Tate Kangulu e tu thiga po

OMUKALIMO a tseyika nawa gwomOmpundja mUukwambi nomOshakati moshitopolwa sha Shana tate Pineas Elago, a tseyika wo nawa nedhina tate Kangulu, okwa mana oondjenda dhe megumbo lye mOshakati Osoondaha ya zi ko konima yuuwehame nomepipi lyoomvula omilongontano nane.

Nakusa Kangulu okwa li Omunambelewa Omukuluntu gwOshikondo shEgandjo lyOmeya momikunda nokwa kala ta ungaunga nasho neitulomo enene. A kala wo omupopi omunene nomupukululi gwoshigwana unene tuu mOprograma yEwi lya manguluka mOradio yo NBC mOshiwambo.
Tate Elago (Kangulu) ngoka a thiga ko omukulukadhi gwe meme Victoria naanona yawo, ota fumvikwa mOlyomakaya ngaka twa thinda geti 11 Juli 2009 pOmpundja okuzilila mOngeleka yawo ya Mpundja, omangaoshituthidhimbuluko she tashi kala ko ngula mEtitano pegumbo lye mondoolopa ya Shakati. Oshifo shetu otashi gandja omahekeleko koonakuthigwapo atuheni.