Tate Andjamba ta ti oongombe dhe kOfaalama kOmangeti otadhi si po kenota

O MUNAFAALMA a tseyika nawa tate Johannes Andjamba gwomomukunda Oshipaya mOmbalantu, e li wo Omunangeshefa a tseyika nawa, oku li ta nyenyeta noonkondo omolu oongombe dhe tadhi si po kenota kOfaalama ye yokOmangetti molwashoka mboka yEpangelo ye na sha netonatelo lyOmashina gokupomba omeya kOofaalama hoka, inaya hala oku mu kwathela nonando ha futu iifendela mbyoka hayi pulwa kEpangelo opo li kale tali opaleke omashina gokupomba omeya nosho tuu kOofaalama dhawo hoka.

Tate Andjamba ta ti kutya okwa kanitha nale oongombe dhi vulithe pu ntano lwaampoka nuumvo, dha si kenota, omolu omashina gokupomba omeya ngoka ga kala taga tekaateka go itaga pangelwa. Tate Andjamba ta ti kutya sho omashina ngoka ga teka, okwa ka ninga onkembadhala kuye mwene, a lande eshina lye lyokupomba omeya, ashike nee sho tali teka, mboka yokEpangelo kaye ya oku li pangela nande niimuna ye onkee tayi kala tayi si enota nokusa kenota.Tate John Andjamba ta ti kutya nuumvo okwa futa kuye mwene OoN$3765.15 shi na sha nepangelo lyeshina lyokupomba omeya pOfaalama ye mpoka, ashike shoka Epangelo itali shi tala ko, otali etha ashike omunafaalama ta mono iihuna nokukondja kuye mwene ngawo, nonande ha futu tuu wo nokEpangelo.Ta ti ohaya lopota aluhe kOmbelewa yUunamapya nUuniimuna kOnankali, ashike kaku ya zilila nande ekwatho lyasha hoka, noye li nee aluhe muupyakadhi wokwaahepo kwomeya kOofaalama dhawo hoka.Pethimbo oshinyolwa shika tashi yi komanyanyangidho, inatu vula okwiimona nOmukuluntu gwEgandjo lyOmeya kOmangetti hoka, tate John Nendongo, ngoka Ombelewa ye yi li kOnankali mOndonga mOshitopolwa sha Shikoto moka, opo e tu pe ngeno uuyelele moshinima shika shegandjo lyomeya kOmangetti.Owiinekela kutya otatu ka monathana naye moshinima shika.Tate Andjamba ota ti kutya oofaalama moka ye li odhEpangelo, haya futu ethitho lyadho nEpangelo ngeno olyo nee li na okusa oshimpwiyu shokutula mo omashina gokupomba omeya noku ga pangela wo molwashoka Aanafaalama mboka ye li mOofaalama moka ohaya fendele kEpangelo noya gwana nee okupewa omayakulo ge li nawa, ngashi ngaa sha kala nale mEpangelo ekulu, omukalo ngoka naanaa gwa thigululwako kEpangelo epe lya Namibia a manguluka.”Ondi uvite ngeno kwali kutya sho oshilongo sha mangulouka, nomayakulo otaga kala ga manguluka nawa shi vulithe pwaangoka gomEpangelo ekulu, ashike nee shoka tashi ningwa po ngashiingeyi kashi shi eyakulo li li hwepo, eyakulo tali shongola nokushuna monima.”Tate Andjamba ta ti ngawo neyeme nokwiindila a mana mo kUuministeli wUunamapya wu gandje omauyakulo gatya tyoo kaanafaalama, unene tuu mboka ya Mangetti.Tate Andjamba ta ti kutya sho omashina ngoka ga teka, okwa ka ninga onkembadhala kuye mwene, a lande eshina lye lyokupomba omeya, ashike nee sho tali teka, mboka yokEpangelo kaye ya oku li pangela nande niimuna ye onkee tayi kala tayi si enota nokusa kenota.Tate John Andjamba ta ti kutya nuumvo okwa futa kuye mwene OoN$3765.15 shi na sha nepangelo lyeshina lyokupomba omeya pOfaalama ye mpoka, ashike shoka Epangelo itali shi tala ko, otali etha ashike omunafaalama ta mono iihuna nokukondja kuye mwene ngawo, nonande ha futu tuu wo nokEpangelo.Ta ti ohaya lopota aluhe kOmbelewa yUunamapya nUuniimuna kOnankali, ashike kaku ya zilila nande ekwatho lyasha hoka, noye li nee aluhe muupyakadhi wokwaahepo kwomeya kOofaalama dhawo hoka.Pethimbo oshinyolwa shika tashi yi komanyanyangidho, inatu vula okwiimona nOmukuluntu gwEgandjo lyOmeya kOmangetti hoka, tate John Nendongo, ngoka Ombelewa ye yi li kOnankali mOndonga mOshitopolwa sha Shikoto moka, opo e tu pe ngeno uuyelele moshinima shika shegandjo lyomeya kOmangetti.Owiinekela kutya otatu ka monathana naye moshinima shika.Tate Andjamba ota ti kutya oofaalama moka ye li odhEpangelo, haya futu ethitho lyadho nEpangelo ngeno olyo nee li na okusa oshimpwiyu shokutula mo omashina gokupomba omeya noku ga pangela wo molwashoka Aanafaalama mboka ye li mOofaalama moka ohaya fendele kEpangelo noya gwana nee okupewa omayakulo ge li nawa, ngashi ngaa sha kala nale mEpangelo ekulu, omukalo ngoka naanaa gwa thigululwako kEpangelo epe lya Namibia a manguluka.”Ondi uvite ngeno kwali kutya sho oshilongo sha mangulouka, nomayakulo otaga kala ga manguluka nawa shi vulithe pwaangoka gomEpangelo ekulu, ashike nee shoka tashi ningwa po ngashiingeyi kashi shi eyakulo li li hwepo, eyakulo tali shongola nokushuna monima.”Tate Andjamba ta ti ngawo neyeme nokwiindila a mana mo kUuministeli wUunamapya wu gandje omauyakulo gatya tyoo kaanafaalama, unene tuu mboka ya Mangetti.