Saima ota tokolwa mOmaandaha tage ya mOshakati

M EME Saima Nghiholemote Hangula gwoomvula 30 gwokomukunda Eexwa popepi nOhehonge mOukwanyama mOshitopolwa sha Hangwena ngoka meti 17 Apilili 2007 a monikile ondjo kOmpangu yOpombanda ya Shakati medhipago lyuunona we utatu mboka meti 10 Mei omvula ya zi ko 2006 a ekele momuthima gwomeya ndele tau sile mo, otaka tokolwa kOmupanguli Louis Muller mOmaandaha ngaka tage ya kutya oku na ondjo nenge ke na moshipotha shedhipago lyuunona we mbuka utatu.

Uunona we mbuka utatu owo okamonakadhona koomvula omugoyi (9) kwali Emilia Popyeinawa Isai, okamatyona ke koomvula ne (4) Paulus Shongela na Frans Kashivulu gwe gwoomwedhi ne (4). Meti 17 Apilili 2007, Saima okwa itaala mOmpangu yoPombanda ya Shakati moka kutya oku na ondjo medhipago lyuunona we mbuka utatu.Ta ti kutya onkatu yatya ngawo okwe yi kutha sho he yuunona we mbuka a kala ke na nawo, ye wo ke na ko nasha naye.Sha zi mpoka sho aniwa ye (Saima) a kwatwa komukithi omudhigu nokukala e li moshipangelo.Saima Okwa li e na okupewa egeelo meyono lye ndika mEtitano lya zi ko, ashike ine li pewa we molwashoka Hahende gwe Frieda Kishi, okwa ti egeelo lye nali tsilikwe manga molwashoka oku na okumona manga Olopota okuzilila kAaniilonga yOnkalonawa.Meme Saima okwa lombwelele Ompangu kutya sho he yuunona we e mu ningi ngawo, ano a kala ke na ko nasha nayo, molwashoka ye (Saima) okwa kwatwa komukithi omudhigu ngoka gwe mu falele nomoshipangelo, okwa tokola a dhipage uunona we pamukalo ngoka gwoku wu umbila momuthima gwomeya.Saima ta ti sho e wu umbile mo nokumona kutya owa sa omeya, naye okwiiyumbile mo opo a se nawo, ashike nani omeya oga li omafupi na ina vula we naye okusa omeya pamwe nuunona we, ngashi osho a li a hala.”Ondi shi shi kutya onda yona okukutha uushuushuuka mboka utatu oomwenyo dhawo, ashike nee pethimbo ndjoka tandi shi ningi onda li nda itaala nonda tompwa kwali kutya oshiwanawa oku shi ninga, opo atuhe tu ye pamwe, tu thige po uuyuni mbuka nuupyakadhi wawo,” meme Saima Hangula ta lombwele Omupanguli Muller ngawo.Meti 17 Apilili 2007, Saima okwa itaala mOmpangu yoPombanda ya Shakati moka kutya oku na ondjo medhipago lyuunona we mbuka utatu.Ta ti kutya onkatu yatya ngawo okwe yi kutha sho he yuunona we mbuka a kala ke na nawo, ye wo ke na ko nasha naye.Sha zi mpoka sho aniwa ye (Saima) a kwatwa komukithi omudhigu nokukala e li moshipangelo.Saima Okwa li e na okupewa egeelo meyono lye ndika mEtitano lya zi ko, ashike ine li pewa we molwashoka Hahende gwe Frieda Kishi, okwa ti egeelo lye nali tsilikwe manga molwashoka oku na okumona manga Olopota okuzilila kAaniilonga yOnkalonawa.Meme Saima okwa lombwelele Ompangu kutya sho he yuunona we e mu ningi ngawo, ano a kala ke na ko nasha nayo, molwashoka ye (Saima) okwa kwatwa komukithi omudhigu ngoka gwe mu falele nomoshipangelo, okwa tokola a dhipage uunona we pamukalo ngoka gwoku wu umbila momuthima gwomeya.Saima ta ti sho e wu umbile mo nokumona kutya owa sa omeya, naye okwiiyumbile mo opo a se nawo, ashike nani omeya oga li omafupi na ina vula we naye okusa omeya pamwe nuunona we, ngashi osho a li a hala.”Ondi shi shi kutya onda yona okukutha uushuushuuka mboka utatu oomwenyo dhawo, ashike nee pethimbo ndjoka tandi shi ningi onda li nda itaala nonda tompwa kwali kutya oshiwanawa oku shi ninga, opo atuhe tu ye pamwe, tu thige po uuyuni mbuka nuupyakadhi wawo,” meme Saima Hangula ta lombwele Omupanguli Muller ngawo.