OSHITAYI shomakwatathano shehangano lyaTata mo India osha landa iipambuliko oyindji mehangano lyoongodhi lya Neotel oku za pooperesenda 49 okuya pooperesenda omilongo 61, 5.
Oshinima shika osha ningitha ehangano ndika li kale etiyali enene moku gandja omayakulo goongodhi dhokopaala moSouth Africa. Elando lyiipambuliko oyindji ina li guma iipambuliko ya Telecom Namibia yooperesenda 12, 5, pahapu dhomuwiliki gwemona mehangano ndyoka, Robert Offner. Telecom Namibia oku li monkambadhala yoku landithapo iipambuliko ye mehangano ndyoka oshoka okwa ti mbika ina yi eta po iiyemo nkene tuu ya landelwe omumvo 2006. Omuwiliki gwa Telecom Namibia, Frans Ndoroma okwa tile omasiku ga piti kutya ehangano lye olya hala oku landithapo iipambuliko yalyo mu Neotel shampa lya mono ompito oku shi ninga opo li vule okugalulako iimaliwa yalyo. Telecom Namibia okwa longitha oodola oomiliona 429 oku landa iipambuliko mbyoka mo Neotel. Momwedhi gwa yi omunambelewa omukuluntupitithi gwa Tata Communications, Vinod Kumar okwa lombwele oshikundaneki, Daily News and Analysis kutya oya tegelela Neotel a etemo iimaliwa yoprofita miilonga oku ya pehulilo lyomumvo nguka. Okwa ti ethimbo alihe ndika Neotel ita ulike ta eta oshimaliwa omolwaashoka oku li methimbo lyo mapungulo, naangaka oha ga kwata ethimbo ele okuvala iiyemo molupe lwoprofita.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
