Swapo ta kondjele okambo kombaanga mo Gobabis

Omukalelipo gwongundu yo Swapo moshitopolwa sha Maheke moshiwike sha ziko okwali a holola onkumwe kombinga yo kambo kombaanga hoka anuwa ka patululwa meholamo kongundu yo Swapo nOmbaanga ya Bank Windhoek mo Gobabis.

Festus Uitele, ngoka eli oshilyo shoparlemende okwati o Swapo oyina nale uumbo wombaanga uyali mo First National Bank ya Gobabis. Kamwe okeli okambo kowina moka iilyo yongundu hayi mbaangele iiyemo yawo kehe omwedhi kOngundu, nokatiyali okeli okambo moka ongundu yoSwapo hayi mbaangele iimaliwa yoku ambidhidha ombelewa yo mo Gobabis.Okugwedha kwaashoka, Uitele otati ye kenasha uuthemba wokushaina uuna tashiya kombinga yokambo hoka ka patululwa meholamo mo Bank Windhoek omwedhi gwa ziko, no itavula okukalongitha. Uitele okwati Job Muniaro, omupeha kalelipo gomoshitopolwa, Kevin Ndjarakana, omulandulathanithi omupe gwombelewa ya Maheke, na Ngoloneya gwoshitopolwa shaMaheke, Laura McLeod-Katjirua ayehe oyena uuthemba wokushaina uuna ya ala okulongitha okambo haka okape komeholamo. Muniaro, ngoka apatulula okambo haka okwati okeli ko po kathimbo, hono ye owala ena uuthemba woku shaina ootyeke sigo ondumbo ndjoka yaholoka molwoshinima shika yahulu.’Ngame ondamono omayele okuza kombelewa onene yongundu yoSwapo, no ndina oombaapila tadhizi ku amushanga ndayi gongundu,’ Muniaro okwati ngeyi.Ombaapila ndjika tapopi oyashangelwe momasiku 10 ga Kotoomba 2011, yaza ku amushanga ndjayi gwongundu yo Swapo Pendukeni Ivula-Ithana, noyashainwa kuye. Otayiti kutya yamwe yomaawiliki yongundu yo Swapo moshitopolwa oyeli ta ya shunitha konima iilonga youngundu. ‘Omolwa elelo lyongundu, etokolo olyakuthwa talikupe uuthemba ongo omupeha gwoshitopolwa wu patulule okambo kombaanga kopokathimbo no Bank Windhoek mondoolopa ya Gobabis,’ ombaapila ndjoka ya shangelwa Muniaro osho yati ngawo. Oyagwedhako nokutya okambo haka kombaanga otakakapa owala aantu yatatu uuthemba wokushaina nokukalongitha, ongo poompango ndhongundu. ‘Mboka yagwedhwako tayakakala nuuthemba wokulongitha okambo haka oyo ano, omupeha gwoshitopolwa shongundu, amushanga wongundu yoSwapo hailwa Laura McLeod-Katjirua ongo eli oshilyo shongundumutima, na ngoloneya gwoshitopolwa,’ osho ombaapila yati.Ombaapila oyagwedhako nokutya okambo hoka ka Bank Windhoek okeli owala kopokathimbo, neuvathano olyo ndyono kutya uuna pokati koshilyo pweya ombili, nena ongundu otayikashuna kuumbo mboka wombaanga wuli ko First National Bank.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.