kaanafaalama nokaanangeshefa yalwe ya landule oshiholelwa oshiwanawa sha tate Shigwedha.Mokugandja omagano ngaka tate Shigwedha okwa ti kutya ota gandja iilya nomakunde ngaka omagano koomeme mbaka ya ka pe oothigwa momikunda moka, molwashoka okwa ndhindhilika kutya oomeme mbaka otaya longo nuudhiginini.Ta ti oya pumbwa wo ekwatho ngashi ndika lyiikulya opo ya ka pe mboka taya si ondjala momikunda, unene tuu mboka taya hepekwa komukithi omudhipagi noshowo oothigwa ndhoka dhi li odhindji lela moshilongo pethimbo ndika, unene tuu omolu omukithi omudhipagi gwo HIV-AIDS.Tate Shigwedha ta ti kutya, itashi ti kutya ye ando omuyamba gwiilya, ashike okwa kutha ngaa pu ye negumbo lye ye yi topolelathane naamboka ye li muupyakadhi wonkalo yopethimbo ndika.Ano mboka taya ehama, nenge oothigwa, ya pumbwa iikulya ndele kaye yi wete.”Unene onda simaneke shoka tashi longwa koomeme mbaka mokati koshigwana, paiyambo nopaukwawowananakli, na opo nda zi ndi ninge nangaye etokolo ndi kuthe ombinga mokweendela pamwe nayo pamukalo gwoku ya kwathela ngeyi niilya nomakunde.”Tate Shigwedha ta ti ngawo.Kaansola gwOshikandjohogololo sha Shakatiuninginino tate Loth Kuushomwa, ngoka e li ta kondjo lela noshigwana she shomOshikandjo she shika sha Shakatiuninginino, moku shi monena omawanawa gi ili nogi ili ge na sha noku shi yambula po pankalonawa yesiku kehe, okwa pandula noonkondo tate Shigwedha, ngoka he mu ithana unene kedhina lye limwe, Shiningeni. Kuushomwa ta ti kutya tate Shigwedha okwa ninga nawa sho a kutha sha meliko lye noku li pa oomeme mbaka ye ke li pe oothigwa mOshikandjohogololo shawo sha Shakatiuninginino.Kansola Kuushomwa ta indile wo koshigwana, kaanafaalama, kOmahangano, kaanangeshefa nosho tuu, ya landule oshiholelwa oshiwanawa sha tate Shigwedha shika, oshoka moshigwana muka, momikunda moka, omu na aantu oyendji taya mono iihuna, unene tuu oothigwa.Omuunganekikuluntu gwOkomitiye ndjika meme Fredrika Amupolo naye okwa pandula pehala lyokomitiye yawo ayihe kutya tate Shigwedha okwa ninga nawa sho a kutha sha shomeliko lye ndele te shi pe oothigwa dha Kalunga.Meme Amupolo ta ti kutya Kalunga na yambeke tate Shigwedha noku mu kaleka po oomvula odhindji a yakule oshigwana.Ta indile wo kaanafaalama nokaanangeshefa yalwe ya landule oshiholelwa oshiwanawa sha tate Shigwedha.