Swapo okwa shoneka Hendjala

S WAPO okwa kutha mo manga pakathimbo Erastus Hendjala ngoka a li nale oshilyo shOlaata yOpashigwana konima sho kwa monika kutya okwa kwatakanithwa aniwa nongundu ompe yoRally for Democracy and Progress (RDP).

Oonzo dhimwe dhomeni lyopaati otadhi popi ngeyi kutya Hendjala ngoka a tseyika nawa nedhina ‘Kaptein’, okwa kuthwa mo momusholondondo gwiilyo mbyoka tayi ka kalelapo oshitopolwa sha Khomas pethimbo lyOkongresa yoSwapo ndjoka kwa tegelelwa yi ka tameke mOshilandopangelo oshiwike ta shi ya. Hendjala okwa li a sithwa ohoni pethimbo a holoka poshigongi shiilyo mbyoka tayi ka kala mOkongresa shoka sha li sha ningwa mOsoondaha – nokwa li a tseyithilwa komuunganeki gwoSwapo moshitopolwa sha Khomas, Michael Mwinga kutya ota kuthwa mo momusholondondo gwiilyo mbyoka tayi ka kala mOkongresa.Aniwa Mwinga okwe mu lombwele ngeyi kutya okomitiye ye yopashikandjo, oya pula kutya nakuthwe mo momusholondondo gwiilyo mbyoka molwashoka oku li omuyambidhidhi gwa Hidipo Hamutenya ngoka a li nale oshilyo shoSwapo.The Namibian okwa tseya ngeyi kutya okomitiye ndjoka yopashikandjo, oya tumine omukanda gwomapandja gatatu kokomitiye yopashitopolwa moka ya popya nokugandja omatompelo kutya omolwashike Hendjala e na okukuthwa mo momusholondondo gwiilyo mbyoka tayi ka kala mOkongresa.Hendjala okwa koleke ko The Namibian kutya okwa pewa shili elombwelo ndyoka ku Mwinga, ashike okwa tegelela natango okupewa elombwelo ndyoka pamushangwa.Onakuyiwa ya Hendjala moSwapo oya kala ya nyika iipa yombwa konima yiikonga nomahogololo gOkongresa yomumvo 2004 mpoka pwa li pwa hogololwa Hifikepunye Pohamba okandidaate yopaupresidende – konima sho Hendjala a kala nokuyambidhidha Hidipo Hamutenya.Iikonga mbika oya li ya nyata noonkondo sho aanapolitika yoSwapo mboka ya kala taya yambidhidha ookandidaate ndhoka mbali Hidipo na Pohamba ya kala nokwiipopya nayi.Oshinima shika osha ka eta nee mpoka Hendjala a ka ndope okuninga oshilyo shOlaata yOpashigwana moka a kala ha kalelepo oshikandjohogololo sha Hakahana okuza momumvo 1993.Momumvo 2002, Oshikandjohogololo shoka osha ka tetwa nee pokati e tashi tulwa miipambu iyali.Omanga oshilongo inashi manguluka, Hendjala okwa li omutoolinkundana ngoka a li nokuli a ningwa Omudhindi gwOshifo sha Katoolika ka Rooma shedhina Omukuni.Omathimbo ga zile ko, okwa li wo ha shanga oshipopiwa (‘okolam’) moThe Namibian mOshiwambo oshiwike kehe.Konima yemanguluko, Hendjala okwa li wo a longele New Era okathimbo okafupi.Hendjala okwa li gumwe gwomaantu mboka ya li taya yambidhidha osheetwapo kutya tatekulu Sam Nujoma na pewe ompito yokulela oshikako oshititatu, nokupopya nokuli ngeyi kutya Aanamibia otaya vulu okulundulula uuntokolwa wEkotampango lyoshilongo shawo ngaashi naanaa tashi popiwa mEkotampango lyo lyene.Ta ti Aanamibia oye na uuthemba wokulundulula Ekotampango ndyoka noku li ninga ngaashi ya hala.Hendjala okwa li a sithwa ohoni pethimbo a holoka poshigongi shiilyo mbyoka tayi ka kala mOkongresa shoka sha li sha ningwa mOsoondaha – nokwa li a tseyithilwa komuunganeki gwoSwapo moshitopolwa sha Khomas, Michael Mwinga kutya ota kuthwa mo momusholondondo gwiilyo mbyoka tayi ka kala mOkongresa.Aniwa Mwinga okwe mu lombwele ngeyi kutya okomitiye ye yopashikandjo, oya pula kutya nakuthwe mo momusholondondo gwiilyo mbyoka molwashoka oku li omuyambidhidhi gwa Hidipo Hamutenya ngoka a li nale oshilyo shoSwapo.The Namibian okwa tseya ngeyi kutya okomitiye ndjoka yopashikandjo, oya tumine omukanda gwomapandja gatatu kokomitiye yopashitopolwa moka ya popya nokugandja omatompelo kutya omolwashike Hendjala e na okukuthwa mo momusholondondo gwiilyo mbyoka tayi ka kala mOkongresa.Hendjala okwa koleke ko The Namibian kutya okwa pewa shili elombwelo ndyoka ku Mwinga, ashike okwa tegelela natango okupewa elombwelo ndyoka pamushangwa.Onakuyiwa ya Hendjala moSwapo oya kala ya nyika iipa yombwa konima yiikonga nomahogololo gOkongresa yomumvo 2004 mpoka pwa li pwa hogololwa Hifikepunye Pohamba okandidaate yopaupresidende – konima sho Hendjala a kala nokuyambidhidha Hidipo Hamutenya.Iikonga mbika oya li ya nyata noonkondo sho aanapolitika yoSwapo mboka ya kala taya yambidhidha ookandidaate ndhoka mbali Hidipo na Pohamba ya kala nokwiipopya nayi.Oshinima shika osha ka eta nee mpoka Hendjala a ka ndope okuninga oshilyo shOlaata yOpashigwana moka a kala ha kalelepo oshikandjohogololo sha Hakahana okuza momumvo 1993. Momumvo 2002, Oshikandjohogololo shoka osha ka tetwa nee pokati e tashi tulwa miipambu iyali.Omanga oshilongo inashi manguluka, Hendjala okwa li omutoolinkundana ngoka a li nokuli a ningwa Omudhindi gwOshifo sha Katoolika ka Rooma shedhina Omukuni.Omathimbo ga zile ko, okwa li wo ha shanga oshipopiwa (‘okolam’) moThe Namibian mOshiwambo oshiwike kehe.Konima yemanguluko, Hendjala okwa li wo a longele New Era okathimbo okafupi.Hendjala okwa li gumwe gwomaantu mboka ya li taya yambidhidha osheetwapo kutya tatekulu Sam Nujoma na pewe ompito yokulela oshikako oshititatu, nokupopya nokuli ngeyi kutya Aanamibia otaya vulu okulundulula uuntokolwa wEkotampango lyoshilongo shawo ngaashi naanaa tashi popiwa mEkotampango lyo lyene.Ta ti Aanamibia oye na uuthemba wokulundulula Ekotampango ndyoka noku li ninga ngaashi ya hala.