Tate na meme Shilongo ya lukila Elenga enene lyUukwambi

A AIHOMBOLI yaali yomOshakati, tate Cedric Shilongo na meme Tuuliki Shilongo oya luku okanona kawa kokankelo Iipumbu Ndilimani Herman Shilongo ye ka lukila Elenga enene lyUukwambi tatekulu Iipumbu Ndilimani Herman Iipumbu, nomOlyomakaya ngaka ga zi ko Elenga enene Iipumbu olya li lya fala edhina lya mbushe nokukazaleka mbushe Oshinyenye pegumbo lya tate na meme Shilongo mondoolopa yaShakati.

Elenga enene Iipumbu, ndyoka lya li pamwe nOmukulukadhi gwalyo meme Lidia Iipumbu naanona yawo, olya li lye ya nongundu onene yoomeme ya zala omithigululwakalo, ya humbata oombiga dhomalovu goshiwambo nomilongelo dhilwe dhuudha iimbale nosho tuu. Ongundu yOotate yomithigululwakalo dhUukwambi, ya tseyika nawa nedhina “Iita ya Kadha” yi li mewiliko lyOmiimbi gwIiyimbo yOmuthigululwakalo gUukwambi tatekulu Iita ya Kadha, nayo opo ya li mpoka tayi dhana nawa nokufuula ayehe ya li mpoka.Sho ye ya popepi negumbo lya tate Shilongo mOshakati, oya helulilwa pegumbo limwe, ano pehala limwe, mpoka osheendo sha zi shi li momusholondondo omuleeleka gu li we kutatekulu Iipumbu nomukulukadhi gwe komeho, sha thinda nee pootate Shilongo, mpoka wo sha tsakanekwa koomeme ye li momizalo dhOpamuthigululwakalo taya imbi taya ti kutya Evalo lyomukuluntu nali ningwe nawa, nali thengwaathengwe nomagadhi, yo yamwe taya imbi taya ti, “Edhina lya Ndilimani nali taandele,”.Okuya pegumbo, Elenga Iipumbu nongundu yalyo olya adha lya tegelelwa nawa ku tate Cedric na meme Tuuliki Shilongo nosho wo kaakwanezimo yawo taya kwatelwa komeho kutate Ileni Shangadi, ookuume naashiinda nosho wo ku yalwe.Nakuvala tate Cedric Shilongo, kuku Paulina Nailoke Shilongo gwokOmbaye na nakuvala meme Tuuliki Shilongo, ano meekulu Martha Aron, nayo opo ya li poshituthi shika sha simana noku shi tyapula nawa.Oshituthi pegumbo mpoka osha wilikwa ku tate Titus Kanika Iipumbu negalikano olya ningwa ku kuku Sofia Kadhingula.Tate Shilongo, mwene gwegumbo ta taamba aanashituthi noku ya lombwela kutya yo nomukulukadhi gwe meme Tuuliki, oya tokola ya lukile Elenga enene lyUukwambi tatekulu Ndilimani Iipumbu onkelo yawo, na osho ya ningi shili noya nyanyukwa nee noonkondo sho Elenga enene lyUukwambi tatekulu Ndilimani a taanba ko nomaako gaali okulukilwa omona gwawo.Oshituthi osha li oshiwanawa shili noshoopala wo.Ongundu yOotate yomithigululwakalo dhUukwambi, ya tseyika nawa nedhina “Iita ya Kadha” yi li mewiliko lyOmiimbi gwIiyimbo yOmuthigululwakalo gUukwambi tatekulu Iita ya Kadha, nayo opo ya li mpoka tayi dhana nawa nokufuula ayehe ya li mpoka.Sho ye ya popepi negumbo lya tate Shilongo mOshakati, oya helulilwa pegumbo limwe, ano pehala limwe, mpoka osheendo sha zi shi li momusholondondo omuleeleka gu li we kutatekulu Iipumbu nomukulukadhi gwe komeho, sha thinda nee pootate Shilongo, mpoka wo sha tsakanekwa koomeme ye li momizalo dhOpamuthigululwakalo taya imbi taya ti kutya Evalo lyomukuluntu nali ningwe nawa, nali thengwaathengwe nomagadhi, yo yamwe taya imbi taya ti, “Edhina lya Ndilimani nali taandele,”.Okuya pegumbo, Elenga Iipumbu nongundu yalyo olya adha lya tegelelwa nawa ku tate Cedric na meme Tuuliki Shilongo nosho wo kaakwanezimo yawo taya kwatelwa komeho kutate Ileni Shangadi, ookuume naashiinda nosho wo ku yalwe.Nakuvala tate Cedric Shilongo, kuku Paulina Nailoke Shilongo gwokOmbaye na nakuvala meme Tuuliki Shilongo, ano meekulu Martha Aron, nayo opo ya li poshituthi shika sha simana noku shi tyapula nawa.Oshituthi pegumbo mpoka osha wilikwa ku tate Titus Kanika Iipumbu negalikano olya ningwa ku kuku Sofia Kadhingula.Tate Shilongo, mwene gwegumbo ta taamba aanashituthi noku ya lombwela kutya yo nomukulukadhi gwe meme Tuuliki, oya tokola ya lukile Elenga enene lyUukwambi tatekulu Ndilimani Iipumbu onkelo yawo, na osho ya ningi shili noya nyanyukwa nee noonkondo sho Elenga enene lyUukwambi tatekulu Ndilimani a taanba ko nomaako gaali okulukilwa omona gwawo.Oshituthi osha li oshiwanawa shili noshoopala wo.