Standard Bank ta hohololamo maaniilonga

OMBAANGA ya Standard mo Namibia oya tokola kaa yi udhithe nenge yi tule miilonga aaniilonga aape. Etokolo ndika olya landula ketseyitho lyombaanga omwayina yaandjika koSouth Africa ndjoka yatokola oku kutha aantu yamwe miilonga omolwa omahupilo niiyemo yaali nawa.

Standard Bank gwa Namibia okwa ti ye ita landula shoka sha ningwa ko South Africa ndele ota ka mweneka oku kuta aaniilonga aape okathimbo. Ombaanga ya Standard mo South Africa oya lombwele oshikundaneki Reuters kutya ota yi ka kutha aaniilonga 1200 taya kalele miilonga noshowo aaniilonga omathele gahamano yopakathimbo nayo otaya ka tumwa komagumbo..Ombaanga oyo tuu ndjika ota yi ka kutha aaniilonga 300 miilonga moombelewa dhayo mo London opo yi shunithe pevi iifuta omolwaashoka iiyemo oya ninga iishona.Omukuluntu gwaStandard Bank mo Namibia okwa ti okushuna pevi iifuta olyo elalakano lyomugandji gwiilonga kehe, osho Mpumzi Pupuma a ti.Okwa ti oye shi shoka tashi ningwa mongundu ya Standard nonkene tashu gumu iilonga yawo. Okwa ti opo ya kale nuukeka noshowo nuuhwenge kombinga yaashika yo oya tokola opo kaaya gwedhele aaniilonga okupitilila omwaalu gwaamboka ye li miilonga mu August nuumvo sigo opu Desemba. Pupuma okwa ti ita shi tseyika pamwe opena aaNamibia ya gumwa moombelewa oonene mboka ye na okutulwa miilonga mpaka,.Okwa ti ombaanga ye ina yi hala oku kutha nando ogumwe miilonga pethimbo ndika. Ongundu ya Standard oyina aaniilonga 50 000 , no ya ti eshongo lyiiyemo yu uka pevi ota li tsikile sigo omomumvo 2011.Onkene ita yi vulu okwiinekela kutya iiyemo otayi ka ya pombanda mbala.Omukuluntu gwombaanga ndjika Jacko Maree okwa lombwele Business Day kutya sho ya tala iiyemo yawo oya ndhondhilike kutya otashi kala sha faathana sigo omumvo taguya.Onkene okwa ti yo oya tala nkene ta ya longo opo ya kaleke iifutwa yawo yili pevi.Oombaanga mo South Africa odhili meshongo unene tuu sho aantu itaa ya kutha we omikuli noshowo okwaana iilonga hoka kwa ya pombanda. Ombaanga ya Standard oyi li miikaha yehangano lya China lyedhina Industrial and Commercial Bank ooperesenda 20.Iiyemo yawo oya yi pombanda noopersenda omugoyi, ndele iyemo yawo okuza miihohela noomonzo dhaanasha nokugandja omikuli oya shuna pevi. Ndjika oyo ombaanga onene mo South Africa tayi kutha aantu miilonga nuumvo. ABSA, FNB na Nedbank oya tseyitha kutya yo ka yena edhiladhilo lyoku kutha mo yamwe miilonga sigo oompaka.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.