Swanu naye ota ka kondja muumbugantu

ONGUNDU yo South West Africa National Union[SWANU] ota yi ka kala nookandidate momahogololo giitopolwa noshowo gomalelo giilando moshilando sha Kaiti moshitopolwa sha Karas.Ongundu ndjika ota yi ka kondjela woo iikandjohogololo yimwe moKaras .

Omugandjimayele komuperesidende gwoSwanu, Karupumbura Veii, okwa lombwele Nampa metine kutya ongundu ye oya hogolola, Frans Husch ongo okandidate yayo momahogololo gopoKaiti. Okwa ti osha simana kongundu ye yi yeleke noonkwawo momahogololo ngoka oku tala kutya oyina oonkondo dhi thike peni dhopapolitika. Okwa ti omahogololo oha ga ningwa opo oongundu dhopolitika dhi tale kutya odhina eyambidhidho li thike peni moshitopolwa shontumba.Okwa ti yo oyi ilongekidha okwii yeleka noongundu dhilwe dhopolitika moshitopolwa sha Karas ya talele nkene ta ye ke sheenditha. Okwiitaala kutya oku kuthombinga momahogololo otashi kwathele ongundu opo yi kalekepo aayambidhi yayo, oshoka momukalo nguka ota yi kala mekwatathano nayo, naambaka ita ya kala yu uvite ya ekelwahi.Okwa ti ngele ongundu itayi kuthombinga nena aayambidhidhi yawo ota ya ka hogolola oongundu dhilwe, sho shika oshinima oshiwinayi osho Veii a ulike. Okwa ti ongundu ye oya hogolola Benjamin Maasdorp opo a thikame mehogololo lyelelo lyoshikandjohogololo sha Gibeoin moshitopolwa sha Hardap omanga Dickson Tjiroze ota ka thikama moshikandjohogololo sha Malinda gwokomikunda. Omahogololo giitopolwa niilando oga tegelelwa ga ka ningwe momasiku omilongo 26 no 27 gomwedhi taguya.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.