Shoka sha za moshigongi shoomeme yokiitopolwa yokomikunda

OOMEME yokIitopolwa yokomikunda mboka ya li noshigongi shawo
shotangotango sholudhi nduka mOngwediva mOshitopolwa sha Shana, sha tamekele meti 8 Desemba kala ko sigo ometi 10 Desemba 2008, oya ningile omalombwelo, moka ya pula Uuministeli wUukashikekookantu nOnkalonawa yAanona kutya wu ninge oonkundathana nOmahangano gIimaliwa ngashi Oombaanga dhi tule pevi iitegelelwanakugwanithwapo komuntu uuna wa hala okweehela oshimaliwa kOmbaanga.

Taya ti kutya oomeme yokomikunda sho taya yi kOombaanga ya hala okweehela ko oshimaliwa, kaye shi pewa molwashoka itaya vulu okugwanithwa po iitegelelwankaugwnaithwapo mbyoka
ya halika kOombaanga nokOmahangano galwe gIimaliwa ngoka haga gandja ooloona kaakwashigwana.
Omeme taya ti wo kutya naku langekwe olutu ndoka talu tulitha meendelelo omalombweloindilo ga za moshigongi shoomeme shika.
Kutya oomeme yokomikunda ya ninge po Ookooperatifa dhawo opo ya kale taya popi newi limwe miinima ye ya pamba.Kutya oshigongi shika shokomumvo shOomeme shi kale lela oshitayi shimwe shiinakugwanithwa yUuministeli wUukashikekookantu.
Kutya kukale haku gandjwa lela omauyelele koomeme yokomikunda neitulomo enene ngashi tashi vulika.
Kutya Ooveta dhAakwaniilwa nOmalenga, ano ndhokadhopashigwana nenge tu tye dhopamithigululwalo, dhi talululwe nodhi tulwe mondjila ndjoka tadhi kala tadhi tsu kumwe niinima ya shangwa mEkotampango lyOshilongo.
Kutya kutotwe Oshiketha shOwina shOomeme yokiitopolwa yokomikunda,shi li kohi yEtonatelo lyuuministeli wUukashikekookantu, shi kale tashi kwathele oomeme yokomikunda mbaka moompumbwe hawo nomwaashoka taya longekidha po.
Kutya oomeme yokomikunda ya longwe ya shiwe sha shomonkalamwenyo yawo noyaantu ayehe noya kale ye li pomuthika gokwiilikolela omauyelele miinima yi ili noyi ili.
Kutya Oompango dhOmangeshefo dhi kale tadhi pangele nokutonatela etopolo lyemona moshilongo.
Kutya oshinima shokunwa
Oalukoholi shi talululwe noshi kalwe moshipala manga oshigwana inashi pwa po mokugwila muunkolwe nomepiyagano tali etwa kuunkolwi.
Kutya Opolisi nomatanga agehe ge na sha negameno lyoshilongo
naantu yamo, yi kuthe ko oonkaku mokukelela oombwanda nuumbwanada moNamibia naanaa ngashi tashi vulika.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.