Swapo okwa topoka paludhi moshitopolwa sha Caprivi

AANAMBELEWA mewiliko yoSwapo moshikandjohogololo shaKatima Rural oya indile opo omuperesidende Hifikepunye Pohamba a kwathele oku kuthapo uupyakadhi wokwaa uvathana tawu kateke oshigongi sho district moshikandjo shoka.

Iigongo yoludhi ndoka yewawa lyaagundjuka yo Swapo noshowo yongundu yoyene oya li ya undulilwa komeho sigo Olyomakaya netitano ndika tuuka, oshoka iilyo yongundu ndjika ina yi tsa kumwe kutya moshikandjo shoka omuna iitayi ingapi yopamukunda.Iitayi mbika oya ningile iigongi yoodistrict momasiku 22 noshowo 24 ga Juni mbyoka ya li ya kalwa koodistrict dhili 16 noshowo 26. Iigongi mbika oya ka ningululwa ishewe ehulilo shiwike lya piti, pethimbo ndyoka iitayi yili omilongo 20 ya thikama po miilyo yaa Mafwe oya li inaa yi ya koshigongi. Osha fa ethigathano molwa iipundi yopombanda moSwapo moCaprivi tali ningwa paludhi kokutya Amafwe ota ya thigathanapo naaMasubia.Ota ku hokololwa kutya oshikandjo sha Katima Rural osha li shina iitayi 25 pethimbo lye wiliko lya nakusa, Ernst Likando[Masubi] sigo omo 2005 pethimbo, Leonard Mwilima omuMafwe a kuthako ewiliko.Pethimbo lyewiliko lye opo pwa holoka oompata kombinga yomwaalu gwiitayi kutya oyi thike peni, naashoka inaa pa tsuwa kumwe, opwa tokolwa opo iitayi yi kale yili omilongo 20.Elombwelo lya gandjelwe kewiliko lyopombanda lyo Swapo oondyoka kutya, konima yomahogololo gomalelo giitopolwa, iitayi mbika ota yi tungululwa. Oshinima shika osha ningwa nomushangwahokololo kombinga yaashika ogwa tuminwe kombelewa yaamushangandjayi gwoSwapo.Okwa li woo kwa tumwa osheendo shaa wiliki mboka ha ya sile oshimpwiyu oshitopolwa shika mewiliko lyaamushangandjayi gwopevi, Nangolo Mbumba, oku ka tala kutya iitayi tayi popiwa oko yili, nokonima mbika ye yi kwashilipaleke kutya oye yi mona shili. Ndele momasiku 16 ga Juni 2012 Mbumba okwa shangele ewiliko kutya iigongi yoodistrict ina yi ningwa we managa, oshoka okwa tuminwa enyenyeto. Oshigongi osha li shuundulilwa komeho, nolwahugunina osha ka ningwa nee pehulilo shiwike ndika lya pitipo.Ewawa lyaagundjuka yoSwapo moshitopolwa sha Caprivi olya li lya hala oku ninga oshigongi sha lyo ndele omolwashoka iitayi yimwe yewawa ndyoka oya pitimo moshigongi omolwa okwaa uvathana kombinga yaakalelipo yoshikandjohogololo sha Katima Rural shoka kwaashiwike kutya oshina iitayi ingapi.Omuhwahwameki moshikandjo moka James Sankwasa, okwa ti okwiinekela oshinima shika otashi ka potokonoka mbala omolwa uuwanawa wongundu ndele ha molwo ku humitha komeho uuwanawa woludhi lumwe.muperesidende olya pumbiwa.