Senegal e eta edhiladhilo ewanawa kombinga yekelelo lyembugalo

DAKAR – Nelalakano okushinitha monima okweengenako kwombuga ya Sahara, Senegal ota ka dhika ekuma enene lyomiti lyuule wookilometa 7000 lya za ku Dakar (sha Senegal) lyu uka ku Djibouti.

Ominista yOmindhingoloko ya Senegal Modou Fada Diagne okwa ti oshilongo shawo otashi ka tameka nokutsika omiti ndhika nuumvo moshitopolwa shokuuzilo shoka sha li oongamba na Mauritania na Mali. “Pehala lyokutegelela ombuga yi ye kutse, o tu na okuyi ponokela,” Fada Diagne osho a lombwele oshitumikundaneki sha Reuters ngaaka.Edhiladhila ndika ndyoka lya etwa po tango kOmupresidende gwa Nigeria, Olusegun Obasanjo, olyo okutsika omikweyo omile dhomiti mu Afrika, nelalakano okusitopa ombuga kayi lye po omahala ngoka ge li nawa nuunamapya.Kutya nee opethimbo lyoomvula ta dhi loko nawa, aantu oomiliyuna ohaya kala ya pumbwa iikulya miilongo yAafrika lyuuninginino, unene tuu miilongo ngashi Niger, Mali na Mauritania.Nuumvo, oshikukuta noombahu odha tula aantu ye li oomiliyuna ndatu oshinkanwu hamano moshiponga shondjala mu Niger.”Oluhepo nembugapalo ohayi gumu uunamapya nokushunitha pevi ongushu yevi,” Fada Diagne ta popi.Okwa ti omiti ndhoka tadhi ka tsikwa odho dhoka hadi imi iiyimati, opo aanamikunda mboka ye li popepi nomiti ndhoka ya ka mone mo oshimaliwa moku yi landitha.Mu Senegal ombuga ya Sahara ohayi kutha ko evi lyoohektera 50 000 omumvo kehe.Nande ongaaka, Fada Diagne ina vula okupopya kutya ekuma lyomiti ndhika otali ka kwatwa ethimbo li thike peni okudhikwa po.Oproyeka naanaa ngashi ndjika oya li wo ya tamekwa mu China momumvo 1978, nelalakano okukwata moshipala okweengenako kwombuga ya Gobi mu China.Ndjika okwa tegelelwa yi ka kwate oomvula 70 na otayi ka pula oshimaliwa shOondola dha Amerika Oobiliona hetatu.Fada Diagne okwa ti Omupresidende gwa Senegal Abdoulaye naye okuwete kutya Oproyeka ndjika oshinima oshiwanawa noonkondo.- Nampa-Reuters”Pehala lyokutegelela ombuga yi ye kutse, o tu na okuyi ponokela,” Fada Diagne osho a lombwele oshitumikundaneki sha Reuters ngaaka.Edhiladhila ndika ndyoka lya etwa po tango kOmupresidende gwa Nigeria, Olusegun Obasanjo, olyo okutsika omikweyo omile dhomiti mu Afrika, nelalakano okusitopa ombuga kayi lye po omahala ngoka ge li nawa nuunamapya.Kutya nee opethimbo lyoomvula ta dhi loko nawa, aantu oomiliyuna ohaya kala ya pumbwa iikulya miilongo yAafrika lyuuninginino, unene tuu miilongo ngashi Niger, Mali na Mauritania.Nuumvo, oshikukuta noombahu odha tula aantu ye li oomiliyuna ndatu oshinkanwu hamano moshiponga shondjala mu Niger.”Oluhepo nembugapalo ohayi gumu uunamapya nokushunitha pevi ongushu yevi,” Fada Diagne ta popi.Okwa ti omiti ndhoka tadhi ka tsikwa odho dhoka hadi imi iiyimati, opo aanamikunda mboka ye li popepi nomiti ndhoka ya ka mone mo oshimaliwa moku yi landitha.Mu Senegal ombuga ya Sahara ohayi kutha ko evi lyoohektera 50 000 omumvo kehe.Nande ongaaka, Fada Diagne ina vula okupopya kutya ekuma lyomiti ndhika otali ka kwatwa ethimbo li thike peni okudhikwa po.Oproyeka naanaa ngashi ndjika oya li wo ya tamekwa mu China momumvo 1978, nelalakano okukwata moshipala okweengenako kwombuga ya Gobi mu China.Ndjika okwa tegelelwa yi ka kwate oomvula 70 na otayi ka pula oshimaliwa shOondola dha Amerika Oobiliona hetatu.Fada Diagne okwa ti Omupresidende gwa Senegal Abdoulaye naye okuwete kutya Oproyeka ndjika oshinima oshiwanawa noonkondo.- Nampa-Reuters