MOSHITUKULWA shaShana omwa totwa ehangano lokukelela ehepeko loinimwenyo, tali xupipikwa nedina Oshana SPCA.
Kakele kokukelela omahepeko oinamwenyo tashi pitile mokutandavelifa omauyelele e na sha na nghee oinamwenyo i na okukalwa nayo nombili, ehangano Oshana SPCA otali lalakanene yo okwoongela oinamwenyo ei i li mehalakano noku i kongela oovene vape ava tava dulu oku i fila oshisho.
Ehangano lOshana SPCA otali lalakanene yo okuxwaxwameka etunhilo lokwaamena oinamwenyo komikifi nosho yo okwaamena nokukaleka po oushitwe.
Oshana SPCA ola pitifa omushangwanghundana, tali popi nokutya ola eta po ondunge-faneko yokudika oshinyongo/oshuunda omo tamu ka idililwa oinamwenyo oyo ya kana noya toolwa ile ya haulukwa koovene naai ya hepekwa, opo i filwe oshisho paunamiti noponee tai kongelwa eenhele tadi wapalele.
Ehangano ola totelwe pambelewa momafiku 17 Kotoba neudo eshi efinamhango lalo la pewa ediminino pamufika wopashiwana koNamibia SPCA moWindhoek.
Oshana SPCA ola pewa ekwafo loshimaliwa shomuvalu inau shiivifwa kehangano leehahende ledina W Horn Attorneys lomOshakati noshimaliwa eshi osha longifwa okulanda onhele younene weembinemeta 7 200 momukunda Okaandje popepi nOngwediva.
Omushangwanghundana otau ti ehangano lokufaneka omatungo ledina Nikodemus Architectural Designs CC ole lipyakidila nokuli nale nokufaneka omutungilo woshuunda/oshinyongo shoinamwenyo mOkaandje, osho tashi ka kala shotetetete sholudi olo mOumbangalanhuelela waNamibia.
Onhele ya faafana oli li ashike koTsumeb moshitukulwa shaShikoto.
Oilonga yokudika oshuunda mOkaandje otaku tengenekwa tai pula oshipaxu sheedola daNamibia eemiliyuna nhee netata.
Oshana SPCA otai wilikwa kokomitiye yovanhu vatano koshi yaCharmaine Bester ongomunashipundi.
Oilyo ikwao yokomitiye oyo Immanuel Kayofa (omupedu nashipundi), Amanda Dedig (omudiinini woiniwe), Wilmarie Horn (hamushanga) naPaulus Dumeni, ou ta kwatele komesho oinyangadalwa yokukongela ehangano oiyemo.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
